კო-დიოვანი 160/12.5მგ#28ტ(თურქ

კო-დიოვანი^R  160 მგ/12,5 მგ აპკით შემოგარსული ტაბლეტი

მიიღება ორალური (პირის)გზით.

• მოქმედი ნივთიერება: თითოეული აპკით შემოგარსული ტაბლეტი 160 მგ ვალსარტანს  და 12,5 მგ ჰიდროქლორთიაზიდს შეიცავს.
• დამხმარე ნივთიერებები: მიკროკრისტალური ცელულოზა,კროსპოვიდონი, სილიციუმის კოლოიდური დიოქსიდი, მაგნიუმის სტეარატი, ჰიდროქსიპროპილ მეთილცელულოზა, რკინის წითელი ოქსიდი (E172),  პოლიეთილენ გლიკოლ 8000,  ტალკი და ტიტანის დიოქსიდი (E171).

აღნიშნული წამლის მიღებამდე  გამოყენების ინსტრუქცია ყურადღებით წაიკითხეთ, რადგანაც ის თქვენთვის მნიშვნელოვან ინფორმაციას შეიცავს. აღნიშნული გამოყენების ინსტრუქცია შეინახეთ. შეიძლება განმეორებით გადაკითხვა დაგჭირდეთ. დამატებით კითხვების შემთხვევაში, გთხოვთ თქვენს ექიმს ანდა ფარმაცევტს მიმართოთ. აღნიშნული წამალი პირადად  თქვენთვისაა გამოწერილი, სხვას არ მისცეთ. აღნიშნული წამლის გამოყენებისას თუ სხვა ექიმს ანდა საავადმყოფოს მიმართავთ, ექიმს მიაწოდეთ ინფორმაცია ამ წამლის მოხმარების შესახებ. წამლის  გამოყენების ინსტრუქცია ზუსტად შეასრულეთ.  თქვენთვის რეკომენდირებული დოზის გარდა  მაღალი ანდა დაბალიდოზა არ მიიღოთ.

გამოყენების ინსტრუქცია შეიცავს შემდეგი სათაურების მომცველ მონაცემებს:

1. რა არის და რისთვის გამოიყენება კო-დიოვანი?
2. კო-დიოვანის გამოყენებამდე  რას უნდა მივაქციოთ ყურადღება?
3. როგორ გამოიყენება კო-დიოვანი?
4. რა სახის შესაძლო გვერდითი ეფექტები შეიძლება გამოვლინდეს?
5. კო-დიოვანის  შენახვა

1. რა არის და რისთვის გამოიყენება კო-დიოვანი?

თითოეული აპკით შემოგარსული  160 მგ ვალსარტანს  და 12,5 მგ ჰიდროქლორთიაზიდს  შეიცავს.

კო-დიოვანი, 28 და 84 ცალიანი აპკით შემოგარსული ტაბლეტის შემცველი ბლისტერის  შეფუთვაშია წარმოდგენილი.

კო-დიოვანი მაღალი არტერიული წნევის მართვისთვის გამოყენებული პრეპარატია, რომელიც ანგიოტენზინ II ანტაგონისტს და შარდმდენს (დიურეტიკს)შეიცავს. სხეულში არსებული ბუნებრივი ნივთიერება ანგიოტენზინ II სისხლძარღვების შევიწროებას და შესაბამისად არტერიული წნევის მომატებას იწვევს. კო-დიოვანში არსებული ვალსარტანი ანგიოტენზინ II ეფექტს ბლოკავს, შედეგეად კი სისხლძრღვები ფართოვდება და სისხლის არტერიული წნევა ქვეითდება. დიურეტიკები, შარდის გამოყოფას ზრდის და სხეულში არსებული მარილების და სითხის რაოდენობას ამცირებს. ამ წამლის ხანგრძლივი გამოყენების დროს ხდება სისხლის არტერიული წნევის დაქვეითება, რაც დაავადების მართვისთვის ძალიან მნიშვნელოვანია.

კო-დიოვანი, მაღალი არტერიული წნევის დაქვეითების მიზნით გამოიყენება. მაღალი არტერიული წნევა გულის და არტერიების  დატვირთვას ზრდის, თუ ასეთი მდგომარეობა ხანგრძლივად გაგრძლედება, შეიძლება განვითარდეს თავის ტვინის, გულის და თირკმლების სისხლძარღვების დაზიანება და შედეგად გამოვლინდეს ინსულტი, გულის უკმარისობა ანდა თირკმლების უკმარისობა. მაღალი არტერიული წნევა სტენოკარდიის რისკს ზრდის. არტერიული წნევის ნორმალურ მაჩვენებლამდე შემცირება ზემოთ აღნიშნული დაავადებების განვითარების რისკს ამცირებს.

კო-დიოვანის მოქმედების მექანიზმის ანდა თქვენთან მისი გამოწერის მიზეზის შესახებ კითხვები თუ გაგიჩნდებათ, თქვენს ექიმს მიმართეთ.

2.  კო-დიოვანის გამოყენებამდე  რას უნდა მივაქციოთ ყურადღება?

