გლუკოფაჟი XR 1000მგ #60ტ

გლუკოფაჟი®XR 1000 მგ

პროლონგირებული გამოთავისუფლების ტაბლეტები

 

საერთაშორისო არაპატენტირებული დასახელება

მეთფორმინი.

თვისობრივი და რაოდენობრივი შემადგენლობა

პროლონგირებული გამოთავისუფლების 750 მგ ერთი ტაბლეტი შეიცავს

აქტიურ ნივთიერებას – 750 მგ მეტფორმინის ჰიდროქლორიდს, რაც შეესაბამება 753,8 მგ მეტფორმინის ფუძეს.

დამხმარე ნივთიერებები: ნატრიუმის კარმელოზა (ნატრიუმის კარბოქსიმეთილცელულოზა) 37,50 მგ.

ერთი პროლონგირებული გამოთავისუფლების 1000 მგ ტაბლეტი შეიცავს

აქტიურ ნივთიერებას – 1000 მგ მეტფორმინის ჰიდროქლორიდს, რაც შეესაბამება 1005,0 მგ მეტფორმინის ფუძეს.

დამხმარე ნივთიერებები: ნატრიუმის კარმელოზა (ნატრიუმის კარბოქსიმეთილცელულოზა) 50,0 მგ.

დამხმარე ნივთიერებების სრული ჩამონათვალი

პროლონგირებული გამოთავისუფლების 750 მგ ერთიტაბლეტი შეიცავს

დამხმარე ნივთიერებებს:

ნატრიუმის კარმელოზა (ნატრიუმის კარბოქსიმეთილცელულოზა),

ჰიპრომელოზა 100 000 cP (ჰიდროქსიპროპილმეთილცელულოზა 2208),

მაგნიუმის სტეარატი,

გასუფთავებული წყალი.

პროლონგირებული გამოთავისუფლების 1000 მგ ერთი ტაბლეტი შეიცავს

დამხმარე ნივთიერებებს:

ნატრიუმის კარმელოზა (ნატრიუმის კარბოქსიმეთილცელულოზა),

ჰიპრომელოზა 100 000 cP (ჰიდროქსიპროპილმეთილცელულოზა 2208),

მაგნიუმის სტეარატი,

გასუფთავებული წყალი.

სამკურნალწამლო ფორმა

პროლონგირებული გამოთავისუფლების ტაბლეტები

კაფსულისებური ფორმის, ორმხრივ ამოზნექილი, მოთეთროდან თითქმის თეთრი ფერის ტაბლეტები, გრავირებით “750” ტაბლეტის ერთ მხრეს, და მეორე მხარეს გრავირებით “Merck” (დოზირებისთვის 750 მგ).

პროლონგირებული გამოთავისუფლების ტაბლეტები

კაფსულისებური ფორმის, ორმხრივ ამოზნექილი, მოთეთროდან თითქმის თეთრი ფერის ტაბლეტები, გრავირებით “1000” ტაბლეტის ერთ მხრეს, და მეორე მხარეს გრავირებით “Merck” (დოზირებისთვის 1000 მგ).

კლინიკური მონაცემები

გამოყენების ჩვენებები

● მე-2 ტიპის შაქრიანი დიაბეტის პროფილაქტიკა და რისკის შემცირება მოზრდილ პაციენტებში, რომელთაც აღენიშნებათ ჭარბი წონა, გლუკოზის მიმართ ტოლერანტობის დარღვევა და/ან უზმოზზე დარღვეული გლიკემია, და/ან გლიკირებული ჰემოგლობინის მომატებული დონე, რომელთაც აქვთ:

– მე-2 ტიპის შაქრიანი დიაბეტის განვითარების მაღალი რისკი;

– მე-2 ტიპის შაქრიანი დიაბეტის პროგრესირება, ცხოვრების წესის აქტიური ცვლილების მიუხედავად 3-6 თვის განმავლობაში.

● მე-2 ტიპის შაქრიანი დიაბეტის მკურნალობა მოზრდილ პაციენტებში, განსაკუთრებით ჭარბი წონის მქონე პაციენტებში, როცა მხოლოდ დიეტოთერაპია და ფიზიკური ვარჯიში ვერ უზრუნველყოფს გლიკემიის საკმარის კონტროლს.

გლუკოფაჟი XR გამოიყენება როგორც მონოთერაპიის, ისე პერორალურ ჰიპოგლიკემიურ სხვა საშუალებებთან, ან ინსულინთან კომბინაციაში.

დოზირების რეჟიმი და მიღების მეთოდი

დოზირების რეჟიმი

თირკმლის ნორმალური ფუნქციის (გორგლოვანი ფილტრაციის სიჩქარე ≥90 მლ/წთ) მქონე მოზრდილი პაციენტები

შაქრიანი დიაბეტის განვითარების რისკის შემცირება

მეტფორმინი უნდა დაინიშნოს მხოლოდ იმ შემთხვევაში, როდესაც ცხოვრების წესის მოდიფიკაცია 3-6 თვის განმავლობაში ვერ ახდენს გლიკემიის ადეკვატურ კონტროლს.

–          მკურნალობა დაწყებულ უნდა იქნეს 500 მგ დოზით ერთხელ დღე-ღამეში ვახშმისას

–         თერაპიის დაწყებიდან 10-15 დღის შემდეგ რეკომენდებულია გლიკემიის დონის შემოწმება (გლუკოზოტოლერანტული ტესტი და/ან უზმოზე გლიკემიის დონე და/ან გლიკირებული ჰემოგლობინი უნდა იყოს ნორმის ფარგლებში). დოზის ნელ-ნელა ზრდამ შეიძლება გააუმჯობესოს კუჭ-ნაწლავის მხრივ ამტანობა. მაქსიმალური რეკომენდებული სადღეღამისო დოზა შეადგენს 2000 მგ-ს დღე-ღამეში ვახშმისას.

–         რეკომენდებულია გლიკემიური სტატუსის (გლუკოზოტოლერანტული ტესტი, უზმოზე გლიკემიის, გლიკირებული ჰემოგლობინის შეფასება) რეგულარული მონიტორინგი (ყოველ 3-6 თვეში ერთხელ).

