ტენზიპრილი H 5მგ/25მგ#30ტ

ტენზიპრილი  H

(Tenzipril H)

შემადგენლობა

აქტიური ნივთიერება: რამიპრილი  და ჰიდროქლოროთიაზიდი.

სხვა ინგრედიენტები: ნატრიუმის ჰიდროკარბონატი, ლაქტოზას მონოჰიდრატი, ნატრიუმის კროსკარმელოზა, პრეჟელატინებული სახამებელი, ნატრიუმის სტეარილ ფუმარატი.

ტენზიპრილი H-ის გარეგნული სახე

ტენზიპრილი H 2.5მგ/12.5მგ

თეთრი, კრემისფერი, კაფსულის ფორმის, ბრტყელი ზედაპირის მქონე შემოუგარსავი ტაბლეტები, ცალ მხარეს ჭდით. ამოტვიფრულია „12.5“. შესაძლებელია ტაბლეტების შუაზე  გაყოფა.

ტენზიპრილი H 5მგ/25მგ

თეთრი, კრემისფერი, კაფსულის ფორმის, ბრტყელი ზედაპირის მქონე შემოუგარსავი ტაბლეტები, ცალ მხარეს ჭდით და ჩამოთლილი კიდეებით. ამოტვიფრულია   „25“.   შესაძლებელია ტაბლეტების შუაზე  გაყოფა.

გამოყენება

ტენზიპრილი H წარმოადგენს ორი ნივთიერების რამიპრილისა და ჰიდროქლორთიაზიდის კომბინაციას.

რამიპრილი მიეკუთვნება აგფ ინჰიბიტორების (ანგიოტენზინ-გარდამქმნელი ფერმენტის ინჰიბიტორები) ჯგუფს. მისი მოქმედება

• ამცირებს არტერიულ წნევას;
• აფართოებს და ადუნებს სისხლძარღვებს;
• აადვილებს გულის მიერ სისხლისგ ადატყორცნას მთელ ორგანიზმში.

ჰიდროქლორთიაზიდი მიეკუთვნება თიაზიდური დიურეტიკების ან შარდმდენების მედიკამენტების ჯგუფს. იგი ასტიმულირებს წყლის (შარდის) გამოყოფას და ასევე ამცირებს არტერიულ წნევას.

ტენზიპრილი H გამოიყენება მოზრდილებში მაღალი არტერიული წნევის სამკურნალოდ.  ორი აქტიური ნივთიერების კომბინაცია უზრუნველყოფს მაღალი არტერიული წნევის დაქვეითებას. ისინი გამოიყენება ერთად, როდესაც ერთი მათგანით მკურნალობას შედეგი არ აქვს.

უკუჩვენებები

ტენზიპრილი H ის მიღება უკუნაჩვენებია შემდეგ შემთხვევებში:

• ალერგია რამიპრილის, ჰიდროქლოროთიაზიდის ან აღნიშნული პრეპარატის რომელიმე სხვა ინგრედიენტის მიმართ (ჩამონათვალი მოცემულია შემადგენლობაში);
• ალერგია ტენზიპრილი H-ის მსგავსი პრეპარატების (სხვა აგფ ინჰიბიტორები ან  სულფონამიდების ჯგუფის პრეპარატების) მიმართ;

ალერგიული რეაქციის სიმპტომებია: გამონაყარი, ყლაპვასთან ან სუნთქვასთან დაკავშირებული პრობლემები, ტუჩების, სახის, ყელის ან ენის შეშუპება.

• თუ ოდესმე ადგილი ჰქონდა ანგიონევროზულ შეშუპებას, რომლის სიმპტომებსაც წარმოადგენს: ქავილი,გამონაყარი (ურტიკარია),  წითელი ლაქები ხელებზე, ფეხებსა და ყელზე, ყელის და ენის შეშუპება, ტუჩების და თვალების გარშემო შეშუპება, ყლაპვის ან სუნთქვის გაძნელება;
• დიალიზზე მყოფი პაციენტები ან  სისხლის ნებისმიერ სხვა ფილტრაციის ჩატარებისას. იმის მიხედვით თუ რომელი აპარატი გამოიყენება, ტენზიპრილი H შეიძლება არ იყოს შესაფერისი;
• ღვიძლთან დაკავშირებული სერიოზული პრობლემები;
• სისხლში კალციუმის, კალიუმის, ნატრიუმის რაოდენობის დარღვევა;
• თირკმელთან დაკავშირებული დაავადებები, რომლის დროსაც თირკმელების სისხლით ირიგაცია დაქვეითებულია (თირკმლის არტერიის სტენოზი);
• თირკმელთან დაკავშირებული სერიოზული პრობლემები დიალიზზე არ მყოფ პირებში;
• თუ ორსულობის ხანგრძლივობა 6 თვეზე მეტია (იხ. ქვემოთ პუნქტი “ორსულობა და ძუძუთი კვება”);
• ლაქტაციის პერიოდში (იხ. ქვემოთ პუნქტი “ორსულობა და ძუძუთი კვება”);
•  დიაბეტი და თირკმლის ფუნქციის დარღვევა და თუ პაციენტი ღებულობს  ალისკირენის შემცველ არტერიული წნევის დამწევ საშუალებებს;