კო-დიოვანი  არ გამოიყენება ქვემოთ მოცემული მდგომარეობების დროს:

თუ:

• ვალსარტანის, ჰიდროქლორთიაზიდის ანდა მსგავსი შარდმდენების (დიურეტიკების), სულფონამიდების  მიმართ მომატებული მგრძნობელობა გაქვთ (იმის გასარკვევევად, თუ რომელი პრეპარატი ავლენს თქვენს მიმართ მავნე ეფექტს, თქვენს ექიმს ანდა ფარმაცევტს მიმართეთ).
• ღვიძლის სერიოზული დაავადება გაქვთ და ღვიძლში გამავალი წვრილი სანაღვლე სადინრები დაზიანებულია (ბილიარული ციროზი) და ეს მდგომარეობა ნაღვლის ღვიძლში დაგროვებას განაპირობებს (ქოლესტაზი).
• ორგანიზმში შარდი არ წარმოიქმნება (ანურია) ან  აღნიშნულთან ერთად თირკმლების მძიმე დაავადება გაქვთ.
• ალისკირენის (სისხლის მაღალი წნევის დამაქვეითებელი წამალი) მოხმარებისას სისხლში შაქრის დონე მაღალია და შაქრიანი დიაბეტი გაქვთ ანდა თირკმლების უკმარისობა (თირკმლების ფილტრაციის ფუნქციის მაჩვენებელი ანალიზი- გლომერულური ფილტრაციის სიჩქარე გფს-<60მლ/წთ/1.73მ² )გაქვთ ,
• ორსულად ხართ ანდა ორსულობას გეგმავთ.

კო-დიოვანი ქვემოთ მოცემული მდგომარეობების დროს სიფრთხილით გამოიყენეთ:  

თუ;

• კალიუმის დანამატებს, კალიუმის შემნახველ წამლებს, კალიუმის შემცველ ხელოვნურ მარილებს ანდა კალიუმის დონის მომატების გამომწვევ, მაგ. ჰეპარინის მსგავს სხვა წამლებს ღებულობთ (ამ დროს ექიმი რეგულარულად სისხლში კალიუმის დონის განსაზღვრას მოითხოვს),
• სისხლში კალიუმის ანდა მანგიუმის დონე დაბალია (კუნთების სისუსტე, კუნთების სპაზმი გულის რითმის დარღვევის ანორმალური ნიშნებით ანდა მის გარეშე),
• სისხლში ნატრიუმის დონე დაბალია(დაღლიობა, კონფუზია (გონები არევა),კუნთების სპაზმი, გულყრების ნიშნებთან ერთდ ანდა მის გარეშე),
• სისხლში კალციუმის დონე მაღალია (გულისრევა, ღებინება, ყაბზობა, კუჭის ტკივილი, ხშირი შარდვა, გაუწყლოვნება, კუნთების სისუსტე კრუნჩხვებთან ერთად და  ან მის გარეშე),
• ღებინება, დიარეა ანდა მაღალი დოზით შარდმდენების (დიურეტიკების) მიღებასთან დაკავშირებული პრობლემა გაქვთ,
• გულის სერიოზული დაავადება გაქვთ ანდა  მანამდე მიოკარდიუმის ინფარქტი გადაიტანეთ, საწყისი დოზის მიღებისას, ექიმის მითითებები გაითვალისწინეთ. ამ დროს ექიმი თირკმლის ფუნქციებსაც გადაამოწმებს.
• აგფ ინჰიბიტორით (მაღალი არტერიული წნევის სამკურნალოდ გამოყენებული წამლის ჯგუფი) ანდა  ალისკირენით (სისხლის მაღალი წნევის დამაქვეითებელი წამალი) მკურნალობთ,
• თირკმლის არტერიის შევიწროება გაქვთ,
• ახლო პერიოდში თირკმლის გადანერგვა გაიკეთეთ,
• ჰიპერალდოსტერონიზმის (თირკმელზედა ჯირკვლის ფუნქცის მკვეთრი მომატების გამო განვითარებული დაავადება, თუ, ეს დაავადება გაქვთ, კო-დიოვანის გამოყენება არ არის რეკომენდირებული)სახელით ცნობილი დაავადება გაქვთ,
• თირკმლების ანდა ღვიძლის დაავადება გაქვთ,
• ცხელება, კანზე გამონაყარი, სახსრების ტკივილი (სისტემური წითელი მგლურას დაავადების ნიშნები შეიძლება იყოს. სისტემური წითელი მგლურა ავტოიმუნური დაავადების სახელითაა ცნობილი) გაქვთ,
• შაქრიანი დიაბეტი (სისხლში შაქრის მაღალი დონე) გაქვთ,
• სისხლში შარდმჟავას, ქოლესტერინის ანდა ტრიგლიცერიდების დონე მაღალია,
• კო-დიოვანის ჯგუფის (ანგიოტენზინ II რეცეპტორების ანტაგონისტები) წამლების, სისხლის არტერიული წნევის დამაქვეითებელ სხვა წამლების მიმართ ალერგიული რექციები (სახეზე და ხახაში შეშუპება გქონდათ) გადაიტანეთ ანდა ალერგია ანდა ასთმა გაქვთ, ასეთ მდგომარეობაში კო-დიოვანის მიღება შეწყვიტეთ და მაშინვე თქვენს ექიმს  აცნობეთ. კო-დიოვანი განმეორებით აღარ გამოიყენოთ.
• მხედველობის დაქვეითება ანდა თვალის ტკივილი გაქვთ, აღნიშნული სიმპტომები შეიძლება თვალის შიგა წნევის მომატების მაჩვენებელი იყოს და კო-დიოვანის მიღების დაწყებიდან  საათების ანდა კვირების შემდეგ შეიძლება გამოვლინდეს.  თუ, აღნიშნული პრობლემის მკურნალობა არ ჩატარდება, მხედველობის დარღვევა შეიძლება შეუქცევადი იყოს.
• კო-დიოვანმა, კანის მზის მიმართ მგრძნობელობა შეიძლება მოამატოს,
• თუ, ფიქრობთ, რომ ორსულად ხართ,  (ანდა ორსულობის ალბათობა არსებობს), ექიმს აცნობეთ. კო-დიოვანი, ორსულობის პირველ ტრიმესტრში არ არის რეკომენდირებული.  თუ, ორსულობა 3 თვეზე მეტია გრძელდება, კო-დიოვანი არ გამოიყენოთ, რადგანაც კო-დიოვანის ამ პერიოდში გამოყენების შემთხვევაში არსებობს  მუცლად მყოფ ბავშვზე მავნე ზემოქმედების გამოვლენის ალბათობა (იხილეთ ნაწილი-ორსულობა).