–         თერაპიის გახანგრძლივების განმეორებითი შეფასების შესახებ გადაწყვეტილება შეიძლება მიღებულ იქნეს, იმ შემთხვევაში, თუ პაციენტმა წარმატებით მოახდინა ცხოვრებისა და კვების მოდიფიცირება.

მონოთერაპია და კომბინირებული თერაპია სხვა ორალურ ანტიდიაბეტურ საშუალებებთან

პროლონგირებული გამოთავისუფლების ტაბლეტები 750 მგ:

გლუკოფაჟი XR 750 მგ განკუთვნილია პაციენტებისთვის, რომლებმაც უკვე მიიღეს მეტფორმინის ტაბლეტები (პროლონგირებული ან სწრაფი გამოთავისუფლების). გლუკოფაჟი XR 750მგ დოზა ეკვივალენტური უნდა იყოს მეტფორმინის ტაბლეტების (პროლონგირებული ან სწრაფი გამოთავისუფლების) სადღეღამისო დოზისა, 1500მგ-მდე მაქსიმალურად, მიიღება საღამოს კვებისას.

მკურნალობიდან 10-15 დღის შემდეგ რეკომენდებულია სისხლში გლუკოზის გაზომვის საშუალებით შემოწმდეს, რომ გლუკოფაჟი XR 750 მგ-ის დოზა საკმარისია.

პროლონგირებული გამოთავისუფლების ტაბლეტები 1000 მგ:

გლუკოფაჟი XR 1000მგ მიიღება დღეში ერთხელ საღამოს კვებისას, ამასთან მაქსიმალური რეკომენდებული დოზა შეადგენს 2 ტაბლეტს დღეში.

გლუკოფაჟი XR 1000მგ გათვალისწინებულია დამხმარე თერაპიისთვის პაციენტებში, რომლებიც მოცემულ მომენტში იღებენ ან 1000მგ, ან 2000მგ მეტფორმინის ჰიდროქლორიდს. გადასვლისას, გლუკოფაჟი XR-ის სადღეღამისო დოზა ეკვივალენტური უნდა იყოს მეტფორმინის ჰიდროქლორიდის მიმდინარე სადღეღამისო დოზის.

პაციენტებისათვის, რომლებიც იღებენ მეტფორმინის ჰიდროქლორიდის 2000მგ-ზე მეტ დოზას დღეში, გლუკოფაჟი XR-ზე გადასვლა არ არის რეკომენდებული.

თუ გლიკემიური კონტროლის მიღწევა შეუძლებელია გლუკოფაჟი XR-ის 2000 მგ მაქსიმალური ერთჯერადი დოზის მიღებით, დასაშვებია დოზის გაყოფა ორ მიღებაზე, რომლის დროსაც ორივე დოზა მიიღება საკვებთან ერთად, დილის და საღამოს კვებისას. თუ გლიკემიური კონტროლის მიღწევა კვლავ შეუძლებელია, პაციენტების გადაყვანა შეიძლება მეტფორმინის ჰიდროქლორიდის სტანდარტულ ტაბლეტებზე, რომლის მაქსიმალური სადღეღამისო დოზა შეადგენს 3000მგ დღეში.

ორალური დიაბეტის საწინააღმდეგო სხვა საშუალებებიდან გადასვლისას, დოზის ტიტრირება უნდა დაიწყოს გლუკოფაჟი XR 500მგ-ით, იქამდე სანამ გადასვლა მოხდება გლუკოფაჟი XR 1000მგ-ზე, როგორც ეს მითითებულია ზემოთ.

კომბინაცია ინსულინთან:

სისხლში გლუკოზის დონის უკეთესი კონტროლისთვის შესაძლებელია მეტფორმინის ჰიდროქლორიდისა და ინსულინის ერთდროული დანიშვნა. ჩვეულებრივ, გლუკოფაჟი XR-ის საწყისი დოზა შეადგენს 500მგ ერთხელ დღეში, საღამოს საკვების მიღების დროს, ხოლო ინსულინის დოზას არჩევენ სისხლში გლუკოზის კონცენტრაციის შესაბამისად. ტიტრირების შემდეგ განიხილულ უნდა იქნეს გლუკოფაჟი XR 750 მგ-ზე, ან გლუკოფაჟი XR 1000 მგ-ზე გადასვლა.

პაციენტთა სპეციალური ჯგუფები

ხანდაზმული პაციენტები:

ასაკოვან პაციენტებში თირკმლის ფუნქციის შესაძლო დაქვეითების გამო მეთფორმინის ჰიდროქლორიდის დოზის კორექტირება ხდება თირკმლის ფუნქციური მაჩვენებლების საფუძველზე. საჭიროა თირკმლის ფუნქციის მუდმივი მონიტორინგი.

მეთფორმინი რეკომენდებული არ არის პაციენტებისთვის 75 წელზე ზევით, მე-2 ტიპის შაქრიანი დიაბეტის რისკის შემცირების დაუდგენელი სარგებლის გამო.

თირკმლის ფუნქციის დარღვევის მქონე პაციენტები:

მეთფორმინით მკურნალობის დაწყებამდე აუცილებელია თირკმლის გორგლოვანი ფილტრაციის სიჩქარის განსაზღვრა, შემდგომში კი - მისი ყოველწლიური მონიტორინგი. თირკმლის უკმარისობის პროგრესირების მომატებული რისკის მქონე და ხანდაზმულ პაციენტებში საჭიროა თირკმლის ფუნქციის კონტროლი ყოველ 3-6 თვეში.

თირკმლის გორგლოვანი ფილტრაცია (მლ/წთ)	მაქსიმალური სადღეღამისო დოზა	დამატებითი ინფორმაცია
60-89	2000 მგ	დოზის შემცირება თირკმლის ფუნქციის დაქვეითების შესაბამისად
45-59	2000 მგ	მეთფორმინის დანიშვნამდე უნდა შეფასდეს ფაქტორები, რომლებიც ზრდიან ლაქტოაციდოზის რისკს. საწყისი დოზა შეადგენს არაუმეტეს მაქსიმალური დოზის ნახევარისა.
30-44	1000 მგ
<30	-	მეთფორმინის დანიშვნა უკუნაჩვენებია

ბავშვები

შესაბამისი ინფორმაციის არარსებობის გამო გლუკოფაჟი XR ბავშვებში არ გამოიყენება.

