კალათა ცარიელია:
გალვუსი 50მგ #56ტ(თურქ)
96367
- — ყველაზე დაბალი ფასები
- — უფასო მიწოდება თბილისში 100 ლარიდან
- — 25 ლარიდან უფასო მიწოდება შემდეგი ქალაქების ფარგლებში: ბათუმი, ქუთაისი, ზუგდიდი, რუსთავი, თელავი, ზესტაფონი, ახალციხე, გორი, ოზურგეთი
- — მიკითხვა მთელ საქართველოში
გალვუსი 50მგ 56 ტაბლეტი
შემადგენლობა
მოქმედი ნივთიერება: ვილდაგლიპტინი.
1 ტაბლეტი შეიცავს ვილდაგლიპტინს 50 მგ-ს.
დამხმარე ნივთიერებები: ცელულოზა მიკროკრისტალური, ლაქტოზა უწყლო, ნატრიუმის სახამებელგლიკოლატი (ტიპი А), მაგნიუმის სტეარატი.
სამკურნალწამლო ფორმა
ტაბლეტები.
ფარმაკოთერაპიული ჯგუფი
ჰიპოგლიკემიური სინთეზური და სხვა საშუალებები. დიპეპტიდილპეპტიდაზა-4 ინჰიბიტორები.
ათქკოდი: A10B H02.
კლინიკური მახასიათებლები
ჩვენებები
გალვუსი ნაჩვენებია მოზრდილებში II ტიპის შაქრიანი დიაბეტის სამკურნალოდ:
მონოთერაპიის სახით
- პაციენტებისთვის, რომლებშიც დიეტითა და ფიზიკურმა დატვირთვით ვერ იქნა მიღწეული სისხლში გლუკოზის ადეკვატური კონტროლი, მეტფორმინი კი არ გამოდგება უკუჩვენებების ან აუტანლობის გამო.
ორმაგი ორალური თერაპიის სახით კომბინაციაში:
- მეტფორმინთან ერთად, პაციენტებისთვის, რომლებშიც მაქსიმალური დასაშვები დოზით მეტფორმინით მონოთერაპიისას ვერ იქნა მიღწეული ადეკვატური გლიკემიური კონტროლი;
- სულფონილშარდოვანასთან ერთად, პაციენტებისთვის, რომლებშიც მაქსიმალური დასაშვები დოზით სულფონილშარდოვანით მონოთერაპიისას ვერ იქნა მიღწეული ადეკვატური გლიკემიური კონტროლი და რომელთათვისაც მეტფორმინი არ გამოდგება უკუჩვენებების ან აუტანლობის გამო;
- თიაზოლიდინდიონთან ერთად, პაციენტებისთვის არასაკმარისი გლიკემიური კონტროლით და რომელთათვისაც მისაღებია თიაზოლიდინდიონის გამოყენება.
სამმაგი ორალური თერაპიის სახით კომბინაციაში:
- სულფონილშარდოვანასთან და მეტფორმინთან ერთად, თუ დიეტამ, ფიზიკურმა დატვირთვამ პლიუს ამ პრეპარატებით ორმაგმა თერაპიამ არ აჩვენა ადეკვატური გლიკემიური კონტროლი.
გალვუსი ასევე ნაჩვენებია ინსულინთან კომბინაციაში გამოყენებისთვის (მეტფორმინთან ან მის გარეშე), თუ დიეტით, ფიზიკური დატვირთვით და სტაბილური დოზით ვერ იქნა მიღწეული ადეკვატური გლიკემიური კონტროლი.
უკუჩვენებები
- გარკვეული მგრძნობელობა ვილდაგლიპტინის ან შემადგენლობაში არსებული ნებისმიერი დამხმარე ნივთიერების მიმართ;
- ბავშთა ასაკი.
გამოყენების წესი და დოზირება
დოზირების რეჟიმი
მოზრდილიპაციენტები
მონოთერაპიის სახით გამოყენებისას, მეტფორმინთან კომბინაციაში, თიაზოლიდინდიონთან კომბინაციაში, მეტფორმინთან და სულფონილშარდოვანასთან კომბინაციაში ან ინსულინთან კომბინაციაში (მეტფორმინთან ან მის გარეშე) ვილდაგლიპტინის რეკომენდებული სადღეღამისო დოზა შეადგენს 100 მგ, რომელსაც იღებენ თითო დოზით 50 მგ დილას და საღამოს.
სულფონილშარდოვანასთან ორმაგ კომბინაციაში გამოყენებისას ვილდაგლიპტინის რეკომენდებული დოზა შეადგენს 50 მგ დილით. ამ პოპულაციის პაციენტებისთვის ვილდაგლიპტინის 100 მგ/დღეში არ არის უფრო ეფექტური, ვიდრე ვილდაგლიპტინის 50 მგ ერთხელ დღეში.
სულფონილშარდოვანასთან ორმაგ კომბინაციაში გამოყენებისას შეიძლება განხილულ იქნას სულფონილშარდოვანას უფრო დაბალი დოზის გამოყენების შესაძლებლობა ჰიპოგლიკემიის რისკის შესამცირებლად.
100 მგ-ზე მაღალი დოზები არ არის რეკომენდებული.
თუ გალვუსის დოზა გამოტოვებულია, ის უნდა მიღებულ იქნას რაც შეიძლება მალე. იმავე დღეს ორმაგი დოზის მიღება არ შეიძლება.