კო-დიოვანის მიღება მხოლოდ  სამედიცინო გასინჯვა-გამოკვლევების შემდეგ შეგიძლიათ. კო-დიოვანი, შეიძლება ყველა ავადმყოფისთვის გამოსაყენებლად მისღები არ იყოს. ექიმის მითითებები ზედმიწევნით შეასრულეთ. ექიმის მითითებები შეიძლება აღნიშნული წამლის გამოყენების ინსტრუქციის რეკომენდაციებისგან განსხვავებული იყოს.

თუ, აღნიშნული გაფრთხილებები, თუნდაც წარსულის რომელიმე პერიოდში გამოგივლინდათ,  გთხოვთ თქვენს ექიმს აცნობეთ.

კო-დიოვანის  გამოყენება საკვებთან და სასმელთან ერთად

კო-დიოვანის მიღება შეიძლება როგორც  უზმოზე, ასევე საკვებთან ერთად.

ექიმის ნებართვის გარეშე ალკოჰოლი არ გამოიყენოთ. ალკოჰოლის მიღებამ, შეიძლება  გამოიწვიოს სისხლის არტერიული წნევის უფრო დაცემა და/ ანდა თავბრუსხვევა ანდა გონების დაკარგვა.

ორსულობა

წამლის გამოყენებამდე თქვენს ექიმს ანდა ფარმაცევტს აცნობეთ.

თუ, ორსულად ხართ ანდა ორსულობას გეგმავთ, კო-დიოვანი არ გამოიყენოთ.  მსგავსი წამლების გამოყენებამ მუცლად მყოფ ბავშვეზე შეიძლება სერიოზული პრობლემების განვითარება განაპირობოს. ამიტომ, თუ ორსულობის ალბათობა არსებობს ანდა  ორსულობას გეგემავთ, მაშინვე ექიმს აცნობეთ. ექიმი, ორსულობის დროს კო-დიოვანის გამოყენების შემთვევაში პოტენციური რისკების შესახებ ინფორმაციას მოგაწვდით.

თუ, მკურნალობის პერიოდში ორსულობას გამოავლენთ, მაშინვე თქვენს ექიმს ანდა ფარმაცევტს  მიმართეთ.

ძუძუთი კვება-ლაქტაცია

წამლის მიღებამდე  კონსულტაციისთვის თქვენს ექიმს ანდა ფარმაცევტს მიმართეთ.

ლაქტაციის პერიოდში კო-დიოვანის გამოყენება  არ არის რეკომენდრიებული. კო-დიოვანის შემადგენლობაში არსებული დიურეტიკული  ნივთიერება  დედის რძეში გადადის და რძის რაოდენობა შეიძლება შეამციროს. თუ ბავშვს ძუძუთი კვებავთ, ექიმის რეკომენდაციის გარეშე კო-დიოვანის გამოყენებას მოერიდეთ.

ავტომობილისა და მექანიზმების მართვის უნარზე ზემოქმედება

როგორც, ყველა მაღალი არტერიული წნევის მკურნალობისთვის გამოიყენებული წამლის შემთხვევაში,  კო-დიოვანმაც ზოგიერთ ავადმყოფთან შეიძლება გამოიწვიოს თავბრუსხვევა ანდა გონების დაკარგვის მსგავსი მდგომარეობა. ამიტომ, ავტომობილისა და მექანიზმების მართვის ანდა სხვა ისეთი მდგომარეობების დროს, რაც კონცენტრაციის უნარს საჭიროებს, დარწმუნდით, რომ კო-დიოვანის მიერ გამოწვეული გვერდითი ეფექტის ხარისხის უგულებელყოფა შეიძლება.

კო-დიოვანის შემადგენლობაში არსებული ზოგიერთი დამხმარე ნივთიერების შესახებ ინფორმაცია

თუ, კო-დიოვანის შემადგენლობაში არსებული დამხმარე ნივთიერებების მიმართ მომატებული მგრძნობელობა არ გაქვთ, ამ ნივთიერებებთან დაკავშირებით უარყოფითი ეფექტი არ არის მოსალოდნელი.