უკუჩვენებები

–         ჰიპერმგრძნობელობა მეთფორმინის ან მედიკამენტის შემადგენელი ნებისმიერი სხვა დამხმარე კომპონენტის მიმართ;

–          დიაბეტური პრეკომა;

–         თირკმლის მძიმე უკმარისობა (გორგლოვანი ფილტრაციის სიჩქარე <30 მლ/წთ);

–         თირკმლის უკმარისობა ან თირკმელების ფუნქციის დარღვევა (კრეატინინის კლირენსი <30 მლ/წთ);

–         მწვავე დაავადებები, რომლებმაც შეიძლება გამოიწვიოს თირკმლის ფუნქციის დარღვევა, როგორიცაა: დეჰიდრატაცია, მძიმე ინფექცია, შოკი;

–         მწვავე ან ქრონიკული დაავადებები, რასაც თან ახლავს ქსოვილოვანი ჰიპოქსია, როგორიცაა: გულის ან სუნთქვის უკმარისობა, ახალი გადატანილი მიოკარდიუმის ინფარქტი, შოკი;

–         ღვიძლის უკმარისობა, მწვავე ალკოჰოლური ინტოქსიკაცია, ალკოჰოლიზმი.

განსაკუთრებული მითითებები და სიფრთხილის ზომები გამოყენებისას

ლაქტოაციდოზი

ლაქტოაციდოზი -– ძალიან იშვიათი, მაგრამ სერიოზული მეტაბოლური გართულებაა, რომელიც ყველაზე ხშირად ვითარდება თირკმლის ფუნქციის მწვავე გაუარესების, გულ-ფილტვის დაავადებების ან სეფსისის დროს. მეთფორმინის დაგროვება ხდება თირკმლის უკმარისობის მწვავე პროგრესირების ფონზე, რაც ზრდის ლაქტოაციდოზის განვითარების რისკს.

დეჰიდრატაციის შემთხვევაში (მძიმე დიარეა, ღებინება, ცხელება, სითხის მიღების დაქვეითება), რეკომენდებულია მეთფორმინის მიღების დროებით შეწყვეტა და მკურნალ ექიმთან დაკავშირება.

პაციენტებს, რომლებიც მეთფორმინს იღებენ, სიფრთხილით ენიშნება პრეპარატები, რომლებიც გავლენას ახდენენ თირკმლის ფუნქციაზე, როგორებიცაა: ანტიჰიპერტენზიული, შარდმდენი, ანთების საწინააღმდეგო არასტეროიდული საშუალებები. ლაქტოაციდოზის განმაპირობებელი სხვა რისკ-ფაქტორებია: ალკოჰოლის უკონტროლო მიღება, ღვიძლის უკმარისობა, არაადეკვატურად კონტროლირებადი შაქრიანი დიაბეტი, კეტოზი, ხანგრძლივი შიმშილი, ჰიპოქსიასთან დაკავშირებული ნებისმიერი მდგომარეობა, ლაქტოაციდოზის განმაპირობებელ სამკურნალო საშუალებებთან კომბინირება.

პაციენტები და/ან მათი მომვლელები ინფორმირებული უნდა იყვნენ ლაქტოაციდოზის განვითარების რისკის შესახებ. იგი ხასიათდება აციდოზური ქოშინით, მუცლის ტკივილით, კუნთების კრთომით, ასთენიით და ჰიპოთერმიით, რაც წინ უსწრებს კომას. საეჭვო სიმპტომების გამოვლენის შემთხვევაში, პაციენტმა უნდა შეწყვიტოს მეთფორმინის მიღება და მიმართოს ექიმს. დიაგნოსტიკური გამოკვლევით ვლინდება სისხლის pH-ის დაქვეითება (<7.35), ლაქტატისა (>5 მმოლ/ლ) და ანიონების დონის მატება სისხლში, ასევე ლაქტატი/პირუვატის თანაფარდობის მატება.

თირკმლის ფუნქცია

საჭიროა გორგლოვანი ფილტრაციის სიჩქარის განსაზღვრა მკურნალობის დაწყებამდე და რეგულარულად გლუკოფაჟი XR-ით მკურნალობის დროს. მეთფორმინი უკუნაჩვენებია პაციენტებში, რომელთა გორგლოვანი ფილტრაციის სიჩქარე <30 მლ/წთ-ზე და საჭიროა მისი მიღების დროებით შეწყვეტა თირკმლის ფუნქცის დარღვევით მიმდინარე მდგომარეობების დროს.

გულის ფუნქცია

გულის უკმარისობის მქონე პაციენტები უფრო მიდრეკილნი არიან ჰიპოქსიისა და თირკმლის უკმარისობის რისკის მიმართ. გულის სტაბილური ქრონიკული უკმარისობის დროს მეთფორმინის მიღება შესაძლებელია მხოლოდ გულისა და თირკმლის ფუნქციების სისტემატური მონიტორინგის შემთხვევაში.

გლუკოფაჟი XR-ით მკურნალობა უკუნაჩვენებია მწვავე და არასტაბილური გულის უკმარისობის მქონე პაციენტებში.

ხანდაზმული პაციენტები

მეთფორმინი რეკომენდებული არ არის პაციენტებისთვის 75 წელზე ზევით, მე-2 ტიპის შაქრიანი დიაბეტის განვითარების რისკის შემცირების თერაპიულ ეფექტურობაზე შეზღუდული მონაცემების არსებობის გამო.

