დიმედროლი 10მგ/გ 30გ გელი ტუბი

დიმედროლი ლმპ, გელი 10მგ/გ

DIMEDROL lmp 10mg/g gel

შემადგენლობა
1გ. გელი შეიცავს:
აქტიური ნივთიერება: დიფენჰიდრამინის ჰიდროქლორიდი (მნნ Dიპჰენჰყდრამინი ჰიდროცჰლორიდუმ) – 10მგ.
დამხმარე ნივთიერებები: შარდოვანა, ეთილის სპირიტი 96%, ტრომეტამოლი, ლიდოკაინის ჰიდროქლორიდი, კარბომერი, მეთილპარაჰიდროქსიბენზოატი (E218), გასუფთავებული წყალი.
სამკურნალო ფორმა
გელი გარეგანი გამოყენებისათვის
ფარმაკოთერაპიული ჯგუფი:
ანტიჰისტამინური პრეპარატი გარეგანი გამოყენებისათვის
ათქ კოდი: D04AA32
ფარმაკოლოგიური თვისებები
დიმედროლი ლმპ, გელი 10მგ/გ წარმოადგენს ანტიჰისტამინურ პრეპარატს, რომელიც გამოიყენება სხვადასხვა წარმოშობის ქავილის საწინააღმდეგოდ.
დიფენჰიდრამინის ჰიდროქლორიდი (დიმედროლი) წარმოადგენს H₁-ჰისტამინური რეცეფტორების პირველი თაობის ბლოკატორს, გამოხატულს ანტიჰისტამინური აქტიურობით. დიფენჰიდრამინის ჰიდროქლორიდი ამცირებს ქავილს, შეშუპებას, ჰიპერემიას. დიფენჰიდრამინის ჰიდროქლორიდს ასევე გააჩნია ანტიალერგიული და ადგილობრივ გამაყუჩებელი ეფექტი. დამხმარე ნივთიერება ლიდოკაინის ჰიდროქლორიდი წარმოადგენს ადგილობრივ გამაყუჩებელ საშუალებას, რომელიც ამცირებს თანმხლებ ქავილს და ტკივილის შეგრძნებას.
ჩვენება
სხვადასხვა წარმოშობის კანისა და ლორწოვანი გარსის ქავილი: კანის ალერგიული რეაქციები, I ხარისხის მზისა და თერმული დამწვრობები, მწერების ნაკბენები, ჭინჭრის ციება, ეკზემა, რომელსაც თან ახლავს ქავილი, ჩუტყვავილა.
უკუჩვენება
მომატებული მგრძნობელობა აქტიური ნივთიერების, ან სხვა ნებისმიერი დამხმარე ნივთიერების მიმართ. არ გამოიყენოთ თვალის ქავილის დროს. დამტკიცებულია დიფენჰიდრამინისა და პორფირიის (Porphyria) გამწვავების უთიერთკავშირი, ამიტომ რეკომენდებული არაა პრეპარატის მიღება ამ კატეგორიის პაციენტებისათვის.
განსაკუთრებული მითითებები
დიმედროლი ლმპ, გელი 10მგ/გ, გათვალისწინებულია მხოლოდ გარეგანი გამოყენებისათვის. გელის გამოყენების შემდეგ არ შეიძლება ოკლუზიური სახვევის დადება. უნდა მოერიდოთ გელის თვალში მოხვედრას, ვინაიდან გელი იწვევს გაღიზიანებას. თუ ეს მოხდა, დაიბანეთ თვალი ჭარბი რაოდენობის თბილი წყლით. 2-თვიდან 2 წლამდე ასაკის ბავშვებში გამოიყენება მედპერსონალის მეთვალყურეობის ქვეშ. ჩუტყვავილით დაავადებულ ბავშვებში გამოყენება შესაძლებელია მხოლოდ ექიმის ნებართვით.
ორსულობა და ლაქტაცია
ორსულობისას და ლაქტაციის პერიოდში გამოიყენება, მხოლოდ შესაძლებელი რისკის ფაქტორის გულდასმით შესწავლის შემდეგ და ექიმთან კონსულტაციის შემდეგ.
პრეპარატის ზეგავლენა ავტოტრანსპორტისა და რთული მექანიზმების მართვის უნარზე
გელი არ მოქმედებს ავტოტრანსპორტისა და რთული მექანიზმების მართვის უნარზე.
მედიკამენტოზური ურთიერთქმედება
ურთიერთქმედების შესახებ მონაცემები არ მოიპოვება
პერედოზირება
არ მოიპოვება ინფორმაცია პერედოზირების შესახებ
გამოყენების წესი და დოზირება
დაიტანეთ გელი თხელ ფენად პრობლემურ ზედაპირზე და შეიზილეთ კანში. პრეპარატის გამოყენების ხანგრძლივობა არაუმეტეს 7 დღისა.
ხანგრძლივი გამოყენების აუცილებლობის შემთხვევაში კონსულტაციისათვის მიმართეთ ექიმს.
გვერდითი მოქმედებები
ზოგიერთ შემთხვევაში შესაძლებელია კანის გამაღიზიანებელი და მასენსიბილირებელი (ალერგიული) ზემოქმედება კანზე, ან ლორწოვან გარსზე (სიწითლე, ანთება). ასეთ შემთხვევაში უნდა შეწყვიტოთ გელის გამოყენება, შეატყობინეთ ექიმს ან ფარმაცევტს, ისეთი გვერდითი ეფექტების აღმოჩენის შესახებ, რომლებიც მითითღებული არაა მოცემულ ინსტრუქციაში!
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
ვარგისიანობის ვადა
ვარგისიანობის ვადა მითითებულია შეფუთვაზე
არ გამოიყენოთ ვარგისიანობის ვადის ამოწურვის შემდეგ!
შენახვა
შეინახეთ ბავშვებისათვის ხელმიუწვდომელ ადგილას
ტემპერატურაზე არაუმეტეს 25⁰C. დაიცავით სინესტისგან
შეინახეთ მზის პირდაპირი ზემოქმედებისაგან დაცულ ადგილას
გამოშვების ფორმა და შეფუთვა
30გ. ალუმინის ტუბებში, ტუბებს გამოყენების ინსტრუქციასთან ერთად ათავსებენ მუყაოს კოლოფებში.
მითითებები გამოსაყენებლად მომზადებისა და განადგურების შესახებ
არ აღინიშნება განსაკუთრებული მითითებები
სარეგისტრაციო მოწმობის მფლობელი და მწარმოებელი
შპს “ლმპ”, ვიეტალვას ქუჩა #1, რიგა, LV-1009, ლატვია