სხვა მედიკამენტებთან ერთად გამოყენება

თუ, ქვემოთ ჩამოთვლილი წამლებიდან რომელიმეს ღებულობთ, შეიძლება საჭირო გახდეს დოზის ცვლილება ანდა  წამლებიდან რომელიმეს  მიღების შეწყვეტა:

• ლითიუმი (დეპრესიის ზოგიერთი  ტიპის სამკურნალოდ გამოყენებული წამალი),
• კალიუმის დანამატები ანდა კალიუმის შემცველი ხელოვნური მარილები, კალიუმის შემნახველი შარდმდენები, ჰეპარინი (ექიმი პერიოდულად სისხლში კალიუმის რაოდენობას გადაამოწმებს),
• დიურეტიკები (შარდმდენები), კორტიკოსტეროიდები (კორტიზოლის მსგავსი წამლები), საფაღარათოები (ყაბზობის სამკურნალო წამლები), კარბენოლოქსონი, ამფოტერიცინი ანდა პენიცილინ G ჯგუფის  წამლები, რომლებიც სისხლში კალიუმის რაოდენობას ამცირებს,
• ანტიარითმული (გულის პრობლემების სამკურნალოდ გამოყენებული წამლები) და ზოგიერთი ანტიფსიქოზური (ფსიქიკური დაავადებების სამკურნალოდ გამოყენებული წამლები) წამლების მიღებამ შეიძლება გულის რითმის დარღვევა განაპირობოს,
• ანტიდეპრესანტები, ანტიფსიქოზური წამლები, ანტიეპილეპტიკების (კარბამაზეპინი)მსგავსი, სისხლში ნატრიუმის რაოდენობის დამაქვეითებელი წამლები,
• ალოპურინოლის მსგავსი პოდაგრის სამკურნალო წამლები,
• D ვიტამინი და კალციუმის მარილები,
• შაქრიანი დიაბეტის სამკურნალოდ გამოყენებული წამლები (მეტფორმინის მსგავსი ორალური აგენტები ანდა ინსულინები),
• სისხლის არტერიული წნევის დამაქვეითებელი სხვა წამლები (მეთილდოფას ჩათვლით), განსაკუთრებით აგფ ინჰიბიტორები ანდა ალისკირენი (ამ წამლების ერთად გამოყენების საჭიროებისას, აუცილებლად საჭიროა ექიმის მეთვალყურეობა და თირკმლების ფუნქციის კონტროლი, ელექტროლიტების და სისხლის არტერიული წნევის ხშირი გადამოწმება. თუ, დიაბეტური ნეფროპათიის სახელით წოდებული დაავადება გაქვთ, რომელიც შაქრიანი დიაბეტის შედეგად გამოვლინდა, აგფ ინჰიბიტორების და ანგიოტენზინ II რეცეპტორების ბლოკერების ერთად გამოყენება არ შეიძლება),
• ნეიროადრენალინი ანდა ადრენალინის მსგავსი პრეპარატები, რომლებიც სისხლის არტერიული წნევის მომატებას იწვევს,
• დიგოქსინი ანდა სხვა საგულე გლიკოზიდები (გულის პრობლემების სამკურნალოდ გამოყენებული წამალი),
• დიაზოქსიდი ანდა ბეტა-ბლოკერების მსგავსი წამლები, რომლებიც სისხლში შაქრის დონის მომატების განაპირობებს,
• მეტოტრექსატი ანდა ციკლოფოსფამიდის მსგავსი ციტოტოქსიკური წამლები (სიმსივნის სამკურნალოდ გამოიყენება),
• სელექტიური ციკლოოქსიგენაზას  ინჰიბიტორების (Cox-2 ინჰიბიტორები) ჩათვლით არა-სტეროიდული ანთების საწინააღმდეგო წამლები (აას), ტკივილგამაყუჩებლები,
• ართრიტის (სახსრების ანთების) სამკურნალო წამლები,
• კუნთების მომადუნებელი საშუალებები (მაგ.ტუბაკურარინი),
• ანტიქოლინერგული აგენტები (კუჭ-ნაწლავის სისტემის სპაზმის, შარდის ბუშტის სპაზმის, ასთმის, ზღვის დაავადების, კუნთოვანის სპაზმის, პარკინსონის დაავადების და ანესთეზიის, სხვადასხვა დაავადების სამკურნალოდ   გამოყენებული წამლები),
• ამანტადინი (პარკინსონი) გამოიყენება დაავადების სამკურნალოდ და ასევე ვირუსებით გამოწვეული დაავადებების სამკურნალოდ პრევენციისთვის.
• ქოლსტირამინი და ქოლესტიპოლი (სისხლში ლიპიდების მაღალი დონის სამკურნალოდ გამოყენებული ფისები),
• რიფამპიცინის ჯგუფის წამლები (ზოგიერთი ანტიბიოტიკი),  ციკლოსპორინი (ორგანოთა მოცილების რეაქციის თავიდან აცილების მიზნით ტრანსპლანტაციის დროს გამოყენებული წამალი), რიტონავირი (აივ)შიდსის  ინფექციის სამკრუნალოდ გამოყენებული ანტირეტროვირალური წამალი). ამ წამლებმა შეიძლება კო-დიოვანის ეფექტი გააძლიეროს.
• ალკოჰოლი, საძილე საშუალებები და ანესთეზიური საშუალებები (ავადმყოფებთან ოპერაციული ჩარევების ანდა სხვა პროცედურების დროს გამოყენებული წამლები),
• იოდის შემცველი კონტრასტული ნივთიერებები (რადიოლოგიური მეთოდებით გამოკვლევების დროს გამოყენებული აგენტები).

თუ რეცეპტით დ ან რეცეპტის გარეშე ნებისმიერ წამალს ღებულობთ ანდა  ბოლო პერიოდში მიიღეთ, გთხოვთ, აღნიშნულის შესახებ თქვენს ექიმს ანდა ფარმაცევტს აცნობეთ.

3. როგორგამოიყენება კო-დიოვანი ?