იოდის შემცველი საკონტრასტო საშუალებების შეყვანა

რენტგენოლოგიური გამოკვლევისას იოდის შემცველი საკონტრასტო საშუალებების ვენაში შეყვანისას, შესაძლოა თირკმლის უკმარისობის განვითარება. იგი იწვევს მეთფორმინის დაგროვებას და ლაქტოაციდოზის განვითარების რისკს. მეთფორმინის მიღება უნდა შეწყდეს გამოკვლევების ჩატარებისას იოდის შემცველი საკონტრასტო საშუალებების მიღებამდე ან მიღების დროს და უნდა განახლდეს გამოკვლევის დასრულებიდან 48 საათის შემდეგ, მხოლოდ იმ შემთხვევაში, თუ მოხდება თირკმლის ფუნქციის განმეორებითი გამოკვლევა და შემდგომი დარღვევები არ დაფიქსირდება.

ქირურგია

საჭიროა მეთფორმინის მიღების შეწყვეტა ზოგადი სპინალური ან ეპიდურული ანესთეზიის ქვეშ მიმდინარე გეგმიურ ქირურგიულ ჩარევამდე 48 საათით ადრე. მედიკამენტის მიღების განახლება შესაძლებელია ქირურგიული ჩარევის დასრულებიდან 48 საათის შემდეგ ან საკვების მიღების განახლებისთანავე, იმ პირობით რომ აღდგენილია თირკმლის ნორმალური ფუნქცია.

სიფრთხილის სხვა ზომები

ყველა პაციენტმა უნდა დაიცვას დიეტა, მოხმარებული ნახშირწყლების რაოდენობის სწორი გადანაწილებით დღის განმავლობაში. ჭარბი წონის მქონე პირებმა უნდა გააგრძელონ დაბალკალორიული დიეტა.

დიაბეტის მიმდინარეობის მონიტორინგისთვის საჭიროა ჩვეული ლაბორატორიული გამოკვლევების რეგულარული ჩატარება.

მეთფორმინმა სისხლის შრატში შეიძლება შეამციროს ვიტამინი B12 დონე. ვიტამინი B12-ის დეფიციტის რისკი იზრდება მეთფორმინის დოზის გაზრდით და მკურნალობის გახანგრძლივების მიხედვით პაციენტებში, რომლებსაც აქვთ ვიტამინი B12-ის დეფიციტის ცნობილი რისკ-ფაქტორები. თუ არსებობს ეჭვი ვიტამინი B12 დეფიციტზე (მაგ., ანემია ან ნეიროპათია), საჭიროა სისხლის შრატში ვიტამინი B12-ის დონის მონიტორინგი. ვიტამინი B12-ის პერიოდული მონიტორინგი შეიძლება საჭირო გახდეს, ვიტამინი B12 დეფიციტის რისკ-ფაქტორების მქონე პაციენტებში.

მეთფორმინით თერაპია უნდა გაგრძელდეს იქამდე, სანამ ის კარგად გადაიტანება და არ გააჩნია უკუჩვენებები, ხოლო ვიტამინი B12-ის დეფიციტის შესაბამისი მაკორექტირებელი მკურნალობა ტარდება მოქმედი კლინიკური რეკომენდაციების შესაბამისად.

მონოთერაპია მეთფორმინით არასდროს არ იწვევს ჰიპოგლიკემიას, თუმცა საჭიროა სიფრთხილის დაცვა მისი ინსულინთან ან დიაბეტის საწინააღმდეგო სხვა ორალურ საშუალებებთან კომბინირებისას (მაგალითად, სულფონილშარდოვანას წარმოებულებთან ან მეგლიტინიდებთან).

შესაძლებელია ფეკალურ მასებში ტაბლეტის გარსის აღმოჩენა. პაციენტი ინფორმირებული უნდა იყოს, რომ ეს ნორმალურია.

სხვა სამკურნალო საშუალებებთან ურთიერთქმედება და სხვა სახის ურთიერთქმედებები

არარეკომენდებული კომბინაციები

ალკოჰოლი

მწვავე ალკოჰოლური ინტოქსიკაცია ასოცირდება ლაქტოაციდოზის მომატებულ რისკთან, მწვავე ალკოჰოლური ინტოქციკაციისას, კერძოდ კი:

–          შიმშილის ან არასაკმარისი საკვების მიღებისას;

–         ღვიძლის უკმარისობის შემთხვევაში.

იოდის შემცველი საკონტრასტო საშუალებები

–         მეთფორმინის მიღება უნდა შეწყდეს გამოკვლევების ჩატარებისას იოდის შემცველი საკონტრასტო საშუალებების მიღებამდე ან მიღების დროს, და უნდა განახლდეს გამოკვლევის დასრულებიდან არანაკლებ 48 საათის შემდეგ, მხოლოდ იმ შემთხვევაში, თუ მოხდება თირკმლის ფუნქციის განმეორებითი გამოკვლევა და შემდგომი დარღვევები არ დაფიქსირდება.

კომბინაცია, რომელიც სიფრთხილეს მოითხოვს გამოყენებისას

ზოგიერთი სამკურნალო საშუალება, როგორიცაა ანთების საწინააღმდეგო არასტეროიდული საშუალებები, ცოგ-2-ის ინჰიბიტორების ჩათვლით, ანგიოტენზინ II-ის რეცეპტორების ბლოკატორები, დიურეტიკები, განსაკუთრებით მარყუჟოვანი, ზრდიან ლაქტოაციდოზის განვითარების რისკს, თირკმელების ფუნქციაზე მათი პოტენციურად უარყოფითი გავლენის გამო.

სამკურნალო საშუალებები, რომლებისთვისაც დამახასიათებელია ჰიპერგლიკემიური აქტიურობა

მაგალითად, გლუკოკორტიკოიდები (სისტემური და ადგილობრივი მოქმედების) და სიმპატომიმეტიკები. შესაძლოა საჭირო გახდეს გლუკოზის დონის უფრო ხშირი მონიტორინგი სისხლში, განსაკუთრებით მკურნალობის დასაწყისში. სხვა პრეპარატით მკურნალობის დროს და მისი მიღების შეწყვეტისას, საჭიროების შემთხვევაში უნდა მოხდეს მეთფორმინის დოზის კორექცია.

ორგანული კათიონების ტრანსპორტიორები (ოკტ)

მეთფორმინი წარმოადგენს სუბსტრატს ორივე ტრანსპორტერისთვის - ოკტ1 და ოკტ2-თვის.