ვილდაგლიპტინის უსაფრთხოება და ეფექტურობა სამმაგ ორალურ თერაპიაში მეტფორმინთან და თიაზოლიდინდიონთან კომბინაციაში არ არის დადგენილი.
დამატებითი ინფორმაცია განსაკუთრებული პოპულაციებისთვის
ხანდაზმულიპაციენტები (≥ 65 წლის)
ხანდაზმული ასაკის პაციენტებისთვის დოზის კორექტირების აუცილებლობა არ არის.
თირკმლებისფუნქციისდარღვევა
თირკმლების ფუნქციის მსუბუქი დარღვევებით (კრეატინინის კლირენსი ≥ 50 მლ/წთ) პაციენტებისთვის დოზის რეგულირების აუცილებლობა არ არსებობს. თირკმლების ფუნქციის ზომიერი ან ძლიერი დარღვევებით ან თირკმლების დაავადების ბოლო სტადიით (ESRD) პაციენტებისთვის გალვუსის რეკომენდებული დოზა შეადგენს 50 მგ დღეში ერთხელ.
ღვიძლისფუნქციისდარღვევა
გალვუსი არ არის რეკომენდებული ღვიძლის ფუნქციის დარღვევის მქონე პაციენტებისთვის, მათ შორის იმ პაციენტებისთვის, რომელთა ალატ-ის ან ასატ-ის დონე მკურნალობამდე 3-ჯერ და მეტად აღემატებოდა ნორმის ზედა ზღვარს.
დოზირებაბავშვებში
გალვუსი არ არის რეკომენდებული ბავშვებში და 18 წლამდე მოზარდებში გამოყენებისთვის, ეფექტურობისა და უსაფრთხოების შესახებ მონაცემების ნაკლებობის გამო.
გამოყენების წესი
შიგნით მიღებისთვის, საკვების მიღებისგან დამოუკიდებლად.
გვერდითი მოვლენები
გვერდითი მოვლენების უმეტესობა, რომლებიც ჩნდება პრეპარატ გალვუსის მიღებისას მსუბუქი ხასიათის და დროებითი იყო, ამასთან ისეთი, რომელიც არ ითხოვს მკურნალობის შეწყვეტას.
ვილდაგლიპტინის მიღებასთან დაკავშირებით, ანგიონევროზული შეშუპების ერთეული შემთხვევები, რომელთა შესახებ იყო შეტყობინებები, იმავე სიხშირით აღინიშნებოდა, როგორც საკონტროლო ჯგუფში. შემთხვევების უფრო მაღალი პროცენტი აღინიშნებოდა იმ ჯგუფში, სადაც ვილდაგლიპტინი გამოიყენებოდა ანგიოტენზინ-გარდამქმნელი ფერმენტის ინჰიბიტორთან ერთად კომბინაციაში (აგფ ინჰიბიტორთან).
არსებობს ასევე შეტყობინებები ღვიძლის უკმარისობის განვითარების ერთეული შემთხვევების შესახებ (მათ შორის ჰეპატიტის). ეს შემთხვევები ჩვეულებრივ იყო უსიმპტომო, კლინიკური შედეგების გარეშე, ღვიძლის ფუნქციის ტესტების შედეგები კი (ღფტ) მკურნალობის შეწყვეტის შემდეგ ნორმალურს უბრუნდებოდა.
კონტროლირებად კვლევებში 24 კვირამდე ხანგრძლივობის მონოთერაპიისა და დამატებითი თერაპიის დროს ალატ-ის და ასატ-ის ნორმის ზედა ზღვარის 3-ჯერზე მეტად გადამეტების შემთხვევები (კლასიფიცირდება არანაკლებ 2 თანმიმდევრული გაზომვისას ან შემაჯამებელი ვიზიტისას) შეადგენდა 0.2%, 0.3% და 0.2% 50 მგ/დღეში ვილდაგლიპტინისთვის, 5 მგ ორჯერ დღეში ვილდაგლიპტინისა და ყველა შესადარი პრეპარატისთვის, შესაბამისად. ტრანსამინაზების ასეთი მომატება მთლიანობაში იყო უსიმპტომო, არაპროგრესირებადი და მას თან არ ახლდა ქოლესტაზი და სიყვითლე.
გვერდითი მოვლენები, რომლებიც შეისწავლებოდა კვლევების განმავლობაში პაციენტებში, რომლებიც იღებდნენ პრეპარატ გალვუსს მონოთერაპიის სახით და კომბინირებული თერაპიის სახით, მითითებულია ქვემოთ MedDRA სისტემის შესაბამისად ორგანოების კლასებისა და აბსოლუტური სიხშირის მიხედვით.
ორგანოების სისტემის თითოეულ კლასში გვერდითი მოვლენები მოცემულია სიხშირის მიხედვით, უფრო ხშირი რეაქციები პირველებია. სიხშირის მიხედვით თითოეული ჯგუფის ფარგლებში გვერდითი მოვლენები წარმოდგენილია სერიოზულობის კლების რიგითობით.
გარდა ამისა, სიხშირის შესაბამისი კატეგორია თითოეული გვერდითი მოვლენისთვის ეფუძნება შემდეგ პირობითობას (СIOMS III): ძალიან ხშირად (≥ 1/10), ხშირად (≥ 1/100; <1/10), არახშირად (≥ 1/1000; <1/100), იშვიათად (≥1/10000; < 1/1000), ძალიან იშვიათად (< 1/10000).