სწორიგამოყენებადადოზები/გამოყენებისსიხშირედამითითებები:

• ავადმყოფები, რომელთაც სისხლის არტერიული წნევა ხშირად მაღალი აქვთ, ამ პრობლემის მაჩვენებელ სიმპტომებს ყურადღებას არ აქცევენ. ბევრი ადამიანი ასეთ მდგომარეობაში თავს ნორმალურად გრძნობს.  გაითვალისწინეთ, რომ იმის მიუხედავად, რომ თავს კარგად გრძნობთ,  თქვენი ექიმის ანდა ფარმაცევტის რეკომენდაცია და მითითებები სრულყოფილად შეასრულეთ, ექიმითან ვიზიტი არ გამოტოვოთ.
• თქვენი ექიმის მითითებები სრულყოფილად  შეასრულეთ.
• რეკომენდირებულ დოზას არ გადააჭარბოთ.
• კო-დიოვანის მიღების დოზას და გამოყენების სიხშირეს ექიმი აგიხსნით. მკურნალობაზე მიღებული შედეგის შესაბამისად, ექიმი შეიძლება უფრო მაღალ ანდა დაბალ დოზას გამოგიწერთ.
• კო-დიოვანის ნორმალური დღიური დოზაა:1 ტაბლეტი. ექიმთან კონსულტაციის გარეშე წამლის დოზა არ შეცვალოთ ანდა მკურნალობა არ შეწყვიტოთ. კო-დიოვანი, ყოველდღე ერთსადაიმავე დროს მიიღეთ, აღნიშნული,  წამლის მიღების დროის გახსენებაში დაგეხმარებათ.
• ამ წამლით მკურნალობის შედეგად მიღებული სასურველი ეფექტის რეალობაში რომ  დარწმუნდეთ, საჭიროა ექიმთან  რეგულარული კონტროლის დროს არსებული მდგომარეობის შეფასება, ეს ძალიან მნიშვნელოვანია. 
• კო-დიოვანით მკურნალობის დაწყებამდე და მკურნალობის დროს საჭიროა ანალიზების რეგულარული კონტროლი. ამ ანალიზების საშუალებით  სისხლში (კალიუმის, ნატრიუმის, კალციუმის ანდა მაგნიუმის მსგავსი) ელექტროლიტების რაოდენობის კონტროლი გაკეთდება, აღნიშნული განსაკუთრებით მნიშვნელოვანია 65 წლის და მეტი ასაკის ავადმყოფებში, ასევე გულის, ღვიძლის ანდა თირკმლების დაავადებებების მქონე ავადმყოფებისთვის და ასევე  კალიუმის დანამატების მომხმარებელთათვის, ამ დროს საჭიროა თირკმლის ფუნციების განსაზღვრა. ექიმი, ამ თემასთან დაკაშირებით რეკომენდაციებს მოგცემთ.

მიცემის გზა და მეთოდი:

კო-დიოვანის მიღება შესაძლებელია როგორც  საკვებთან ერთად, ასევე მის გარეშეც,   წყლის მიყოლებით.

წამალი, ყოვლედღე ერთსადაიმავე დროს, სასურველია დილის საათებში მიიღოთ.

კო-დიოვანის მიღება შესაძლებელია როგორც მშიერზე, ასევე საკვებთან ერთად. ტაბლეტი, 1 ჭიქა წყლის გადაყლაპეთ.

სხვადასხვა ასაკობრივი ჯგუფები:

ბავშვებში გამოყენება (18 წლამდე ასაკი):

კო-დიოვანის გამოყენება  ბავშვებსა და მოზარდებში გამოკვლეული არ არის.                 კო-დიოვანის გამოყენება 18 წლამდე ასაკის ბავშვებში არ არის რეკომენდირებული.

ხანდაზმულებში გამოყენება(65 წელი და მეტი ასაკი):

65 წლის და მეტი ასაკის პირებში კო-დიოვანის გამოყენება შეიძლება.

გამოყენების განსაკუთრებული მდგომარეობები:

თირკმლების უკმარისობა:

თუ, მსუბუქი-საშუალო სიმძიმის თირკმლის უკმარისობა გაქვთ, დოზის რეგულირება არ არის საჭირო.

თუ, თირკმლის მძიმე უკმარისობა გაქვთ, პრეპარატი სიფრთხილით გამოიყენეთ.

ღვიძლის უკმარისობა:

თუ, მსუბუქი-საშუალო სიმძიმის ღვიძლის უკმარისობა გაქვთ, პრეპარატი სიფრთხილით გამოიყენეთ.

თუ, ღვიძლის მძიმე უკმარისობა გაქვთ, პრეპარატი არ გამოიყენეთ.

თუ, თქვენი ექიმი სხვა რეკომენდაციას არ მოგცემთ,  აღნიშნული წამლის ინსტრუქციას მიჰყევით.

კო-დიოვანი, ექიმის მიერ რეკომენდირებული დროის განმავლობაში გამოიყენეთ. თუ, კო-დიოვანის გამოყენების ხანგრძლივობასთან დაკავშირებით კითხვები გაგიჩნდებათ, თქვენს ექიმს ანდა ფარმაცევტს მიმართეთ.

მკურნალობა ნაადრევად არ შეწყვიტოთ, რადგანაც კო-დიოვანით მკურნალობის შეწყვეტა, დაავადების დამძიმებას გამოიწვევს.

თუ ფიქრობთ, რომ კო-დიოვანის ეფექტი ძალიან ძლიერი ანდა სუსტია, გაესაუბრეთ თქვენს ექიმს ანდა ფარმაცევტს.