მეთფორმინის გამოყენება შემდეგ მედიკამენტებთან ერთად:

–         ოკტ1 ინჰიბიტორები (როგორიცაა, ვერაპამილი) - შესაძლოა მეთფორმინის ეფექტის დაქვეითება;

–         ოკტ1 ინდუქტორები (როგორიცაა, რიფამპიცინი) - შესაძლოა მეთფორმინის კუჭ-ნაწლავის ტრაქტიდან შეწოვისა და ეფექტის გაძლიერება;

–         ოკტ2 ინჰიბიტორები (როგორიცაა, ციმეტიდინი, დოლუტეგრავირი, რანოლაზინი, ტრიმეტოპრიმი, ვანდეტამიბი, იზავუკონაზოლი) - შესაძლოა დააქვეითონ მეთფორმინის თირკმლისმიერი ელიმინაცია და, შედეგად გაზარდონ მისი პლაზმური კონცენტრაცია;

–         ოკტ1 და ოკტ2 ინჰიბიტორები (როგორიცაა, კრიზოტინიბი, ოლაპარიბი) - შესაძლოა გავლენა მოახდინონ მეთფორმინის ეფექტსა და გამოყოფაზე.

მეთფორმინის სხვა სამკურნალო საშუალებებთან კომბინირების დროს საჭიროა სიფრთხილე, განსაკუთრებით თირკმლის უკმარისობის მქონე პაციენტებში, მეთფორმინის პლაზმური კონცენტრაციის მატების შესაძლებლობის გამო.

ფერტილობა, ორსულობა და ლაქტაცია

ორსულობა და ლაქტაცია

ორსულობის წინა პერიოდში და ორსულობის დროს უკონტროლო ჰიპერგლიკემია დაკავშირებულია თანდაყოლილ პათოლოგიებთან, ორსულობის შეწყვეტასთან, ორსულობით გამოწვეულ ჰიპერტენზიასთან, პრეეკლამფსიასთან და პერინატალური სიკვდილიანობის გაზრდილ რისკთან. მნიშვნელოვანია, რომ სისხლში გლუკოზის დონე ნორმალურთან მაქსიმალურად ახლოს იყოს ორსულობის განმავლობაში, რათა შემცირდეს ჰიპერგლიკემიასთან დაკავშირებული არასასურველი შედეგების რისკი დედისთვის და ბავშვისთვის.

მეთფორმინი კვეთს პლაცენტას კონცენტრაციით, რომელიც შეიძლება იყოს ისეთივე მაღალი, როგორც დედის ორგანიზმშია.

ორსულ ქალებში მეთფორმინის გამოყენების მონაცემების საკმარისი მოცულობა არ მიუთითებს თანდაყოლილი დარღვევების ან ნაყოფის/ნეონატალური ტოქსიკურობის გაზრდის რისკზე, მეთფორმინის ზემოქმედების შემდეგ, ორსულობის წინა პერიოდში და/ან ორსულობის დროს.

ორსულ ქალებში მეთფორმინის გამოყენების შეზღუდული მონაცემები არ მიუთითებს თანდაყოლილი დარღვევების გაზრდილ რისკზე.

შეზღუდულ მონაცემებზე დაყრდნობით, მეთფორმინი გავლენას არ ახდენს 4 წლამდე ასაკის ბავშვებში მოტორულ და სოციალურ განვითარებაზე, რომლებიც მუცლადყოფნის დროს  მეთფორმინის ზემოქმედებას ექვემდებარებოდნენ.

ორსულობისას ან ორსულობამდე, კლინიკური აუცილებლობისას მეთფორმინის მიღება შეიძლება განხილულ იქნეს, როგორც ინსულინის დამატება ან ალტერნატივა. მეთფორმინი გადადის დედის რძეში. ლაქტაციის პერიოდში ახალშობილებსა და ჩვილებში არასასურველი მოვლენები აღწერილი არ არის. თუმცა ინფორმაციის სიმცირის გამო, მეთფორმინით მკურნალობის დროს რეკომენდებული არ არის ბავშვის ძუძუთი კვება. აუცილებელია ლაქტაციის შეწყვეტაზე გადაწყვეტილების მიღება, ძუძუთი კვების სარგებელისა და ბავშვისთვის გვერდითი ეფექტების განვითარების პოტენციური რისკის შეფასების გათვალისწინებით.

რეპროდუქციული ფუნქცია

მეთფორმინი გავლენას არ ახდენდა მამრი და მდედრი ვირთაგვების რეპროდუქციულ ფუნქციაზე 600 მგ/კგ/დღეში დოზით მიღების პირობებში, რაც დაახლოებით 3-ჯერ აღემატება ადამიანისთვის რეკომენდებულ მაქსიმალურ სადღეღამისო დოზას, სხეულის ზედაპირის ფართობზე გაანგარიშებით.

გავლენა სატრანსპორტო საშუალებებისა და პოტენციურად საშიში მექანიზმების მართვის უნარზე

მეთფორმინით მონოთერაპია არ იწვევს ჰიპოგლიკემიას და აქედან გამომდინარე, გავლენას არ ახდენს ავტომობილისა და სხვა მექანიზმების მართვის უნარზე.

თუმცა, პაციენტებს უნდა ახსოვდეთ მეთფორმინის დიაბეტის საწინააღმდეგო სხვა საშუალებებთან (მაგ., სულფონილშარდოვანას წარმოებულები, ინსულინი ან მეგლიტინიდები) კომბინაციაში მიღების ფონზე ჰიპოგლიკემიის განვითარების რისკის შესახებ და გამოიჩინონ სიფრთხილე.

არასასურველი რეაქციები

პოსტ-მარკეტინგული მონაცემების შეკრებისას და კონტროლირებად კლინიკურ კვლევებში გვერდითი მოვლენები, რომლებიც აღინიშნებოდა პაციენტებში, რომლებიც ღებულობდნენ გლუკოფაჟ XR-ს, ხასიათისა და სიმძიმის მიხედვით იყო იმ მონაცემების მსგავსი, რომლებიც აღინიშნებოდა სწრაფი გამოთავისუფლების გლუკოფაჟის მიმღებ პაციენტებში.