პრეპარატის კომბინაცია მეტფორმინთან
ნერვულის ისტემის მხრივ
ხშირად – ტრემორი, თავბრუ, თავის ტკივილი; არახშირად – დაღლილობა.
გასტროინტესტინური ტრაქტის მხრივ
ხშირად – გულისრევა.
ნივთიერებათა ცვლის მხრივ
ხშირად – ჰიპოგლიკემია.
პრეპარატის კომბინაცია სულფონილ შარდოვანას წარმოებულებთან
სასუნთქი ორგანოების მხრივ
ძალიან იშვიათად – რინოფარინგიტი.
ნერვული სისტემის მხრივ
ხშირად – ტრემორი, თავბრუ, თავის ტკივილი, ასთენია.
გასტროინტესტინური ტრაქტის მხრივ
არახშირად – ყაბზობა.
ნივთიერებათა ცვლისმხრივ
ხშირად – ჰიპოგლიკემია.
პრეპარატის კომბინაცია თიაზოლიდინ დიონთან
ნერვული სისტემის მხრივ
იშვიათად – თავის ტკივილი, ასთენია.
ნივთიერებათა ცვლის მხრივ
ხშირად – სხეულის მასის ზრდა; არახშირად – ჰიპოგლიკემია.
ზოგადი დარღვევები და რეაქციები შეყვანის ადგილას
ხშირად – პერიფერიული შეშუპებები.
მონოთერაპია პრეპარატით გალვუსი
ნერვული სისტემის მხრივ
ხშირად – თავბრუ; იშვიათად – თავის ტკივილი.
გასტროინტესტინური სისტემის მხრივ
არახშირად – ყაბზობა.
ძვალ-კუნთოვანი სისტემისა და შემაერთებელი ქსოვილის მხრივ
არახშირად – ართრალგია.
ნივთიერებათა ცვლის მხრივ
არახშირად – ჰიპოგლიკემია.
სასუნთქი ორგანოების მხრივ
ძალიან იშვიათად – მწვავე რესპირატორული ვირუსული ინფექციები, რინოფარინგიტი.
ზოგადი დარღვევები და რეაქციები შეყვანის ადგილას
არახშირად – პერიფერიული შეშუპებები.
პრეპარატის კომბინაცია მეტფორმინთან და სულფონილ შარდოვანასთან
სასუნთქი ორგანოების მხრივ
ძალიან იშვიათად – რინოფარინგიტი.
ნერვული სისტემის მხრივ
ხშირად – ტრემორი, თავბრუ.
კანისა და კანქვეშა ქსოვილების მხრივ
ხშირად – ჰიპერჰიდროზი.
ნივთიერებათა ცვლისმხრივ
ხშირად – ჰიპოგლიკემია.
ზოგადი დარღვევები და მდგომარეობა შეყვანის ადგილას
ხშირად – ასთენია.
პრეპარატისკომბინაციაინსულინთან
გასტროინტესტინური ტრაქტის მხრივ
ხშირად – გულისრევა, გასტროეზოფაგური რეფლუქსი; არახშირად – დიარეა, მეტეორიზმი.
ნერვული სისტემის მხრივ
ხშირად – თავის ტკივილი.
ზოგადი დარღვევები და რეაქციები შეყვანის ადგილას
ხშირად – შეციება.
ნივთიერებათა ცვლის მხრივ
ხშირად – სისხლში გლუკოზის დონის კლება.
პოსტმარკეტინგული კვლევები
შემდეგი გვერდითი მოვლენები იქნა მიღებული პრეპარატ გალვუსის გამოყენების პოსტმარკეტინგული გამოცდილებიდან სპონტანური შეტყობინებების გზით და ლიტერატურული მონაცემებიდან. რადგან მოცემული რეაქციების შესახებ შეტყობინება ნებაყოფლობითი იყო და შემოდიოდა უცნობი ზომის პოპულაციიდან, შესაძლებელი არ არის სანდოდ შეფასდეს მათი სიხშირე, ამიტომ ისინი კლასიფიცირდება სიხშირით – უცნობია.
გასტროინტესტინური ტრაქტის მხრივ
უცნობია – პანკრეატიტი.
ჰეპატობილიალური სისტემის მხრივ
უცნობია – ჰეპატიტი (შექცევადი პრეპარატის გამოყენების შეწყვეტის შემდეგ), ღვიძლის ფუნქციის ანომალური ტესტები (შექცევადი პრეპარატის გამოყენების შეწყვეტის შემდეგ).
კანისა და კანქვეშა ქსოვილების მხრივ
უცნობია – ჭინჭრის ციება, კანის ბულოზური და ექსფოლიატური დაზიანებები.
ჭარბიდოზირება
ნიშნები და სიმპტომები
ვილდაგლიპტინით ჭარბი დოზირების შესახებ ინფორმაცია შეზღუდულია.