თუ, კო-დიოვანის საჭიროზე მეტი დოზა მიიღეთ:

თუ, თავბრუსხვევა და/ანდა გონების დაკარგვა, უჩვეულო დაღლილობა ანდა სისუსტე, კუნთების კრუნჩხვები ანდა გულისცემის რითმის დარღვევა გექნებათ, მაშინვე თქვენს ექიმს აცნობეთ.

თუ, კო- დიოვანის საჭიროზე მეტი დოზა მიიღეთ, თქვენს ექიმს ანდა ფარმაცევტს გაესაუბრეთ.

თუ, კო- დიოვანის მიღება დაგავიწყდათ

თუ, წამლის მიღება დაგავიწყდებათ, როგორც კი გაგახსენდებათ, ეს დოზა მიიღეთ და მომდევნო დოზა ჩვეულ დროზე მიიღეთ.

თუ, დავიწყებული  წამლის დოზის მიღება გვიან გაგახსენდებათ ( წამლის მომდევნო დოზის მიღების დროსთან ახლოს), ეს დოზა გამოტოვეთ, არ მიიღოთ და მომდევნო დოზა ნორმალურ დროზე მიიღეთ.

დავიწყებული დოზის  აღდგენისთვის   ორმაგი დოზა არ მიიღოთ.

მოვლენები, რომელიც კო-დიოვანით მკურნალობის დასრულებისას შეიძლება გამოვლინდეს:

კო-დიოვანით მკურნალობის შეწყვეტამ შეიძლება თქვენი დაავადების დამძიმება გამოიწვიოს.  ექიმის მითითების გარეშე მკურნალობა არ შეწყვიტოთ.

4. რა შეიძლება იყოს შესაძლო გვერდითი ეფექტები:

როგორც ყველა წამლის შემთხვევაში, კო-დიოვანის მომხმარებელ ავადმყოფების ნაწილში შეიძლება გვერდითი ეფექტები გამოვლინდეს.

გვერდითი ეფექტები კატეგორიების მიხედვით ქვემოთაა მოცემული:

ძალიან გავრცელებული:10 ავადმყოფიდან  სულ ცოტა 1 ავადმყოფთან ვლინდება.

გავრცელებული:10 ავადმყოფიდან  სულ ცოტა 1 ავადმყოფთან ვლინდება, მაგრამ  100 ავადმყოფიდან  >1 ავადმყოფთან  შეიძლება გამოვლინდეს.

ნაკლებად გავრცელებული: 100 ავადმყოფიდან  1 ავადმყოფთან შეიძლება გამოვლინდეს.

იშვიათი:1.000 ავადმყოფიდან 1 ავადმყოფთან შეიძლება გამოვლინდეს.

ძალიან იშვიათი:10.000 ავადმყოფიდან 

უცნობი: ხელთ არსებული მონაცემებით ვარაუდი შეუძლებელია.

ნაკლებად გავრცელებული:

• წყურვილი, შარდის გამოყოფის შემცირება, მუქი ფერის შარდი, მშრალი და თბილი კანი, გამღიზიანებლებზე მგრძნობელობის მომატება (შეიძლება დეჰიდრატაციის ნიშანი იყოს)
• დაბუჟება, ჩხვლეტის შეგრძნება ანდა მგრძნობელობის დაკარგვა (პარესთეზიის სიმპტომი შეძლება იყოს)
• მხედველობის დარღვევები
• დაღლილობა
• ხველა
• კუნთების ტკივილი
• ყურებში ხმაური
• თავბრუსხვევა, თავში სიმძიმის შეგრძნება(შეიძლება ჰიპოტენზიის სიმპტომი იყოს)

ძალიან იშვიათი:

• თავბრუსხვევა
• დიარეა (ფაღარათი)
• სახსრების ტკივილი

უცნობი:

• სუნთქვის გაძნელება (არაკარდიოგენული, შეიძლება ფილტვების შეშუპების სიმპტომი იყოს)
• ცნობიერების უეცარი დაკარგვა (სინკოპეს სიმპტომი შეიძლება იყოს)
• შარდის გამოყოფის მკვეთრი შემცირება (თირკმლების ფუნქციის დარღვევის სიმპტომი შეიძლება იყოს)
• ინფექციის გამო ცხელება, ყელის ტკივილი ანდა პირის ღრუში წყლულები (ნეიტროპენიის სიმპტომი შეიძლება იყოს)
• კუნთების სისუსტე, კუნთების სპაზმი, გულისცემის რითმის დარღვევა (შეიძლება სისხლში კალიუმის დონის შემცირების სიმპტომი იყოს)
• დაღლილობა, გონების არევა (კონფუზია), კუნთების თრთოლვა, გულყრები (კონვულსიები) (შეიძლება ჰიპონატრემიის სიმპტომი იყოს)
• თირკმლის ფუნქციების დარღვევა (სისხლის შრატში შარდმჟავას ანდა კრეატინინის ანდა სისხლში შარდოვანას, ნიტრატების მომატების სიმპტომი შეიძლება იყოს)
• ღვიძლის ფუნქციების დარღვევა (სისხლის შრატში ბილირუბინის მომატების სიმპტომი შეიძლება იყოს)

ქვემოთ ჩამოთვლილი გვერდითი ეფექტები კო-დიოვანზე ჩატარებული კლინიკური კვლევის დროს დაფიქსირდა. ამ ეფექტების წამლის მიღებასთან ანდა სხვა მიზეზებთან კავშირი დაზუსტებული არ არის.