მკურნალობის დასაწყისში ყველაზე ხშირ გვერდით მოვლენებს წარმოადგენს გულისრევა, ღებინება, დიარეა, ტკივილი მუცლის არეში და მადის დაქვეითება, რაც უმეტეს შემთხვევაში თავისთავად გაივლის.

გლუკოფაჟი XR-ით მკურნალობის პერიოდში აღინიშნება შემდეგი არასასურველი რეაქციები.

გლუკოფაჟი® XR-ის მიღების დროს აღინიშნება შემდეგი არასასურველი რეაქციები.

რეაქციების სიხშირე შემდეგი სახით კლასიფიცირდება: ძალიან ხშირი ³1/10; ხშირი ³1/100, <1/10; ზომიერი სიხშირის  ³1/1 000, < 1/100; იშვიათი ³1/10 000, <1/1 000; ძალიან იშვიათი <1/10 000.

ყოველ ჯგუფში არასასურველი რეაქციების სიხშირე წარმოდგენილია სერიოზულობის შემცირების მიხედვით.

დარღვევები ნივთიერებათა ცვლისა და კვების მხრივ

–         ვიტამინი B12-ის შემცირება/დეფიციტი;

ძალიან იშვიათად

–         ლაქტოაციდოზი.

დარღვევები ნერვული სისტემის მხრივ

ხშირი

–         გემოს შეგრძნების დაკარგვა.

დარღვევები კუჭ-ნაწლავის ტრაქტის მხრივ

ძალიან ხშირად:

– კუჭ-ნაწლავური დარღვევები, როგორებიცაა:

● გულისრევა;

● ღებინება;

● დიარეა;

● მუცლის ტკივილი;

● მადის დაკარგვა.

აღნიშნული გვერდითი ეფექტები ვლინდება შედარებით უფრო ხშირად თერაპიის დაწყებისას და უმეტეს შემთხვევაში თავისთავად გაივლის. ასევე კუჭ-ნაწლავის ტრაქტის მხრივ ამტანობა შესაძლებელია გაიზარდოს დოზის ეტაპობრივი ზრდის მეშვეობით.

დარღვევები ჰეპატობილიარული სისტემის მხრივ

ძალიან იშვიათად

–         ღვიძლის ფუნქციის გამოკვლევების ანომალიური შედეგები;

–         ჰეპატიტი.

მოცემული რეაქციების უკუგანვითარება ხდება მეთფორმინის მიღების შეწყვეტისთანავე.

დარღვევები კანისა და კანქვეშა ქსოვილების მხრივ

ძალიან იშვიათად

კანის რეაქციები, როგორებიცაა

–         ერითემა;

–          ქავილი;

–         ჭინჭრის ციება.

საეჭვო გვერდითი რეაქციების შესახებ შეტყობინება

სამკურნალო პრეპარატის რეგისტრაციის შემდეგსაეჭვო გვერდითი რეაქციების შესახებ ინფორმაციის მიწოდება  მნიშვნელოვანია სამკურნალო პრეპარატის “სარგებელი-რისკის” თანაფარდობის უწყვეტი მონიტორინგის უზრუნველყოფის მიზნით. მედიცინის მუშაკებს რეკომენდაცია ეძლევათ, მიაწოდონ ინფორმაცია სამკურნალო პრეპარატის ნებისმიერი საეჭვო გვერდითი რეაქციების შესახებ ყაზახეთის რესპუბლიკის გვერდითი რეაქციების ანგარიშგების ეროვნული სისტემის საშუალებით. 

“სამკურნალო საშუალებებისა და სამედიცინო ნაწარმის ექპერტიზის ეროვნული ცენტრი”   

http://www.ndda.kz

დოზის გადაჭარბება

სიმპტომები: მეთფორმინის ჰიდროქლორიდის 85 გ-მდე დოზით გამოყენების შემთხვევაში ჰიპოგლიკემია არ განვითარებულა, თუმცა აღინიშნა ლაქტოაციდოზის განვითარება. მეთფორმინის ჰიდროქლორიდის სერიოზული დოზის გადაჭარბება, ან თანმხლები რისკ-ფაქტორები ლაქტოაციდოზს განაპირობებს. 

მკურნალობა: ლაქტოაციდოზი არის გადაუდებელი მდგომარეობა, რომელიც ჰოსპიტალიზაციას საჭიროებს. ლაქტატისა და მეთფორმინის ორგანიზმიდან გამოდევნის საუკეთესო საშუალებაა ჰემოდიალიზი.

ფარმაკოლოგიური თვისებები

ფარმაკოდინამიკური თვისებები

ფარმაკოთერაპიული ჯგუფი: დიაბეტის დროს გამოყენებული სამკურნალო პრეპარატები. სისხლში გლუკოზის დონის დამაქვეითებელი სამკურნალო პრეპარატები, ინსულინის გარდა. ბიგუანიდები. მეთფორმინი.

ათქ კოდი A10ВА02.

მოქმედების მექანიზმი

მეთფორმინის ჰიდროქლორიდი წარმოადგენს ბიგუანიდს ანტიჰიპერგლიკემიური მოქმედებით, რომელიც ამცირებს სისხლში გლუკოზის როგორც ბაზისურ, ასევე პოსტპრანდიალურ დონეს. ის არ ასტიმულირებს ინსულინის სეკრეციას და, შესაბამისად, არ იწვევს ჰიპოგლიკემიას.

მეთფორმინის ჰიდროქლორიდს შეუძლია იმოქმედოს 3 მექანიზმის საშუალებით:

(1) ღვიძლში გლუკოზის გამომუშავების შემცირება გლუკონეოგენეზისა და გლიკოგენოლიზის ინჰიბირების გზით;

(2) კუნთებში ინსულინის მიმართ მგრძნობელობის გაზრდის, პერიფერიული სისხლიდან გლუკოზის მიტაცებისა და მისი უტილიზაციის გაძლიერების გზით;

(3) ნაწლავებში გლუკოზის შეწოვის შენელებით.