სიმპტომები
ჭარბი დოზირების შესაძლო სიმპტომების შესახებ ინფორმაცია ეფუძნება დოზის მომატებისას ტოლერანტობის კვლევის შედეგებს ჯანმრთელ სუბიექტებში, რომლებიც იღებდნენ გალვუსს 10 დღის განმავლობაში. 400 მგ დროს აღნიშნული იყო კუნთოვანი ტკივილების 3 შემთხვევა და მსუბუქი და ტრანზიტორული პარესთეზიის, ტემპერატურის მომატების, შეშუპებების, ლიპაზის დონეების ტრანზიტორული მომატების ერთეული შემთხვევები. 600 მგ დროს ერთ სუბიექტს ჰქონდა ფეხებისა და ხელების შეშუპება და კრეატინინფოსფოკინაზას (კფკ), ასპარტატამინოტრანსფერაზას (ასატ), C-რეაქტიული ცილისა და მიოგლობინის დონის ჭარბი მომატება. ამ დოზის დროს კიდევ სამ სუბიექტთან ფეხებისა და ხელების შეშუპებას ორ შემთხვევაში თან ახლდა პარესთეზია. ყველა სიმპტომი და ლაბორატორიული მაჩვენებლების ანომალია პრეპარატის მიღების შეწყვეტის შემდეგ აღმოიფხვრებოდა.
მკურნალობა
ჭარბი დოზირებისას რეკომენდებულია მხარდამჭერი მკურნალობა. ვილდაგლიპტინი არ გამოიყოფა ჰემოდიალიზით, თუმცა ძირითადი ჰიდროლიზური მეტაბოლიტი (LAY151) შეიძლება მოცილებულ იქნას დიალიზის დახმარებით.
გამოყენება ორსულობისა და ძუძუთი კვების პერიოდში
ორსულობა
დღეისათვის არ არის საკმარისი მონაცემები ორსულ ქალებთან ვილდაგლიპტინის გამოყენების შესახებ. ცხოველებზე ჩატარებულმა კვლევებმა აჩვენა რეპროდუქტიული ტოქსიკურობა მაღალი დოზების დროს. პოტენციური რისკი ადამიანისთვის უცნობია. პრეპარატის ადამიანებზე ზემოქმედების შესახებ მონაცემების არარსებობის გამო, გალვუსი გამოყენება ორსულობის დროს არ არის მიზანშეწონილი.
ძუძუთიკვებისპერიოდი
უცნობია, აღწევს თუ არა ვილდაგლიპტინი დიდის რძეში, ამიტომ გალვუსის დანიშვნა ქალებისთვის ძუძუთი კვების პერიოდში არ არის მიზანშეწონილი.
ბავშვები
პრეპარატი არ გამოიყენება 18 წლამდე ასაკის ბავშვებში.
გამოყენების თავისებურებები
ზოგადი თავისებურებები
გალვუსი არ წარმოადგენს ინსულინის შემცვლელს ინსულინდამოკიდებული პაციენტებისთვის. პრეპარატის გამოყენება არ არის მიზანშეწონილი დიაბეტური კეტოაციდოზის მკურნალობისას I ტიპის დიაბეტით პაციენტებში.
თირკმლების ფუნქციის ზომიერი ან მძიმე დარღვევით პაციენტებთან გამოყენების გამოცდილება შეზღუდულია. ამიტომ ასეთ პაციენტებთან გალვუსი უნდა გამოყენებულ იქნას სიფრთხილით.
ღვიძლისფუნქციისდარღვევები
გალვუსი არ არის რეკომენდებული ღვიძლის ფუნქციის დარღვევებით პაციენტებში გამოყენებისთვის, მათ შორის იმ პაციენტებთან, რომლებთანაც ალატ-ის ან ასატ-ის დონე 3-ჯერზე მეტად აღემატებოდა ნორმის ზედა ზღვარს.
ღვიძლის ფერმენტების დონის კონტროლი
შესწავლილია ღვიძლის ფუნქციის დარღვევის იშვიათი შემთხვევები (ჰეპატიტის ჩათვლით). ამ შემთხვევებში, მთლიანობაში, პაციენტის მდგომარეობა იყო უსიპტომო კლინიკური შედეგების გარეშე, ღვიძლის ფუნქციების მაჩვენებლები (LFTs) კი ნორმალიზდება მკურნალობის შეწყვეტის შემდეგ. გალვუსით მკურნალობის დაწყებამდე უნდა ჩატარდეს LFT ტესტები, რათა დადგენდეს საწყისი მაჩვენებლები. LFT მონიტორინგის ჩატარება აუცილებელია ყოველ სამ თვეში ერთხელ გალვუსით მკურნალობის პირველ წელს, ამის შემდეგ კი – პერიოდულად. პაციენტებისთვის, რომლებთანაც მოიმატა ტრანსამინაზების დონემ, აუცილებელია ღვიძლის ფუნქციის მეორადი დამადასტურებელი შეფასების ჩატარება, შემდგომში კი LFT ტესტირების ხშირი ჩატარება მაჩვენებლების ნორმალიზაციამდე. თუ გრძელდება ალატ-ის და ასატ-ის დონეების მომატება 3-ჯერზე მეტად ნორმის ზედა ზღვართან შედარებით, რეკომენდებულია გალვუსით თერაპიის მოხსნა.
პაციენტებმა, რომლებსაც განუვითარდა სიყვითლე ან ღვიძლის ფუნქციის დარღვევის სხვა ნიშნები, უნდა შეწყვიტონ გალვუსის მიღება. LFT ნორმალიზაციის შემდეგ ვილდაგლიპტინით მკურნალობა არ უნდა განახლდეს.