აღნიშნულთაგან რომელიმეს არსებობის შემთხვევაში, ტენზიპრილი H-ის  მიღებამდე საჭიროა ექიმთან გასაუბრება.

გაფრთხილებები და უსაფრთხოების ზომები

ტენზიპრილი H-ის  მიღებამდე საჭიროა კონსულტაცია  ექიმთან.

• თუ გაწუხებთ გულის, ღვიძლის ან თირკმლის  დაავადებები;
• თუ დაკარგეთ დიდი რაოდენობით სითხე ან მარილი ორგანიზმიდან, აღგენიშნებოდათ გულისრევა  (ღებინება), დიარეა, მოჭარბებული ოფლიანობა, იმყოფებით დიეტაზე მარილის შეზღუდვით, დიდი ხნის განმავლობაში იღებთ დიურეტიკებს (შარდმდენებს) ან იტარებთ დიალიზს;
• ფუტკრის ან კრაზანის ნაკბენის მკურნალობის განზრახვისას ალერგიული რეაქციის შესამცირებლად (დესენსიბილიზაცია);
• თუ გჭირდებათ ანესთეტიკის მიღება ოპერაციის ან სტომატოლოგიური პროცედურის წინ. აუცილებელია შეწყვიტოთ ტენზიპრილი H-ით  მკურნალობა საჭირო ოპერაციამდე ერთი დღით ადრე; გაიარეთ კონსულტაცია ექიმთან;
• თუ სისხლში კალიუმის კონცენტრაცია მაღალია (დადგენილია სისხლის ანალიზით);
• კოლაგენური დაავადებისას, მაგალითად, სკლეროდერმია ან სისტემური ერითემატოზული მგლურა;
• თუ ხართ ფერადკანიანი, აღნიშნული მედიკამენტის მიღება ნაკლებ ეფექტურად აქვეითებს არტერიულ წნევას და ავლენს მეტ  გვერდით  მოვლენებს;
• ძალიან მაღალი არტერიული წნევისას;
• აუცილებლად შეატყობინეთ მკურნალ ექიმს, თუ ფიქრობთ, რომ ორსულად ხართ (ან შესაძლებელია დაორსულდეთ). რეკომენდებული არ არის ტენზიპრილი H-ის მიღება ორსულობის პირველი 3 თვის პერიოდში, ასევე უკუნაჩვენებია ორსულობის პირველი 3 თვის შემდეგაც, რადგანაც ამ მედიკამენტმა შეიძლება გამოიწვიოს ნაყოფის სერიოზული დაზიანება მოცემულ პერიოდში მიიღების შემთხვევაში (იხ. პუნქტი “ორსულობა და ლაქტაცია“);
• აქტიურმა ნივთიერებამ ჰიდროქლოროთიაზიდმა  შეიძლება გამოიწვიოს უჩვეულო რეაქცია, რასაც მოჰყვება მხედველობის დაქვეითება და თვალების ტკივილი. აღნიშნული შეიძლება წარმოადგენდეს  თვალშიდა წნევის მატების სიმპტომებს და შეიძლება განვითარდეს ტენზიპრილი H-ის მიღებიდან რამდენიმე საათის ან  კვირის განმავლობაში. მკურნალობის არჩატარების შემთხვევაში  შეიძლება განვითარდეს   მხედველობის მუდმივი დაქვეითება;
• ტენზიპრილი H-ის მიღების შემდეგ შეიძლება განვითარდეს  ანგიონევროზული შეშუპება, რომლის სიმპტომებსაც წარმოადგენს: ხელების, სახის, პირის, ენის და/ან ყელის შეშუპება, ყლაპვის ან სუნთქვის გაძნელება;
• თუ განვითარდა პერსისტენტული მშრალი ხველა, დაუკავშირდით მკურნალ ექიმს ან ფარმაცევტს;
• ტენზიპრილი H-მა შეიძლება გამოიწვიოს მგრძნობელობის რეაქციები;
• თუ ღებულობთ მაღალი არტერიული წნევის სამკურნალო საშუალებებს:

-        ანგიოტენზინ II რეცეპტორების ბლოკატორებს (ARB) (ცნობილი ასევე როგორც „სარტანები“ – მაგალითად, ვალსარტანი, ტელმისარტანი, ირბესარტანი), განსაკუთრებით თუ გაქვთ თირკმელების პრობლემები დიაბეტის გამო;

-      ალისკირენი.