მეთფორმინის ჰიდროქლორიდი ასტიმულირებს გლიკოგენის უჯრედშიდა სინთეზს, ახდენს ზემოქმედებას გლიკოგენის სინთეზზე. მეთფორმინის ჰიდროქლორიდი ზრდის გლუკოზის ყველა ტიპის მემბრანული ტრანსპორტერების (GLUt) მიერ ტრანსპორტირების უნარს.

ფარმაკოდინამიკური ეფექტები

კლინიკურ კვლევებში მეთფორმინის ძირითად არაგლიკემიურ ეფექტს წარმოადგენს წონის სტაბილიზაცია ან წონის ზომიერი დაკლება.  სწრაფი გამოთავისუფლების მეთფორმინის ჰიდროქლორიდი ადამიანებში სასარგებლო გავლენას ახდენს ლიპიდურ ცვლაზე, გლიკემიაზე მისი გავლენის მიუხედავად. ეს ეფექტი აჩვენა თერაპიული დოზებისთვის კონტროლირებადმა საშუალო და გრძელვადიანმა კლინიკურმა კვლევებმა: სწრაფი გამოთავისუფლების მეთფორმინის ჰიდროქლორიდი ამცირებს ქოლესტერინის საერთო დონეს, ქოლესტერინის დსლ (დაბალი სიმკვრივის ლიპოპროტეინები) და ტრიგლიცერიდების დონეს. ანალოგიური მოქმედება არ აჩვენა შენელებული გამოთავისუფლების სამკურნალწამლო ფორმამ, შესაძლოა საღამოს მიღების გამო, და ასევე შეიძლება ადგილი ჰქონდეს ტრიგლიცერიდების დონის მომატებას. 

კლინიკური ეფექტურობა და უსაფრთხოება

მე-2 ტიპის შაქრიანი დიაბეტის განვითარების რისკის შემცირება

შაქრიანი დიაბეტის პროფილაქტიკაში ცხოვრების წესის ინტენსიური მოდიფიკაციის ან მეთფორმინის მიღების ეფექტურობის შესაფასებლად მოზრდილებში ჩატარდა რანდომიზებული მულცენტრული კლინიკური კვლევა „დიაბეტის პროფლაქტიკის პროგრამა“. ჩართვის კრიტერიუმები: ასაკი ≥25 წელი, სხეულის მასის ინდექსი ≥24 კგ/მ2, გლუკოზისადმი ტოლერანტობის დარღვევა, უზმოზე გლიკემიის დონე - 5,3 - 6,9 მმოლ/ლ. პაციენტები იმყოფებოდნენ შემდეგ თერაპიაზე: ცხოვრების წესის მოდიფიკაცია, ან მეთფორმინი 850 მგ 2-ჯერ ცხოვრების წესის კორექციით, ან პლაცებო ცხოვრების წესის მოდიფიკაციასთან ერთად.

კვლევის მონაწილეების საშუალო მნიშვნელობები (ნ = 3234 2 წლის განმავლობაში): ასაკი 50,6 ± 10,7 წელი, უზმოზე გლიკემიის დონე 5,9 ± 0,46 მმოლ/ლ, გლიკემიის დონე ჭამიდან 2 საათში 9,1 ± 0,9 მმოლ/ლ, სხეულის მასის ინდექსი 34,0 ± 6,7 კგ/მ2. ცხოვრების წესში ინტენსიურმა ჩარევამ, და ასევე მეთფორმინის გამოყენებამ მნიშვნელოვნად შეამცირა დიაბეტის განვითარების რისკი პლაცებოსთან შედარებით, შესაბამისად 58%-ით (95% სანდოობის ინტერვალი 48-66%) და 31%-ით (95% სანდოობის ინტერვალი 17-43%) შესაბამისად.

ფარმაკოკინეტიკური თვისებები

აბსორბცია

1500 მგ გლუკოფაჟი XR 750 მგ-ის ერთჯერადი პერორალური მიღების შემდეგ პლაზმაში საშუალო მაქსიმალური კონცენტრაცია 1193 ნგ/მლ მიიღწეოდა 5 საათიანი დროის მედიანით, 4-დან 12 საათამდე დიაპაზონში.

1000 მგ გლუკოფაჟი XR 1000 მგ-ის ერთჯერადი პერორალური მიღების შემდეგ საშუალო მაქსიმალური კონცენტრაცია 1214 ნგ/მლ მიიღწეოდა 5 საათიანი დროის მედიანით (დიაპაზონი 4-დან 10 საათამდე).

ნაჩვენები იქნა, რომ გლუკოფაჟი XR 750 მგ და გლუკოფაჟი XR 1000 მგ ბიოეკვივალენტურია გლუკოფაჟი XR 750 მგ ტაბლეტების 1500 მგ დოზის, და გლუკოფაჟი XR 500 მგ ტაბლეტების 1000 მგ დოზის, Cmax და AUC–ის მხრივ (კონცენტრაციის დროზე დამოკიდებულების მრუდის ქვეშ ფართობი) ჯანმრთელ პაციენტებში ჭამის შემდეგ და უზმოზე.

ბიოეკვივალენტური პრეპარატი ავლენს შემდეგ თვისებებს:

სტაბილურ მდგომარეობაში, სწრაფი გამოთავისუფლების სამკურნალწამლო ფორმის ანალოგიურად, Cmax და AUC იზრდება შეყვანილი დოზის არაპროპორციულად. ერთჯერადი პერორალური დოზით 2000 მგ მეთფორმინის ჰიდროქლორიდის პროლონგირებული გამოთავისუფლების ტაბლეტების AUC მსგავსია იმ AUC-ის, რომელიც აღინიშნება 1000 მგ მეთფორმინის ჰიდროქლორიდის სწრაფი გამოთავისუფლების ტაბლეტების დღეში ორჯერ მიღების შემდეგ.

პროლონგირებული გამოთავისუფლების მეთფორმინის ჰიდროქლორიდის ტაბლეტების Cmax და AUC-ის ინდივიდუალური ვარიაბელობა შედარებადია ინდივიდუალურ ვარიაბელობასთან, რომელიც აღინიშნება სწრაფი გამოთავისუფლების მეთფორმინის ჰიდროქლორიდის ტაბლეტების მიღების შემთხვევაში.