გულის უკმარისობა
ვილდაგლიპტინის კლინიკურმა კვლევებმა ნიუ-იორკის გულის ასოციაციის (NYHA) კლასიფიკაციის მიხედვით I – III ფუნქციური კლასის გულის უკმარისობით პაციენტებში აჩვენა, რომ ვილდაგლიპტინით მკურნალობა არ იყო დაკავშირებული ცვლილებებთან მარცხენა პარკუჭის ფუნქციაში ან უკვე არსებული შეგუბებული გულის უკმარისობის (შგუ) გამწვავებებთან პლაცებოსთან შედარებით. კლინიკური გამოცდილება NYHA III ფუნქციური კლასის გულის უკმარისობით პაციენტებში, რომლებიც იღებდნენ ვილდაგლიპტინს, შეზღუდულია და შედეგები არ არის საბოლოო.
ვილდაგლიპტინის გამოყენების გამოცდილება კლინიკურ გამოცდებში IV კლასის გულის უკმარისობით პაციენტებში არ არსებობს, ამიტომ მისი გამოყენება ასეთ პაციენტებთან არ არის რეკომენდებული.
კანის დაავადებები
არაკლინიკურ ტოქსიკოლოგიურ კვლევებში (ნაწილი 5.3) მაიმუნებში აღნიშნულია კანის დაზიანებები კიდურებზე, ბებერებისა და წყლულების წარმოქმნის ჩათვლით. თუმცა კლინიკურ გამოცდებში არ აღინიშნებოდა კანის დაზიანებების სიხშირის მომატება. კანის დიაბეტური გართულებებით პაციენტებში გამოყენების გამოცდილება შეზღუდულია. უფრო მეტიც, პოსტმარკეტინგულ შეტყობინებებში აღნიშნავდნენ კანის დაზიანებებს ბებერებითა და აქერცვლით. ამიტომ დიაბეტურ პაციენტებზე ჩვეულებრივი დაკვირვებების დროს, რეკომენდებულია კანის ისეთი დაზიანებების მონიტორინგი, როგორებიცაა ბებერებისა და წყლულების წარმოქმნა.
პანკრეატიტი
პოსტმარკეტინგული დაკვირვების დროს, სპონტანური შეტყობინებები იყო პანკრეატიტის, როგორც გვერდითი რეაქციის შესახებ. პაციენტები ინფორმირებული უნდა იყვნენ მწვავე პანკრეატიტის დამახასიათებელი სიმპტომების შესახებ, როგორიცაა პერსისტირებადი ძლიერი ტკივილი მუცლის აპკში.
ვილდაგლიპტინის მიღების შეწყვეტის შემდეგ პანკრეატიტი გაივლის. პანკრეატიტის სიმპტომების გამოვლენისას ვილდაგლიპტინისა და ამ მოსალოდნელი გვერდითი ეფექტით სხვა პრეპარატების მიღება უნდა შეწყდეს.
ჰიპოგლიკემია
ცნობილია, რომ სულფონილშარდოვანა იწვევს ჰიპოგლიკემიას. ჰიპოგლიკემიის რისკი არსებობს იმ პაციენტებისთვისაც, რომლებიც იღებენ ვილდაგლიპტინს სულფონილშარდოვანასთან კომბინაციაში. ჰიპოგლიკემიის რისკის შემცირებისთვის შეიძლება გათვალისწინებულ იქნას სულფონილშარდოვანას დაბალი დოზის გამოყენება.
სხვათავისებურებები
გალვუსის ტაბლეტების შემადგენლობაში შედის ლაქტოზა. პაციენტებს იშვიათი მემკვიდრეობითი დაავადებებით – ლაქტოზას აუტანლობა, ლაქტაზას დეფიციტი ან გლუკოზისა და გალაქტოზის მალაბსორბცია – პრეპარატი გალვუსი უკუნაჩვენებია.
რეაქციის სიჩქარეზე ზემოქმედების უნარი ავტოტრანსპორტის მართვისას ან სხვა მექანიზმებთა ნმუშაობისას
კვლევები ტრანსპორტის მართვისა და მექანიზმებთან მუშაობის უნარზე პრეპარატის ზემოქმედებაზე არ ჩატარებულა. პაციენტები, რომლებსაც აქვთ თავბრუ, არ უნდა მართონ ავტოტრანსპორტი ან იმუშაონ მექანიზმებთან.
ურთიერთქმედება სხვა სამკურნალო საშუალებებთან და სხვა სახის ურთიერთქმედებები
ვილდაგლიპტინს გააჩნია სამკურნალწამლო ურთიერთქმედების დაბალი პოტენციალი. რადგან ვილდაგლიპტინი არ წარმოადგენს ფერმენტ CYP450 სუბსტრატს, არ აინჰიბირებს და არ აინდუცირებს CYP450 ფერმენტებს, ნაკლებად სავარაუდოა მისი ურთიერთქმედება აქტიურ სუბსტანციებთან, რომლებიც ამ ფერმენტების სუბსტრატები, ინჰიბიტორები ან ინდუქტორები არიან.
კომბინაციაპიოგლიტაზონთან, მეტფორმინთანდაგლიბურიდთან
ამ ორალური ანტიდიაბეტური პრეპარატების კვლევების შედეგებმა არ აჩვენა კლინიკურად მნიშვნელოვანი ფარმაკოკინეტიკური ურთიერთქმედებები.