• ანგიოშეშუპების (ხორხის არეში კანქვეშა ქსოვილების შეშუპება) რისკი იზრდება, თუ ღებულობთ შემდეგ მედიკამენტებს:

-      სიროლიმუსი, ევეროლიმუსი და სხვა mTOR ინჰიბიტორების კლასის საშუალებები (გამოიყენება ტრანსპლანტირებული ორგანოების მიუღებლობის თავიდან ასაცილებლად).

მკურნალმა ექიმმა შეიძლება რეგულარულად დანიშნოს ანალიზის გაკეთება თირკმელების ფუნქციონირების, სისხლის წნევისა და სისხლში ელექტროლიტების (მაგალითად, კალიუმის) რაოდენობის შესამოწმებლად.

ასევე იხილეთ ქვეთავი „უკუჩვენებები“.

თუ ჩამოთვლილთაგან რომელიმე  აღგენიშნებათ, ტენზიპრილი H-ის  მიღებამდე გაესაუბრეთ ექიმს.

ბავშვები და მოზარდები

ტენზიპრილი H-ის გამოყენება არ არის რეკომენდირებული 18 წლამდე ასაკის პაციენტებში, რადგანაც ტენზიპრილი H  არ გამოყენებულა  აღნიშნული ასაკის პაციენტებში.

ტენზიპრილი H-ის გამოყენება სხვა მედიკამენტებთან ერთად

აცნობეთ მკურნალ ექიმს ან ფარმაცევტს, თუ ამჟამად იღებთ, ახლო წარსულში იღებდით ან აპირებთ მიიღოთ სხვა პრეპარატები, მათ შორის ურეცეპტო პრეპარატები (მცენარეული  პრეპარატების ჩათვლით).  

აღნიშნული განპირობებულია  იმით, რომ ტენზიპრილი H-მა შეიძლება იმოქმედოს სხვა პრეპარატების მოქმედებაზე. ასევე ზოგიერთმა პრეპარატმა შეიძლება იმოქმედოს ტენზიპრილი H-ის  მოქმედებაზე.

შეატყობინეთ ექიმს ან ფარმაცევტს, თუ თქვენ იღებთ რომელიმე შემდეგ პრეპარატს. მათ შეუძლიათ მოქმედება ტენზიპრილი H-ის ეფექტურობაზე: ესენია:

• ტკივილისა და ანთების საწინააღმდეგო საშულებები (მაგალითად,ანთების საწინააღმდეგო არასტეროიდული საშულებები (NSAIDs)), როგორიცაა იბუპროფენი ან ინდომეტაცინი და ასპირინი);
• პრეპარატები, რომლებიც გამოიყენება დაბალი არტერიული წნევის, შოკის, გულის უკმარისობის, ბრონქული ასთმის და ალერგიის დროს, როგორიცა ეფედრინი,  ნორადრენალინი ან ადრენალინი. აუცილებელია, მკურნალმა ექიმმა გაითვალისწინოს პაციენტის არტერიული წნევა.

აცნობეთ  ექიმს, თუ იღებთ რომელიმე შემდეგ პრეპარატს. მათმა მოქმედებამ შესაძლოა გაზარდოს უკურეაქციის რისკი, თუ მათი მიღება მოხდება ტენზიპრილი H-თან ერთად. ეს პრეპარატებია:

• ტკივილისა და ანთების საწინააღმდეგო საშულებები (მაგალითად,ანთების საწინააღმდეგო არასტეროიდული საშულებები (NSAIDs)), როგორიცაა იბუპროფენი ან ინდომეტაცინი და ასპირინი);
• პრეპარატები, რომლებიც განაპირობებს  სისხლში კალიუმის დონის დაწევას.  ეს მედიკამენტებია: ყაბზობის სამკურნალო საშუალებები, დიურეტიკები (შარდმდენები),  ამფოტერიცინი B (გამოიყენება სოკოვანი ინფექციების დროს) და ადრენოკორტიკოტროპული ჰორმონი (ACTH) (გამოიყენება თირკმელზედა ჯირკვლის ფუნქციის გამოსაკვლევად);
• კიბოს სამკურნალო საშუალებები ( ქიმიოთერაპია);
• პრეპარატები, რომლებიც გამოიყენება გულის პრობლემების, გულის რითმის პრობლემების  სამკურნალოდ;
• მედიკამენტები, რომლებიც გამოიყენება ტრანსპლანტირებული ორგანოების მიუღებლობის თავიდან ასაცილებლად, როგორიცაა  ციკლოსპორინი;
• დიურეტიკები (შარდმდენები), როგორიცაა ფუროსემიდი;
• მედიკამენტები, რომლებიც ხელს უწყობს სისხლში კალიუმის დონის მომატებას, როგორიცაა სპირონოლაქტონი, ტრიამტერინი, ამილორიდი;
• სხვა მედიკამენტები, რომლებიც ხელს უწყობს სისხლში კალიუმის დონის მომატებას:

