გლიატილინი 400მგ #14კაფს
გლიატილინი 400მგ 14 კაფსულა
საერთაშორისო არადაპატენტებული სახელწოდება
ქოლინის ალფოსცერატი (Choline alphoscerate).
შემადგენლობა
საინექციოხსნარისერთიამპულა (4 მლ) შეიცავს:
აქტიური ინგრედიენტი: ქოლინის ალფოსცერატი – 1000 მგ,
არააქტიური ინგრედიენტები: საინექციო წყალი q.s. 4 მლ-მდე.
ერთირბილიჟელატინისკაფსულაშეიცავს:
აქტიური ინგრედიენტი: ქოლინის ალფოსცერატი – 400 მგ,
არააქტიური ინგრედიენტები: გაწმენდილი წყალი – 140 მგ, გლიცერინი – 50 მგ.
კაფსულის გარსის შემადგენლობა: ჟელატინი 152 მგ, ეზიტოლი – 41 მგ, სორბიტანი – 33 მგ, ნატრიუმის ეთილ-პ-ჰიდროქსიბენზოატი – 0,8 მგ, ნატრიუმის პროპელ-პ-ჰიდროქსიბენზოატი – 0,4 მგ, ტიტანის დიოქსიდი (E171) – 2,4 მგ, რკინის (III) მეტაჰიდროქსიდი (E172) – 1,1 მგ.
ფარმაკოთერაპიული ჯგუფი: ნოოტროპული საშუალება.
ათქ კოდი: N07AX02.
ფარმაკოლოგიური მოქმედება
გლიატილინი წარმოადგენს ორიგინალურ ნაერთს, რომელიც მიეკუთვნება ცენტრალური ქოლინომიმეტური საშუალებების ჯგუფს, რომელიც ზემოქმედებას ახდენს ცნს-ზე. პრეპარატის შემადგენლობაში შედის 40,5% მეტაბოლურად დაცული ქოლინი. მეტაბოლური დაცვა უზრუნველყოფს თავის ტვინში ქოლინის გამოთავისუფლებას.
დადგენილია, რომ გლიატილინიმნიშვნელოვან დადებით მოქმედებას ახდენს მეხსიერების ფუნქციებსა და შესაძლებლობებზე, ასევე ემოციური მდგომარეობის და მოქმედების მაჩვენებლებზე, რომლებიც გაუარესებული იყო თავის ტვინის ინვოლუციური პათოლოგიის განვითარებით.
მოქმედების მექანიზმი ეფუძნება შემდეგს: ორგანიზმში მოხვედრის შემდეგ ქოლინ ალფოსცერატი იშლება ფერმენტების ზემოქმედებით ქოლინად და გლიცეროფოსფატად: ქოლინი მონაწილეობს აცეტილქოლინის ბიოსინთეზში, რომელიც ნერვული აგზნების ერთ-ერთი ძირითადი მედიატორია;
გლიცეროფოსფატი წარმოადგენს ფოსფოლიპიდების (ფოსფატიდილქოლინი) ნეირონული მემბრანის წინამორბედს.
ამგვარად, გლიატილინი აუმჯობესებს ქოლინერგულ ნეირონებში ნერვული იმპულსების გადაცემას, დადებითად მოქმედებს ნეირონული მემბრანების პლასტიკურობაზე და რეცეპტორების ფუნქციაზე. გლიატილინი აუმჯობესებს ცერებრულ სისხლმიმოქცევას, აძლიერებს თავის ტვინში მეტაბოლურ პროცესებს, ახდენს თავის ტვინის რეტიკულური ფორმაციის აქტივაციას და აღადგენს ცნობიერებას თავის ტვინის ტრავმატული დაზიანებისას.
ფარმაკოკინეტიკა
შიგნით მიღებისას აბსორბირდება შეყვანილი დოზის საშუალოდ 88%. მისი ელიმინაცია წარმოებს, ძირითადად, ფილტვებით – ნახშირბადის დიოქსიდის (CO2) სახით. პრეპარატის დაახლოებით 15% გამოიყოფა თირკმელებით და ნაწლავებით.
ფარმაკოდინამიკა
ექსპერიმენტულმა გამოკვლევებმა აჩვენეს, რომ გლიატილინი ახდენს დოზადამოკიდებულ აცეტილქოლინის გამოყოფის სტიმულირებას ნეიროტრანსმისიის ფიზიოლოგიურ პირობებში.