მუცლის ტკივილი, მუცლის ზემო ნაწილში ტკივილი, შფოთვა, გაღიზიანება, სახსრების ტკივილი და გამკვრივება (ართრიტი), სისუსტე (ასთენია), ზურგის ტკივილი, ტკივილი  მკერდში  და ცხელებასთან ერთად ხველა ნახველით(ბრონქიტი ანდა მწვავე ბრონქიტი), ტკივილი მკერდში, ფეხზე დგომისას გონების დაკარგვა, საკვების მიღების შემდეგ დისკომპფორი კუჭში (დისპეფსია), სუნთქვის შეკვრა (დისპნე), პირის სიმშრალე, ცხვირიდან სისხლდენა (ეპისტაქსისი), ერექციის პრობლემები (ერექციული დისფუნქცია), დიარეა ანდა ღებინებასთან ერთდ კუჭ-ნაწლავის ინფექცია (გასტროენტერიტი), თავის ტკივილი, ჭარბი ოფლიანობა (ჰიპერჰიდროზი), გრიპი (ინფლუეზა), უძილობა (ინსომნია), კუნთების სპაზმი, კუნთების დაზიანება, ცხვირის გაჭედვა (ნაზალური შეშუპება), ცხვირის ლორწოვანის ანთება (ნაზო-ფარინგიტი), გულისრევა, კისრის ტკივილი, შეშუპება (ედემა),  ხელების, ფეხების და კოჭების შესივება (პერიფერიული შეშუპება), შუა ყურის ჩირქოვანი ანთება (შუა ოტიტი), კიდურების ტკივილი, გულის ფრიალი, ყელის ტკივილი (ფარინგო-ლარინგეალური ტკივილი), უჩვეულოდ ხშირი შარდვა  (პოლაკიურია), ცხელება (პირექსია), ლოყებში/შუბლში ზეწოლის შეგრძნება (სინუსიტი), წიაღების დახშობა, გაბრუება (სომნოლეციო), გულისცემის გახშირება (ტაქიკარდია), ზემო სასუნთქი გზების ინფექცია, საშარდე გზების ინფექცია, წონასწორობის დარღვევასთან დაკაშირებული თავბრუსხვევა (ვერტიგო), ვირუსული ინფექციები, მხედველობის დარღვევა.

ქვემოთ მოცემული სერიოზული გვერდითი ეფექტები კო-დიოვანის მიღების დროს არ ვლინდება, თუმცა შეიძლება გამოვლინდეს  ვალსარტანის ანდა ჰიდროქლორთიაზიდის შემცველი  სხვა წამლების მიღების დროს.

ვალსარტანი

ნაკლებად გავრცელებული:

• მუცლის ტკივილი
• წონასწორობის დარღვევასთან დაკავშირებული თავბრუსხვევის შეგრძნება(ვერტიგო)

უცნობი:

• სისხლში ჰემოგლობინის და სისხლის წითელი უჯრედების რაოდენობის შემცირება (მძიმე შემთხვევებში ანემიის გამომწვევი), უჩვეულო სისხლდენა ანდა სისხლჩაქცევა (თრომბოციტოპენია)
• გამონაყარი, ქავილთან ერთად ცხელება, სახსრების ტკივილი, ლიმფური კვანძების შეშუპება და/ანდა გრიპის მსგავსი სიმპტომები (შრატისმიერი დაავადების ჩათვლით სხვა ჰიპერმგრძნობელობები/ალერგიული რეაქციები)
• კუნთების სპაზმი, გულიცემის რითმის დარღვევა (სისხლის შრატში კალიუმის დონის მომატება)
• მოლურჯო-მოწითალო წერტილები, ცხელება, ქავილი (ვასკულიტი)
• ღვიძლის ფერმენტების მაჩვენებელის მომატება
• გამონაყარი, ქავილი, თავბრუსხვევა, სახის, ტუჩების, ენის ანდა ხახის შეშუპება, სუნთქვის და ყლაპვის გაძნელებასთან (ანგიოედემა) ერთად ალერგიული რეაქციები
• კანზე ბუშტუკები(ბულოზური დერმატიტის ნიშნები)
• გამონაყარი, ურტიკარია (ქავილი)
• შარდის გამოყოფის მკვეთრი შემცირება (თირკმლების უკმარისობა)
• სისხლში ნატრიუმის დონის ნორმაზე მეტად დაცემა (ჰიპონატრემია)

არტერიული ჰიპერტენზიის მქონე ავადმყოფებში მიზეზობრივი კავშირის გარეშე აღნიშნული წამლით კლინიკური კვლევები განხორციელდა, შედეგად ქვემოთ მოცემული მოვლენები გამოვლინდა: ართრალგია, ასთენია, ზურგის ტკივილი, დიარეა,თავბრუსხვევა, თავის ტკივილი, უძილობა, ლიბიდოს შემცირება, გულისრევა, შეშუპება, ფარინგიტი, რინიტი, სინუსიტი, ზემო სასუნთქი გზების ინფქციები, ვირუსული ინფექციები.