-      კალიუმის მარილი;

-      ჰეპარინი (სისხლის გამათხელებელი საშუალება);

-      ტრიმეთოპრიმი და კო-ტრიმოქსაზოლი, იგივე ტრიმეტოპრიმი/სულფამეტაქსაზოლი (ბაქტერიით გამოწვეული ინფექციების სამკურნალოდ);

• ანთების საწინააღმდეგო სტეროიდული მედიკამენტები, როგორიცაა პრედნიზოლონი;
• კალციუმის დანამატები;
• ალოპურინოლი  (სისხლში შარდმჟავას დონის დასაწევად);
•  პროკაინამიდი (გულის რითმის პრობლემების სამკურნალოდ);
• ქოლესტირამინი  (გამოიყენება სისხლში ცხიმების დონის დასაწევად);
• კარბამაზეპინი (ეპილეფსიის სამკურნალო საშუალება);
• ტემსიროლიმუსი (კიბოს სამკურნალო საშუალება);
• მედიკამენტები, რომლებიც გამოიყენება ტრანსპლანტირებული ორგანოების მიუღებლობის თავიდან ასაცილებლად (სიროლიმუსი, ევეროლიმუსი და სხვა mTOR ინჰიბიტორების კლასის საშუალებები). იხილეთ პუნქტი „გაფრთხილებები და უსაფრთხოების ზომები“.

აცნობეთ  ექიმს, თუ იღებთ რომელიმე შემდეგ პრეპარატს. ტენზიპრილი H-მა  შეიძლება იმოქმედოს მათ ეფექტურობაზე. ესენია:

• პრეპარატები, რომლებიც გამოიყენება შაქრიანი დიაბეტის სამკურნალოდ, როგორიცაა ინსულინი და პერორალური წამლები, რომლებიც გამოიყენება სისხლში შაქრის კონცენტრაციის შესამცირებლად. ტენზიპრილი H-მა შეიძლება შეამციროს სისხლში შაქრის რაოდენობა. ტენზიპრილი H-ით მკურნალობის პროცესში ყურადღება მიაქციეთ სისხლში შაქრის  დონეს.
• ლითიუმი (ფსიქიური დაავადებებისთვის). ტენზიპრილი H-მა  შეიძლება გაზარდოს ლითიუმის რაოდენობა სისხლში. ამიტომაც აუცილებელია, ექიმი ყურადღებით აკვირდებოდეს სისხლში ლითიუმის კონცენტრაციას;
• კუნთების მოსადუნებელი პრეპარატები;
• ქინინი (მალარიის სამკურნალო საშუალება);
• იოდის შემცველი პრეპარატები,  რომლებიც გამოიყენება სკანირების ან რენტგენოლოგიური გამოკვლევისას საავადმყოფოში;
• პენიცილინი (ინფექციების დროს);
• სისხლის გამათხელებელი საშუალებები (ორალური ანტიკოაგულანტები), როგორიცაა  ვარფარინი;
• ვილდაგლიპტინი (ტიპი 2 დიაბეტის დროს);

ექიმმა შეიძლება შეგიცვალოთ დოზა და/ან მიიღოს სხვა სიფრთხილის ზომები, თუ იღებთ რომელიმე შემდეგ პრეპარატს:

• თუ ღებულობთ ანგიოტენზინ II-ის რეცეპტორების ბლოკატორებს (ARB) ან ალისკირენს (იხილეთ პუნქტები „უკუჩვენებები“ და „გაფრთხილებები და უსაფრთხოების ზომები“).

თუ ჩამოთვლილთაგან რომელიმე  აღგენიშნებათ, ტენზიპრილი H-ის  მიღებამდე გაესაუბრეთ ექიმს.