გლიატილინი, წარმოადგენს რა, ერთი მხრივ, ქოლინის დონორს, ზრდის აცეტილქოლინის სინთეზს, რაც თავის მხრივ დადებითად მოქმედებს ნეიროტრანსმისიაზე, მეორე მხრივ, წარმოადგენს გლიცეროფოსფატის დონორს, რომელიც მონაწილეობს ფოსფატიდილქოლინის სინთეზში (მემბრანული ფოსფოლიპიდი), რის შედეგად უმჯობესდება მემბრანული ელასტიურობა და რეცეპტორების ფუნქცია, რაც დადებით ზეგავლენას ახდენს სინაფსურ ტრანსმისიაზე.
გამოყენების ჩვენებები
- თავის ქალისა და ტვინის ტრავმის მწვავე პერიოდი ძირითადად, თავის ტვინის ღეროს დაზიანების შემთხვევაში (გონების დაკარგვა, კომატოზური მდგომარეობა, კეროვანი ნახევარსფერული სიმპტომატიკა, თავის ტვინის ღეროს დაზიანების სიმპტომები);
- დეგენერაციული ან ინვოლუციური ფსიქოორგანული სინდრომები, თავის ტვინში სისხლმიმოქცევის დარღვევის შედეგებით, როგორიცაა აზროვნების უნარის პირველადი ან მეორადი დარღვევები ასაკოვნებში, რომელთათვის დამახასიათებელია მეხსიერების დაქვეითება, ცნობიერების მოშლა, დეზორიენტაცია;
- მოტივაციისა და ინიციატივის დაქვეითება, ყურადღების კონცენტრაციის შესუსტება, ქცევის და ემოციური მდგომარეობის შეცვლა: ემოციური ცვალებადობა, გაღიზიანება, ინტერესის არქონა;
- ფსევდომელანქოლია ასაკოვნებში.
უკუჩვენება
დადგენილი ინდივიდუალური მომატებული მგრძნობელობა პრეპარატის მიმართ.
ორსულობა და ლაქტაცია
პრეპარატის გამოყენება ორსულობისას და ლაქტაციის პერიოდში უკუნაჩვენებია.
გვერდითი ეფექტები
ქოლინის ალფოსცერატი, როგორც ბიოლოგიური კომპონენტების წინამორბედი, ჩვეულებრივ კარგად გადაიტანება ხანგრძლივი გამოყენების შემთხვევაშიც კი. შესაძლოა გულისრევა (რაც ალბათ დაკავშირებულია მეორად დოფამინერგულ აქტივაციასთან), რომლის კუპირებისათვის შეიძლება აუცილებელი გახდეს პრეპარატის დოზის შემცირება.
მექანიზმების მართვა ზეზემოქმედება
იგი გავლენას არ ახდენს ავტომანქანის და სხვა მექანიზმების მართვის უნარზე.
გამოყენების წესი და დოზირება
მწვავე მდგომარეობების დროს გლიატილინი შეყავთ კუნთში, ან ვენაში (ნელა) 1,0 გ (1 ამპ.) დღეში.
ქრონიკული ცერებროვასკულური უკმარისობისას და დემენციის სინდრომებისას გლიატილინი ინიშნება 2-3-ჯერ დღეში 400 მგ (1 კაფსულა), სასურველია ჭამამდე. მკურნალობის ხანგრძლივობა შეადგენს 3-6 თვეს.
ურთიერთქმედება სხვა სამკურნალო საშუალებებთან
არ არის გამოვლენილი.
გამოშვების ფორმა
გლიატილინი საინექციო ხსნარი: შეფუთვა მოიცავს 3 ამპულას თითო ამპულა 4მლ (ამპულაში პრეპარატის 1000 მგ). ამპულები პლასტიკურ კონტეინერში და გამოყენების ინსტრუქცია მოთავსებულია მუყაოს ყუთში.
გლიატილინი კაფსულები: შეფუთვა მოიცავს 14 კაფსულას პვხ/ალუმინის ბლისტერში და მოთავსებულია გამოყენების ინსტრუქციასთან ერთად მუყაოს შეფუთვაში.
ვარგისობის ვადა
ამპულები – 5 წელი. კაფსულები – 3 წელი.
შენახვის პირობები
შეინახეთ ტემპერატურაზე, რომელიც არ აღემატება 25°C.
შეინახეთ ბავშვებისათვის მიუწვდომელ ადგილზე!
აფთიაქიდან გაცემა
ექიმის რეცეპტით.
მწარმოებელი
იტალფარმაკო, იტალია.
“ITALFARMACO” S.p.A. V.le Fulvio Testi, 330, 1-20126 Milano – Italy.