დიგოქსინი (Pgp სუბსტრატი), ვარფარინი (CYP2C9 სუბსტრატი)
კლინიკურ კვლევებში ჯანმრთელ მოხალისეებში არ არის გამოვლენილი კლინიკურად მნიშვნელოვანი ფარმაკოკინეტიკური ურთიერთქმედებები. თუმცა სამიზნე პოპულაციისთვის ასეთი მონაცემები არ არსებობს.
კომბინაციაამლოდიპინთან, რამიპრილთან, სიმვასტატინთანანვალსარტანთანამლოდიპინისთვის, რამიპრილისთვის, სიმვასტატინისთვის და ვალსარტანისთვის ჩატარებულია სამკურნალწამლო ურთიერთქმედებების კვლევები ჯანმრთელ მოხალისეებში. ამ კვლევებში არ არის გამოვლენილი კლინიკურად მნიშვნელოვანი ფარმაკოკინეტიკური ურთიერთქმედებები ვილდაგლიპტინთან ერთობლივი შეყვანისას.
სხვა ორალური ანტიდიაბეტური პროდუქტების მსგავსად, გარკვეულ აქტიურ სუბსტანციებს (თიაზიდების, კორტიკოსტეროიდების, თირეოიდული აგენტებისა და სიმპატომიმეტიკების ჩათვლით) შეუძლია ვილდაგლიპტინის ჰიპოგლიკემიური ეფექტის შემცირება.
ფარმაკოლოგიური თვისებები
ფარმაკოდინამიკა
ვილდაგლიპტინი მიეკუთვნება ნივთიერებათა კლასს, რომლებიც კუჭქვეშა ჯირკვლის კუნძულოვანი აპარატის ბეტა უჯრედების მუშაობას აძლიერებს, წარმოადგენს დიპეპტიდილპეპტიდაზა-4 (DPP-4) მძლავრ და სელექტიურ ინჰიბიტორს, რომელიც აუმჯობესებს გლიკემიურ კონტროლს. ვილდაგლიპტინის გამოყენება იწვევს DPP-4 აქტივობის სწრაფ და სრულ შეწყვეტას. II ტიპის დიაბეტის მქონე პაციენტებში ვილდაგლიპტინის მიღება აჩერებს DPP-4 ფერმენტის აქტივობას 24 საათით. ვილდაგლიპტინით DPP-4 ინჰიბირება იწვევს ინკრეტინის ჰორმონების გმპ-1 (გლუკაგონის მსგავსი პეპტიდი 1) და გიპ (გლუკოზა-დამოკიდებული ინსულინოტროპული პეპტიდი) ენდოგენური დონის მომატებას შიმშილის დროს და საკვების მიღების შემდეგ.
ამ ჰორმონების ენდოგენური დონეების მომატების გზით ვილდაგლიპტინი აუმჯობესებს ბეტა უჯრედების მგრძნობელობას გლუკოზისადმი, რაც იწვევს გლუკოზა-დამოკიდებული ინსულინის სეკრეციის გაძლიერებას. 50 მგ-დან 100 მგ-მდე დღე-დამეში დოზებში პრეპარატით II ტიპის დიაბეტით პაციენტების მკურნალობა საგრძნობლად აუმჯობესებს ბეტა უჯრედების ფუნქციის მარკერებს. ბეტა უჯრედების ფუნქციის გაუმჯობესების ხარისხი დამოკიდებულია დაავადების სიმძიმის საწყის ხარისხზე; პაციენტებში, რომლებიც არ არიან დიაბეტით დაავადებულნი (გლუკოზის ნორმალური დონით), ვილდაგლიპტინი არ იწვევს ინსულინის სეკრეციის სტიმულირებას ან გლუკოზის დონეების შემცირებას.
გმპ-1 ენდოგენური დონეების მომატების გზით ვილდაგლიპტინი აძლიერებს ალფა უჯრედების მგრძნობელობას გლუკოზისადმი, რაც იწვევს გლუკაგონის გლუკოზა-დამოკიდებული რეგულაციის გაუმჯობესებას. გლუკაგონის ჭარბი დონის კლება საკვების მიღების დროს იწვევს ინსულინისადმი რეზისტენტობის შემცირებას. ინსულინ-გლუკაგონი შეფარდების მნიშვნელოვანი ზრდა ჰორმონ ინკრეტინის მომატებული დონეებით გამოწვეული ჰიპოგლიკემიის ფონზე იწვევს ღვიძლის მიერ გლუკოზის პროდუქციის შემცირებას შიმშილის დროს და საკვების მიღების შემდეგ, რაც იწვევს გლიკემიის კლებას.
გმპ-1 მომატებული დონის გარკვეული ზემოქმედება, რომელიც მდგომარეობს კუჭის შიგთავსის შენელებულ ევაკუაციაში, არ აღინიშნება ვილდაგლიპტინით მკურნალობისას.