გამოკვლევები

მედიკამენტის მიღებამდე ექიმს აცნობეთ, თუ:

• იტარებთ პარათირეოიდული ჯირკვლის ფუნქციის გამოკვლევას. ტენზიპრილი H-მა შესაძლოა გავლენა მოახდინოს ტესტის შედეგებზე.
• ხართ სპორტსმენი და იტარებთ დოპინგ-ტესტს. ტენზიპრილი H-მა შეიძლება  დადებითი პასუხი აჩვენოს.

ტენზიპრილი H-ის მიღება საკვებთან და სასმელთან  ერთად

ტენზიპრილი H-ით  მკურნალობის დროს ალკოჰოლის მიღებამ  შეიძლება გამოიწვიოს თრობა ან გაბრუება. იმის გასარკვევად, თუ რა რაოდენობის ალკოჰოლი შეიძლება მიიღოთ ტენზიპრილი H-ით  მკურნალობის დროს, გაესაუბრეთ ამის შესახებ ექიმს, რადგანაც არტერიული წნევის დამწევი პრეპარატებისა და ალკოჰოლის ერთდროულად გამოყენებამ შეიძლება გამოიწვიოს ადიტიური ეფექტი.

ტენზიპრილი H-ის მიღება შეიძლება საკვებთან ერთად ან საკვების გარეშე.

ორსულობა და ლაქტაცია

თუ ხართ ორსულად ან ძუძუთი კვებავთ ბავშვს, ფიქრობთ, რომ ხართ ორსულად ან გეგმავთ ბავშვის ყოლას, ჰკითხეთ ექიმს რჩევა ამ პრეპარატის მიღებამდე.

რეკომენდებული არაა ტენზიპრილი H-ის მიღება ორსულობის პირველი 12 კვირის განმავლობაში, ასევე უკუნაჩვენებია მისი გამოყენება, ორსულობის 13 კვირის შემდგომ, ვინაიდან მან შეიძლება გამოიწვიოს ნაყოფის სერიოზული დაზიანება.

იმ შემთხვევაში, თუ  ტენზიპრილი H-ის მიღებისას დაორსულდით, დაუყონებლივ აცნობეთ ექიმს. წინასწარ დაგეგმილი ორსულობის დროს უნდა განხორციელდეს შესაბამისი ალტერნატიული მკურნალობა.

არ მიიღოთ ტენზიპრილი H  ლაქტაციის პერიოდში.

აღნიშნული მედიკამენტის მიღებამდე გაიარეთ სამედიცინო კონსულტაცია.

ჰიდროქლოროთიაზიდი

თუ ხართ ორსულად ან გეგმავთ ბავშვის ყოლას, ჰკითხეთ ექიმს რჩევა ამ პრეპარატის მიღებამდე. როგორც წესი, ექიმი გირჩევთ მიიღოთ სხვა პრეპარატი ტენზიპრილი H-ის ნაცვლად, ვინაიდან ტენზიპრილი H-ის მიღება არ არის რეკომენდირებული ორსულობის დროს. იმის გამო, რომ ტენზიპრილი H გადაკვეთს  პლაცენტას და მისმა გამოყენებამ ორსულობის სამი თვის შემდეგ შეიძლება დააზიანოს ნაყოფი.

ავტომობილისა ან სხვა მექანიზმების მართვა

ტენზიპრილი H-ით მკურნალობის დროს  შესაძლოა თავბრუსხვევა. უფრო ხშირად ეს შეიძლება მოხდეს მკურნალობის დაწყების ან პრეპარატის დიდი დოზით მიღების დროს. თუ ეს მოხდა, მოერიდეთ ავტომობილის საჭის მართვას და არ გამოიყენოთ სხვადასხვა მექანიზმები ან ინსტრუმენტები.

ტენზიპრილი H შეიცავს ლაქტოზას

ზოგიერთი შაქრის აუტანლობის შემთხვევაში, აღნიშნული პრეპარატისმიღებამდე მიმართეთ ექიმს.

ტენზიპრილი H-ის   მიღების  წესი

აღნიშნული მედიკამენტი ყოველთვის გამოიყენეთ ზუსტად ექიმის ან ფარმაცევტის დანიშნულების მიხედვით. ნებისმიერი ეჭვის შემთხვევაში მიმართეთ ექიმს ან ფარმაცევტს.

მედიკამენტის მიღება

• პრეპარატი ყოველთვის მიიღეთ ერთსა და იმავე დროს ყოველდღიურად, ჩვეულებრივ დილით;
• ტაბლეტები მთლიანად გადაყლაპეთ და სითხე მიაყოლეთ;
• არ დაფხვნათ ან  არ დაღეჭოთ ტაბლეტები.

რეკომენდირებული დოზა

მაღალი არტერიული წნევის მკურნალობა

მკურნალი  ექიმი განსაზღვრავს საჭირო დოზას არტერიული წნევის გაზომვის შემდეგ.

