პულმოქსოლი 30მგ/5მლ150მლ სიროფ

პულმოქსოლი სიროფი 30მგ\5მლ

Pulmoxol ^TM

საერთაშორისო არადაპატენტებული სახელწოდება: ამბროქსოლი 30მგ

შემადგენლობა:

სიროფის თითოეული 5 მლ შეიცავს:

აქტიური ნივთიერება: 30მგ ამბროქსოლის ჰიდროქლორიდი

დამხმარე ნივთიერებები: ბენზოის მჟავა, სორბიტოლი, მარწყვის ექსტრაქტი, გამოხდილი წყალი.

ფარმაკოთერაპიული ჯგუფი: მუკოლიზური სამკურნალო საშუალება.

ფარმაკოლოგიური თვისებები

ფარმაკოდინამიკა  ამბროქსოლის ჰიდროქლორიდი ავლენს მუკოლიზურ და ამოსახველებელ მოქმედებას. ამბროქსოლი არის ბრომჰექსინის მეტაბოლიტი. გამოხატული აქვს ძლიერი ამოსახველებელი მოქმედება. ამბროქსოლის ჰიდროქლორიდი ასტიმულირებს სურფაქტანტის წარმოქმნას, ზრდის მოციმციმე ეპითელიუმის აქტივობას. ნახველის გათხიერების და ადჰეზიის შემცირების  ხარჯზე ავლენს ამოსახველებელ მოქმედებას და აადვილებს ნახველის გამოყოფას ხველის დროს, რომელიც გროვდება სასუნთქ გზებში. ზრდის ბრონქულ სეკრეციას და ამცირებს მის სიბლანტეს. მუკოლიზური მოქმედების შედეგად ირღვევა ლორწოს ადჰეზიურობა, მნიშვნელოვნად რბილდება ნახველი და ამის შედეგად ადვილდება მისი გამოყოფა.

ფარმაკოკინეტიკა  ამბროქსოლის ჰიდროქლორიდი პერორალური მიღებისას სწრაფად და მთლიანად შეიწოვება.

მეტაბოლიზდება ღვიძლში. ნახევრადგამოყოფის პერიოდი შეადგენს 7-12 სთ, მეტაბოლიტები შარდთან ერთად გამოიყოფა. ბიოტრანსფორმაციის საბოლოო პროდუქტს წარმოადგენს დიბრომოანთრანილის მჟავა.

გამოყენების ჩვენება:  პრეპარატი გამოიყენება მწვავე და ქრონიკული რესპირატორული ტრაქტის სიმპტომური მკურნალობის დროს, რომელსაც თან სდევს ლორწოს პათოლოგიური გასქელება, მისი სეკრეციის შემცირება და მუკოცილიარული კლირენსის მოშლა.

უკუჩვენება ჰიპერმგრძნობელობა ბრომჰექსინის, ამბროქსოლის ან პრეპარატის სხვა რომელიმე კომპონენტის მიმართ.

განსაკუთრებული მითითებები არ არის რეკომენდირებული კოდეინთან და სხვა ხველის საწინააღმდეგო საშუალებებთან კომბინაცია. ამან შეიძლება გააუარესოს ნახველისა და ლორწოს გამოყოფა.

სიფრთხილით ინიშნება ღვიძლის და თირკმელების ფუნქციური მოშლილობის და პეპტიკური წყლულის დროს.

გამოყენება ორსულობისა და ძუძუთი კვების პერიოდში

ორსულობა( B კატეგორია)

არასაკმარისი კლინიკური კვლევების გამო ორსულობის I ტრიმესტრში პრეპარატი შეიძლება დაინიშნოს უკიდურესი საჭიროების შემთხვევაში, მხოლოდ რისკი/სარგებელი შეფარდების შეფასების შემდეგ

ლაქტაცია: პრეპარატი გამოიყოფა დედის რძეში, მაგრამ თერაპიული დოზებით მიღებისას, ბავშვზე უარყოფით ზეგავლენას არ ახდენს

ზემოქმედება, სატრანსპორტო საშუალებების და სხვა პოტენციურად საშიში მექანიზმების, მართვის უნარზე

არ ახდენს ზეგავლენას, სატრანსპორტო საშუალებების და სხვა პოტენციურად საშიში მექანიზმების მართვის უნარზე.

ურთიერთქმედება სხვა სამკურნალო საშუალებებთან არ გამოიყენება სეკრეციის შემამცირებელ, ხველის საწინააღმდეგო, კოდეინის და ატროპინის მსგავსი კომპონენტების მქონე პრეპარატებთან ერთად.

მიღების წესი და დოზირება:  თუ არ არის ექიმის სხვა რეკომენდაციები, პულმოქსოლი ინიშნება შემდეგი წესით:

მკურნალობის პირველ 2-3 დღეს 5 მლ 3-ჯერ დღეში, შემდეგ 5 მლ 2-ჯერ დღეში

გვერდითი მოქმედება: ძალიან იშვიათად შეიძლება აღინიშნოს გულისრევა, ღებინება, ფაღარათი, სისუსტე, თავის ტკივილი, კანზე გამონაყარი.

არასასურველი ეფექტების გამოვლენის შემთხვევაში მიმართეთ ექიმს.

დოზის გადაჭარბება დოზის გადაჭარბების შემთხვევები არ ყოფილა შენიშნული.

სპეციფიკური ანტიდოტი არ გააჩნია. პრეპარატის დოზის გადაჭარბების შემთხვევაში ავადმყოფში გამოიწვევა ღებინება, გამოირეცხება კუჭი და ინიშნება სიმპტომური და შემანარჩუნებელი თერაპია.

გამოშვების  ფორმა პულმოქსოლის სიროფი  მუქი მინის ფლაკონში. 1 ფლაკონი (150მლ) და საზომი ჭიქა (15 მლ, 2,5 მლ და 5 მლ- იანი ნიშნულებით) შეფუთული მუყაოს კოლოფში გამოყენების ინსტრუქციასთან ერთად.

შენახვის წესები ინახება ოთახის ტემპერატურაზე არაუმეტეს 25⁰ C.           

ბავშვებისაგან მიუწვდომელ ადგილას.

შენახვისვადა: 3 წელი

ვადის გასვლის შემდეგ არ გამოიყენება

აფთიაქიდანგაცემისრეჟიმი:  ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი: დროგსან ილაჩლარი სან ვე თიჯ.ა.შ.

06760 ჩუბუკ, ანკარა, თურქეთი