ფარმაკოკინეტიკა
შეწოვა
უზმოზე ორალური შეყვანის შემდეგ ვილდაგლიპტინი მალე შეიწოვება და პლაზმაში პიკური კონცენტრაციები აღინიშნება 1,7 საათის შემდეგ. საკვებთან ერთად შეყვანა ოდნავ აფერხებს პლაზმაში პიკური კონცენტრაციების მიღწევას (2.5 საათამდე), მაგრამ არ ცვლის ზოგად ექსპოზიციას (AUC). საკვებთან ერთად ვილდაგლიპტინის შეყვანა ამცირებს Cmax 19%-ით. თუმცა ცვლილებების სიდიდე არ არის კლინიკურად მნიშვნელოვანი, ამიტომ გალვუსის მიღება შესაძლებელია საკვებთან ერთად ან მის გარეშე. აბსოლუტური ბიოშეღწევადობა შეადგენს 85%-ს.
განაწილება
ვილდაგლიპტინის შეკავშირება პლაზმის ცილებთან დაბალია (9.3 %) და ვილდაგლიპტინი თანაბარი ხარისხით ნაწილდება პლაზმასა და სისხლის წითელ უჯრედებს შორის. ინტრავენური შეყვანის შემდეგ ვილდაგლიპტინის განაწილების საშუალო მოცულობა წონასწორულ მდგომარეობაში შეადგენს 71 ლ, რაც ექსტრავასკულარულ განაწილებაზე მიუთითებს.
ბიოტრანსფორმაცია
მეტაბოლიზმი ადამიანებში ვილდაგლიპტინის გამოყოფის ძირითადი გზაა და შეადგენს დოზის 69 %-ს. ძირითადი მეტაბოლიტი, LAY151, ფარმაკოლოგიურად არააქტიურია და ციანური ფრაგმენტის ჰიდროლიზის პროდუქტს წარმოადგენს, რომელიც ფასდება როგორც დოზის 57%, რის შემდეგაც მოდის ჰიდროლიზის გლუკურონიდული (BQS867) და ამიდური პროდუქტები (დოზის 4 %). ადამიანის თირკმლების მიკროსომებში in vitro მონაცემები მიუთითებს, რომ თირკმლები შეიძლება ერთ-ერთი ძირითადი ორგანო იყოს, რომლებიც მონაწილეობს ვილდაგლიპტინის ჰიდროლიზში მის ძირითად არააქტიურ მეტაბოლიტამდე LAY151. DPP-4 ნაწილობრივ მონაწილეობს ვილდაგლიპტინის ჰიდროლიზში, რაც დადგენილია DPP-4 დეფიციტით ვირთხებში in vivo კვლევისას. ვილდაგლიპტინი რაოდენობრივ ხარისხში არ მეტაბოლიზდება ციტოქრომ Р450 ფერმენტების მიერ. შესაბამისად, ნაკლებად სავარაუდოა ვილდაგლიპტინის მეტაბოლურ კლირენსზე იმ პრეპარატების ზეგავლენა, რომლებიც ციტოქრომ P450 ფერმენტების ინჰიბიტორები და/ან ინდუქტორები არიან. ამიტომ, ასევე ნაკლებად სავაუდოა ვილდაგლიპტინის ზეგავლენა ერთობლივად მისაღები პრეპარატების მეტაბოლურ კლირენსზე, რომლებიც მეტაბოლიზდება CYP 1А2, CYP 2С8, CYP 2С9, CYP 2С19, CYP 2D6, CYP 2Е1 ან CYP 3А4/5 მონაწილეობით.
გამოყოფა
[14С]- ვილდაგლიპტინის ორალური შეყვანის შემდეგ, დოზის დაახლოებით 85% გამოიყოფა შარდთან ერთად, 15 % - განავალთან ერთად. ორალური შეყვანის შემდეგ უცვლელი ვილდაგლიპტინის რენალური ექსკრეცია შეადგენს დოზის 23%-ს. ჯანმრთელი სუბიექტებისთვის ინტრავენური შეყვანის შემდეგ ვილდაგლიპტინის პლაზმის მთლიანი კლირენსი და რენალური კლირენსი შეადგენს 41 ლ/საათში და 13 ლ/საათში, შესაბამისად. ინტრავენური შეყვანის შემდეგ ნახევარგამოყოფის პერიოდი შეადგენს დაახლოებით 2 საათს. ორალური შეყვანის შემდეგ ნახევარგამოყოფის პერიოდი შეადგენს დაახლოებით 3 საათს.
ხაზოვნება/ არახაზოვნება
თერაპიული დოზების დიაპაზონში Сmax და AUC იზრდება დაახლოებით დოზის პროპორციულად.
მახასიათებლები პაციენტების განსაკუთრებული ჯგუფებისთვის
სქესი
არ აღინიშნებოდა ვილდაგლიპტინის ფარმაკოკინეტიკის მნიშვნელოვანი ცვლილებები სხვადასხვა დიაპაზონის ასაკისა და სხეულის მასის ინდექსის (BMI) მამრობითი და მდედრობითი სქესის სუბიექტებს შორის. სქესი არ ახდენს ზეგავლენას ვილდაგლიპტინის მიერ DPP-4 ინჰიბირებაზე.
ხანდაზმულიპაციენტები
ჯანმრთელ ხანდაზმულ პაციენტებში (≥ 70 წლის) ვილდაგლიპტინის ზოგადი ექსპოზიცია (100 მგ/დღეში) იზრდებოდა 32 %-ით, Cmax პლაზმაში 18 %-ით მომატებისას, უფრო ახალგაზრდა ჯანმრთელ სუბიექტებთან შედარებით (18-დან 40 წლამდე). ითვლება, რომ ეს ცვლილებები არ წარმოადგენს კლინიკურად მნიშვნელოვანს. ასაკი არ მოქმედებს ვილდაგლიპტინის მიერ DPP-4 ინჰიბირებაზე.