ხანდაზმულები

ექიმი შეამცირებს საწყის დოზას და მკურნალობა მოხდება უფრო ნელა.

დოზის გადაჭარბება

ჭარბი დოზის მიღების შემთხვევაში დაუყონებლივ დაუკავშირდით ექიმს ან მიაკითხეთ უახლოეს სამედიცინო დაწესებულებას. თან იქონიეთ მედიკამენტიც.

დოზის გამოტოვება

თუ გამოტოვეთ დოზა, მიიღეთ შემდეგი დოზა ჩვეულებრივად.

ნუ მიიღებთ ორმაგ დოზას გამოტოვებული დოზის კომპენსაციის მიზნით.

აღნიშნულ მედიკამენტთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

მოსალოდნელი გვერდითი ეფექტები

ყველა სხვა მედიკამენტის მსგავსად, აღნიშნულმა პრეპარატმაც შესაძლოა გამოიწვიოს გვერდითი ეფექტები, თუმცა არა ყველა პაციენტში.

ტენზიპრილი H-ის მიღება შეწყვიტეთ და დაუყონებლივ მიმართეთ ექიმს შემდეგი გვერდითი რეაქციების განვითარების შემთხევვაში:

• სახის, ტუჩების და ყელის შეშუპება, რაც ართულებს სუნთქვას და ყლაპვას, ასევე კანის ქავილი და გამონაყარი.  შესაძლოა ეს იყოს ტენზიპრილი H-ის მიმართ მძიმე ალერგიული რეაქციის ნიშანი;
• მძიმე რეაქციები კანზე, მათ შორის პირის ღრუში წყლულები, ადრე არსებული კანის დაავადებების გამწვავება, გაწითლება, ვეზიკულები ან კანის აქერცვლა (მაგალითად სტივენ-ჯონსონის სინდრომი, ეპიდერმული ტოქსიკური ნეკროლიზი ან პოლიმორფული ერითემა).

დაუყოვნებლივ მიმართეთ ექიმს, თუ:

•  გაქვთ გულისცემის გაძლიერება, ძლიერი ან არარეგულარული გულისცემა, ტკივილები გულმკერდის არეში, გულის არეში მოჭერის შეგრძნება ან უფრო მძიმე დარღვევები, მიოკარდიუმის ინფარქტის ან ინსულტის ჩათვლით;
•  ქოშინი ან ხველა, რომელიც გრძელდება 2-3 დღე. ეს შესაძლოა იყოს ფილტვებში არსებული პრობლემების ნიშანი;
• მსუბუქი დარტყმის შედეგად ჩალურჯებების უფრო სწრაფი გამოვლინება, ხანგრძლივი სისხლდენა, სისხლდენის ნებისმიერი ნიშანი (მაგალითად ღრძილებიდან სისხლდენა), გამონაყარი კანზე წითელი ლაქების სახით ან ინფექციის უფრო სწრაფი განვითარება ჩვეულებრივთან შედარებით, ყელის ტკივილი და მაღალი ტემპერატურა, დაღლილობის შეგრძნება, გონების დაკარგვა, თავბრუსხვევა ან ფერმკრთალი კანი. ეს დარღვევები შესაძლოა იყოს სისხლში ან ძვლის ტვინში არსებული პრობლემების ნიშანი;
• კუჭის ძლიერი ტკივილები, რომელიც გადაეცემა ზურგის არეში. ეს შესაძლოა იყოს პანკრეატიტის ნიშანი (პანკრეასის ანთება);
• მაღალი  ტემპერატურა, კანკალი, დაღლილობა, მადის დაკარგვა, კუჭის ტკივილი, ღებინება, კანის და თვალების სკლერების ყვითელი შეფერილობა. ეს ყველაფერი შეიძლება იყოს ღვიძლის პრობლემების ნიშანი, მაგალითად ჰეპატიტის (ღვიძლის ანთება) ან ღვიძლის დაზიანება.

სხვა  გვერდითი მოვლენებია:

ხშირი ( ვლინდება 10-დან 1 პაციენტში):

• თავის ტკივილი, სისუსტე, დაღლილობის შეგრძნება;
• თავბრუსხვევის შეგრძნება. ეს სიმპტომი აღინიშნება ტენზიპრილი H-ით მკურნალობის დასაწყისში ან დოზის გაზრდის შემთხვევაში;
• მშრალი ხველა ან ბრონქიტი;
• სისხლში შაქრის კონცენტრაცია ნორმის ზემოთ. დიაბეტის შემთხვევაში მოსალოდნელია დიაბეტის გამწვავება;
• სისხლში შარდმჟავას ნორმაზე მაღალი კონცენტრაცია;
• სახსრების ტკივილი, სიწითლე და შეშუპება.