როდესაც პროლონგირებული გამოთავისუფლების ტაბლეტი მიიღება ჭამის შემდეგ, AUC იზრდება 77%-ით (Cmax იზრდება 26%-ით, ხოლო Cmax ხდება უმნიშვნელოდ მეტი, დაახლოებით 1 საათით). საკვების მიღება თითქმის არ ახდენს გავლენას შენელებული გამოთავისუფლების სამკურნალწამლო ფორმიდან მეთფორმინის ჰიდროქლორიდის საშუალო შეწოვაზე.

მეთფორმინის ჰიდროქლორიდის პროლონგირებული გამოთავისუფლების ტაბლეტების 2000 მგ-მდე დოზით მრავალჯერადი მიღების შემდეგ აკუმულაცია არ ხდება.

განაწილება

პლაზმის ცილებთან კავშირი უმნიშვნელოა. მეთფორმინი გადანაწილდება ერითროციტებში. მაქსიმალური კონცენტრაცია სისხლში უფრო დაბალია, ვიდრე მაქსიმალური კონცენტრაცია სისხლის პლაზმაში და, როგორც ჩანს, მიიღწევა დაახლოებით ერთსა და იმავე დროში.  სავარაუდოდ, ერითროციტები წარმოადგენს განაწილების მეორად განყოფილებას. განაწილების საშუალო მოცულობა (Vd) ცვალებადობს 63-276 ლიტრის დიაპაზონში.

მეტაბოლიზმი

მეთფორმინის ექსკრეცია ხდება უცვლელი სახით შარდთან ერთად. ადამიანებში არავითარი მეტაბოლიტები იდენტიფიცირებული არ არის.

გამოყოფა

მეთფორმინის თირკმელებით კლირენსი არის > 400 მლ/წთ, რაც მიუთითებს იმაზე, რომ მეთფორმინი გამოიყოფა გორგლოვანი ფილტრაციის და მილაკოვანი სეკრეციის საშუალებით. პერორალური მიღების შემდეგ, გამოხატული ტერმინალური ნახევარგამოყოფის პერიოდი შეადგენს დაახლოებით 6,5 საათს.

თირკმელების ფუნქციის დარღვევისას თირკმლის კლირენსი მცირდება კრეატინინის კლირენსის პროპორციულად, და ამგვარად ნახევარგამოყოფის პერიოდი იზრდება, რაც იწვევს სისხლის პლაზმაში მეთფორმინის დონის მომატებას.

პრეკლინიკური კვლევების მონაცემები

პრეკლინიკური კვლევების ჩატარებისას ადამიანისთვის პოტენციური საშიშროება, ტოქსიკურობის გამოვლინებები მრავალჯერადი დოზის გამოყენებისას, გენოტოქსიკურობა, კანცეროგენული პოტენციალი ან ფერტილობაზე ზემოქმედება გამოვლენილი არ ყოფილა.

ფარმაცევტული თვისებები

შეუთავსებლობა

არ განიხილება.

ვარგისობის ვადა

3 წელი.

არ გამოიყენოთ ვარგისობის ვადის გასვლის შემდეგ.

შენახვის განსაკუთრებული სიფრთხილის ზომები

ინახება არაუმეტეს 25°C ტემპერატურაზე.

ინახება ბავშვებისთვის მიუწვდომელ ადგილას!

გამოშვების ფორმა და შეფუთვა

15 ტაბლეტი მოთავსებულია პვქ აპკისა და ალუმინის ფოლგის, ან პვქ/პვდქ აპკისა და ალუმინის ფოლგის კონტურულ-უჯრედოვან შეფუთვაში.

4 კონტურულ-უჯრედოვანი შეფუთვა სამედიცინო გამოყენების ინსტრუქციასთან ერთად ყაზახურ და რუსულ ენებზე მოთავსებულია მუყაოს კოლოფში (დოზირებისთვის 750 მგ).

10 ტაბლეტი მოთავსებულია პვქ/პვდქ აპკისა და ალუმინის ფოლგის კონტურულ-უჯრედოვან შეფუთვაში.

6 კონტურულ-უჯრედოვანი შეფუთვა სამედიცინო გამოყენების ინსტრუქციასთან ერთად ყაზახურ და რუსულ ენებზე მოთავსებულია მუყაოს კოლოფში (დოზირებისთვის 1000 მგ).

სიფრთხილის განსაკუთრებული ზომები გამოყენებული სამკურნალო პრეპარატის ან ნარჩენების გასანადგურებლად, რომლებიც მიიღება სამკურნალო პრეპარატის გამოყენების ან მასთან მუშაობის შემდეგ.

განსაკუთრებული მოთხოვნები არ არსებობს.

აფთიაქიდან გაცემის პირობები

ფარმაცევტული პროდუქტის ჯგუფი II, გაიცემა ფორმა №3 რეცეპტით (გადაუდებელი დახმარებისას გაიცემა ურეცეპტოდ).

სარეგისტრაციო მოწმობის მფლობელი

შპს “მერკ”

ვალოვაიას ქუჩა, სახლი 35, ქალაქი მოსკოვი, 115054, რუსეთი.

ტელეფონი: +7-495-937-33-04

ფაქსი: +7-495-937-33-05

სარეგისტრაციო მოწმობის მფლობელის წარმომადგენელი

მომხმარებლებისგან პრეტენზიები უნდა გაიგზავნოს შემდეგ მისამართზე:

შეზღუდული პასუხისმგებლობის საზოგადოება ”acino kaz” (ТОО “Ацино Каз”)

ყაზახეთის რესპუბლიკა, ქ. ალმათი, ბოსტანდიკსკის რაიონი, ნურსულთან ნაზარბაევის გამზირი, სახლი 223. ნ.პ. 243, საფოსტო ინდექსი: 050047

ტელ.: +7 (727) 364 56 61, +7 (727) 291 61 51

ელ-ფოსტა: [email protected]

სარეგისტრაციო მოწმობის ნომერი

РК-ЛС-5№021100

РК-ЛС-5№021101.

სამკურნალო საშუალების ზოგადი დახასიათება ხელმისაწვდომის ოფიციალურ საიტზე http://www.ndda.kz