ღვიძლისფუნქციისდარღვევები
ღვიძლის ფუნქციის დარღვევის ზეგავლენა ვილდაგლიპტინის ფარმაკოკინეტიკაზე შესწავლილ იქნა ღვიძლის ფუნქციის მსუბუქი, ზომიერი და სერიოზული დარღვევებით პაციენტებში ჩაილდ-პიუს სკალის საფუძველზე (დიაპაზონი 6-დან მსუბუქისთვის 12-მდე სერიოზულისთვის), ღვიძლის ნორმალური ფუნქციის მქონე სუბიექტებთან შედარებით. ვილდაგლიპტინთან მიმართებაში ექსპოზიცია ერთეული დოზირების შემდეგ მსუბუქი და ზომიერი დარღვევებით სუბიექტებში მცირდებოდა (20%-ით და 8%-ით, შესაბამისად), მაშინ როდესაც ექსპოზიცია ვილდაგლიპტინთან მიმართებაში პაციენტებში სერიოზული დარღვევებით იზრდებოდა 22%-ით. ექსპოზიციის მაქსიმალური ცვლილება (ზრდა ან შემცირება) შეადგენს დაახლოებით 30%-ს, რაც არ განიხილება, როგორც კლინიკურად მნიშვნელოვანი. არ არსებობს კორელაცია ღვიძლის ფუნქციის დარღვევის დონესა და ვილდაგლიპტინის მიმართ ექსპოზიციის ცვლილებას შორის.
თირკმლებისფუნქციისდარღვევები
ვილდაგლიპტინის AUC იზრდებოდა, საშუალოდ, 1.4, 1.7 და 2-ჯერ პაციენტებთან თირკმლების ფუნქციის მსუბუქი, ზომიერი და ძლიერი დარღვევებით, შესაბამისად, თირკმლების ნორმალური ფუნქციით სუბიექტებთან შედარებით. LAY151 მეტაბოლიტების AUC იზრდებოდა 1.6, 3.2 და 7.3-ჯერ, BQS867 კი იზრდებოდა 1.4, 2.7 და 7.3-ჯერ პაციენტებთან თირკმლების ფუნქციის მსუბუქი, ზომიერი და ძლიერი დარღვევებით, შესაბამისად, თირკმლების ნორმალური ფუნქციით სუბიექტებთან შედარებით. შეზღუდული მონაცემები ბოლო სტადიაში (ESRD) თირკმლის დაავადებით პაციენტებისთვის, აჩვენებს, რომ მათთან ვილდაგლიპტინის ექსპოზიცია ანალოგიურია თირკმლის ფუნქციის ძლიერი დარღვევის მქონე პაციენტებისა. LAY151 კონცენტრაციები ESRD მქონე პაციენტებთან დაახლოებით 2-3-ჯერ მეტია, ვიდრე პაციენტებთან თირკმლების ფუნქციის ძლიერი დარღვევებით.
ვილდაგლიპტინი შეზღუდულად გამოიყოფა ჰემოდიალიზის დროს (3 % ჰემოდიალიზის 3 - 4 საათის მანძილზე, რომელიც დაიწყეს დოზირებიდან 4 საათის შემდეგ).
ეთნიკურიჯგუფები
შეზღუდული მონაცემები ადასტურებს, რომ ეთნიკური კუთვნილება ვილდაგლიპტინის ფარმაკოკინეტიკაზე ზეგავლენას არ ახდენს.
ხაზოვნება
ვილდაგლიპტინი სწრაფად შეიწოვება აბსოლუტური ბიოშეღწევადობით 85%. პლაზმაში ვილდაგლიპტინის კონცენტრაციის პიკი და ფართობი - მრუდის ქვეშ.
ფარმაცევტული მახასიათებლები
ძირითადი ფიზიკურ-ქიმიური თვისებები: მრგვალი, ბრტყელი ტაბლეტები მოცელილი კიდეებით, თეთრიდან ღია მოყვითალო ფერამდე, «NVR» ნაჭდევით ერთი მხრიდან და «FB» - მეორე მხრიდან.
ვარგისობი სვადა
3 წელი.
შენახვის პირობები
ინახება არაუმეტეს 30*С ტემპერატურაზე სინესტისაგან დაცულ ადგილას. ინახება ბავშვებისათვის მიუწვდომელ ადგილას.
მითითებული მარაგები განკუთვნილია ონლაინ შეძენისთვის, „მივაკითხავ აფთიაქში“ მეთოდით სარგებლობისთვის.
აფთიაქი, მისამართი
სამუშაო საათები
ტელეფონი
ხელმისაწვდომობა
მთაწმინდა
ჩუღურეთი
შიდა ქართლი
ისანი
საბურთალო
ვაკე
კრწანისი
ნაძალადევი
კახეთი
სამგორი
გლდანი
დიდუბე
სამეგრელო და ზემო სვანეთი
რაჭა-ლეჩხუმი და ქვემო სვანეთი
სამცხე ჯავახეთი
აჭარა
იმერეთი
ქვემო ქართლი
მცხეთა მთიანეთი
გურია