არახშირი  ( ვლინდება 100- დან 1 პაციენტში):

• გამონაყარი კანზე;
•  სახის უეცარი გაწითლება, გულის წასვლა, ჰიპოტენზია, განსაკუთრებით სწრაფად ადგომის ან დაჯდომის დროს;
• წონასწორობის დარღვევა (თავბრუსხვევა);
• ქავილი და უჩვეულო შეგრძნებები კანის დონეზე, მაგალითად გაბუჟება, გაჟრჟოლება, ჩხვლეტა, წვა (პარესთეზია);
• უნებლიე  კანკალი;
• ფსორიაზი;
• გემოვნების დაკარგვა ან შეცვლა;
• ძილის დარღვევა;
• დეპრესია,  მოუსვენრობის, ნევროზულობის შეგრძნება უფრო გამოხატულია, ვიდრე ჩვეულებრივ;
• ცხვირის შეგუბება, სინუსების ანთება (სინუსიტი), ჰაერის უკმარისობა;
• ღრძილების ანთება (გინგივიტი), პირის ღრუს შეშუპება;
• თვალების სიწითლე, ქავილი, შეშუპება;
• ყურებში ხმაური;
• მხედველობის დაბინდვა;
• თმის ცვენა;
• ტკივილი გულმკერდის არეში;
• კუნთების ტკივილი;
• ყაბზობა, კუჭის ან ნაწლავების ტკივილი;
• დისპესია  ან გულისრევა;
• საჭმლის მომნელებელი სისტემის ფუნქციის დარღვევები;
• დღის განმავლობაში ჩვეულებრივთან შედარებით დიდი რაოდენობით სითხის (შარდის) გამოყოფა;
• თირკმელთან დაკავშირებული პრობლემები, მათ შორის თირკმლის უკმარისობა (სიმპტომები: წელის ქვედა ნაწილის ტკივილი და შარდის რაოდენობის შემცირება);
• მომატებული ოფლიანობა ან წყურვილის შეგრძნება;
• მადის დაკარგვა ან დაქვეითება (ანორექსია);
• მომატებული ან არარეგულარული გულის ცემა;
• ფეხებისა და ხელების შეშუპება. ეს შეიძლება იყოს იმის მიზეზი, რომ ორგანიზმი იკავებს ჩვეულებრივზე  მეტ წყალს;
• მაღალი ტემპერატურა;
• სექსუალური დისფუნქცია;
• ნაღვლის ბუშტის ანთება (რამაც შეიძლება გამოიწვიოს ტკივილი მუცლის არეში, ღებინება, გულისრევა);
• სისხლის ანალიზის მიხედვით სისხლის წითელი უჯრედების, სისხლის თეთრი უჯრედების ან თრომბოციტების ან ჰემოგლობინის  რაოდენობის შემცირება;
• სისხლის ანალიზის მიხედვით ღვიძლის, კუჭქვეშა ჯირკვლის ან თირკმელების ფუნქციის ცვლილებები;
• სისხლის ანალიზის მიხედვით სისხლში კალიუმის დონის შემცირება.

ძალიან იშვიათი (ვლინდება 10 000-დან 1 პაციენტში):

• გულისრევა, დიარეა ან გულძმარვა; 
• წყლულები პირის ღრუში;
• წითელი შეშუპებული ენა ან პირის სიმშრალე;
• სისხლის ანალიზის მიხედვით  სისხლში კალიუმის დონის მატება.

უცნობი  (სიხშირე ვერ დადგინდა არსებული მონაცემების საფუძველზე ):

• კონცენტრირებული შარდი (მუქი ფერის), გულისრევა, კუნთების სპაზმი, კონფუზია და კრუნჩხვები, რაც განპირობებულია ანტიდიურეზული ჰორმონის (ADH) შეუსაბამო სეკრეციით. აღნიშნული სიმპტომების განვითარებისთანავე დაუკავშირდით ექიმს;
• კონცენტრირების გაძნელება, შფოთვა, კონფუზია;
• შემცივნებისას ხელისა და ფეხის თითების ფერის შეცვლა და შემდეგ ჩხვლეტისა ან ტკივილის შეგრძნება გათბობისას (რეინაუდის ფენომენი);
• მამაკაცებში მკერდის გადიდება;
• სისხლის შედედება;
• სმენის დარღვევა;
• თვალების თეთრი შეფერილობა;
• მხედველობის დაქვეითება და თვალების ტკივილი (თვალის დახურულკუთხოვანი მწვავე გლაუკომის ნიშნები);
• დეჰიდრატაცია;
• ლოყის არეში შეშუპება, ტკივილი და სიწითლე (სანერწყვე ჯირკვლის ანთება);
• ნაწლავების შეშუპება “ნაწლავების ანგიოედემა”, რომელიც ვლინდება ისეთი სიმპტომების სახით, როგორიცაა: ტკივილი მუცლის ღრუში, ღებინება და ფაღარათი;
• მომატებული მგრძნობელობა;
• კანის აქერცვლა, ქავილი, გამონაყარი ან კანის სხვა რეაქციები, მაგალითად: სახესა და შუბლზე წითელი გამონაყარი;
• კანზე გამონაყარი ან სისხლჩაქცევები;
• ფსორიაზის მიმდინარეობის გაუარესება;
• სისტემური წითელი მგლურა (SLE),რაც იწვევს სახსრების ტკივილს, კანზე გამონაყარს და ცხელებას;
• ლაქები კანზე და სიცივე კიდურებში;
• ფრჩხილებთან დაკავშირებული პრობლემები (მაგალითად, ფრჩხილის ბალიშიდან ფრჩხილის ფირფიტის მოცილება);
• ძვალ–კუნთოვანი სისტემის  რიგიდულობა ან ტეტანია;
• კუნთების სისუსტე ან სპაზმი;
• ორივე სქესში ლიბიდოს დაქვეითება;
• სისხლი შარდში. აღნიშნული შეიძლება წარმოადგენდეს თირკმლის პრობლემის ნიშანს (ინტერსტიციული ნეფრიტი);
• შარდში შაქრის მომატებული კონცენტრაცია;
• სისხლის თეთრი უჯრედების მომატება (ეოზინოფილია);
• სისხლის წითელი უჯრედების რაოდენობრივი შემცირება (პანციტოპენია);
• სისხლში ნატრიუმის, ქლორიდის და მაგნიუმის დონის შემცირება;
• სისხლში კალციუმის მომატებული ოდენობა;
• შენელებული ან დაქვეითებული რეაქციები;
• ყნოსვის დარღვევა;
• გაძნელებული სუნთქვა ან ასთმის გაუარესება.

ინფორმირება  გვერდითი ეფექტების შესახებ

ნებისმიერ გვერდითი რეაქციის გამოვლენის შემთხვევაში, მათ შორის ისეთი ეფექტების, რომლებიც არ არის აღწერილი გამოყენების ინსტრუქციაში, აცნობეთ ექიმს ან ფარმაცევტს. გვერდითი ეფექტების შესახებ შეგიძლიათ განაცხადოთ საქართველოს სამედიცინო საქმიანობის სახელმწიფო რეგულირების სააგენტოს ეროვნული ანგარიშგების სისტემის  მეშვეობით. გვერდითი ეფექტების შესახებ ინფორმაციის მიწოდებით ხელს შეუწყობთ პრეპარატის უსაფრთხო გამოყენებას.

ტენზიპრილი H-ის შენახვის პირობები

აღნიშნული პრეპარატი შეინახეთ  სინათლის და ბავშვებისთვის მიუწვდომელ ადგილას.

შეინახეთ თავდაპირველ შეფუთვაში.

შეინახეთ 25⁰C-ზე დაბალი ტემპერატურის პირობებში.

არ გამოიყენოთ აღნიშნული პრეპარატი კოლოფზე აღნიშნული ვარგისობის ვადის გასვლის შემდეგ.  ვარგისობის ვადა ვრცელდება აღნიშნული თვის ბოლო დღემდე.

მედიკამენტები  არ გადააგდოთ კანალიზაციაში ან საყოფაცხოვრებო ნარჩენებთან ერთად. ჰკითხეთ ფარმაცევტს მისი უტილიზაციის შესახებ.  აღნიშნული ზომები ხელს შეუწყობს გარემოს დაცვას.

გამოშვების ფორმა და შეფუთვა

ტენზიპრილი H 2.5მგ/12.5მგ და ტენზიპრილი H 5მგ/25მგ

შეფუთვაში 30 ტაბლეტი.

გაცემის წესი

ფარმაცევტული პროდუქტის ჯგუფი II, გაიცემა ფორმა N3 რეცეპტით.

სავაჭრო ლიცენზიის მფლობელი

შპს ნიუ ფარმ  გრუპი

მისამართი: საქართველო, თბილისი 0154, ევდოშვილის ქ.#18  

მწარმოებელი

შპს Actavis   

მალტა, ზეჯტუნი ZTN 3000, Bulebel Indsutrial Estate BLB016.