ჰიდროქლორთიაზიდი

ძალიან გავრცელებული:

• სისხლში ლიპიდების (ცხიმების) დონის მომატება (ჰიპერლიპიდემია)

გავრცელებული:

• სისხლში მაგნიუმის დონის შემცირება (ჰიპომაგნემია), სისხლში შარდმჟავას დონის მომატება (ჰიპერურიკემია)
• თავბრუსხვევა, ფეხზე დგომისას გონების დაკარგვა (ორთოსტატიური ჰიპოტენზია)
• მადის შემცირება, მსუბუქი გულისრევა, ღებინება
• გამონაყარი სხვადასხვა ტიპები ქავილით (ურტიკარია)
• ერექციის პრობლემები (იმპოტენცია)
• სისხლში ნატრიუმის დონის  ნორმაზე მეტად დაქვეითება (ჰიპონატრემია)

იშვიათი:

• კანზე მოლურჯო ლაქები (თრომბოციტოპენია, პურპურას სიმპტომი შეიძლება იყოს)
• გულისრევა, ღებინება, ყაბზობა, კუჭის ტკივილის მსგავსი კუჭ-ნაწლავის ფუნქციის დარღვევები, ხშირი შარდვა,  წყურვილი, კუნთების სისუსტე და ოფლიანობა (შეიძლება ჰიპერკალცემიის მიზეზი იყოს), სისხლსა და შარდში შაქრის დონის მომატება (ჰიპერგლიკემია, გლიკოზურია)
• თავის ტკივილი, თავბრუსხვევა, ძილის დარღვევა, დეპრესია, ჩხვლეტის შეგრძნება ანდა მგრძნიობელობის დაკარგვა (პარესთეზია)
• მხედველობის დარღვევა
• ძლიერი და მუდმივი ღებინება, დიარეა, გულისცემის რითმის დარღვევა (არითმიის ნიშნები შეიძლება იყოს)
• მუცელში დისკომფორტი, ყაბზობა ანდა დიარეა
• კანის მზის მიმართ მგრძნობელობის მომატება (ფოტოსენსიტიურობა)
• თვალების და კანის გაყვითლება (ქოლესტაზი ანდა სიყვითლე)

ძალიან იშვიათი:

• ცხელება, ყელის ტკივილი, ხშირი ინფექცია (შეიძლება აგრანულოციტოზის ნიშანი იყოს), ცხელება, ყელის ტკივილი  ანდა პირის ღრუში წყლულები (ლეიკოპენიის სიმპტომი შეიძლება იყოს), სისუსტე, სისხლჩაქცევები და ხშირი ინფექციები (პანციტოპენია, ძვლის ტვინის დეპრესიის ნიშნები შეიძლება იყოს), მკრთალი კანი, დაღლილობა, სუნთქვის გაძნელება, მუქი ფერის შარდი (ჰემოლიზური ანემიის ნიშანი შეიძლება იყოს)
• კანზე გამონაყარი და/ანდა სუნთქვის გაძნელება (ჰიპერმგრძნობელობის რეაქციის ნიშანი შეიძლება იყოს)
• კონფუზია, დაღლილობა, კუნთების კანკალი და სპაზმი, ხშირი სუნთქვა (ჰიპოქლორემიული ალკალოზის ნიშანი შეიძლება იყოს)
• მუცლის ძლიერი ტკივილი (პანკრეატიტის ნიშანი შეიძლება იყოს)
• გამონაყარი, მოლურჯო-წითელი ფერის ლაქები, ცხელება, ქავილი (ნეკროზული ვასკულიტის  ნიშანი შეიძლება იყოს), სახეზე გამონაყარი, სახსრების ტკივილი, კუნთების დაზიანება, ცხელება (სისტემური წითელი მგლურას ნიშანი შეიძლება იყოს)

უცნობი:

• თვალის შიგა წნევის მომატების გამო მხედველობის დაკარგვა ანდა თვალის ტკივილი (მწვავე დახურულ კუთხოვანი გლაუკომა)
• გამონაყარი, კანის სიწითლე, ტუჩების, თვალის ანდა პირის ღრუს, კანის აშრევება, აცლა, ცხელება (ტოქსიკური ეპიდერმალური ნეკროლიზი, მულტიფორმული ერითემის ნიშანი შეიძლება იყოს)
• კუნთების სპაზმი
• შარდის გამოყოფის მკვეთრი შემცირება (თირკმლის ფუნქციების დარღვევა, თირკმლის  უკმარისობის ნიშანი შეიძლება იყოს)
• ცხელება (პირექსია),სისუსტე (ასთენია)

ნებისმიერი გვერდითი ეფექტის  გამოვლინების შემთხვევაში, რომელიც არ არის ხსენებული  წამლის გამოყენების ინსტრუქციაში, მიმართეთ თქვენს ექიმს  ანდა ფარმაცევტს.

გვერდი ეფექტების შესახებ მოხსენება

ნებისმიერი გვერდითი ეფექტის  გამოვლინების შემთხვევაში, რომელიც არის ანდა არ არის ხსენებული  წამლის გამოყენების ინსტრუქციაში, მიმართეთ თქვენს ექიმს, ექთანს  ანდა ფარმაცევტს.  ასევე, გამოვლენილი გვერდითი ეფექტების შესახებ  აცნობეთ შემდეგ ელექტრონულ მისამართზე: www.titck.gov.tr   ,,წამლის გვერდითი ეფექტის შესახებ შეტყობინების’’ გრაფაში  დაკლიკებით ანდა დარეკეთ  ტელეფონის ნომერზე:0 800 314 00 08 თურქეთის ფარმაკოლოგიის სააგენტოს  ცენტრს(TUFAM). გამოვლენილი გვერდითი ეფექტების შეტყობინებით წვლილს შეიტანთ გამოყენებული მედიკამენტის შესახებ უფრო მეტი ინფორმაციის  მიღებასა და უსაფრთხოებაზე.

5. კო-დიოვანის  შენახვა

კო-დიოვანი  ბავშვებისგან  შორს, მიუწვდომელ ადგილას   შეფუთვაში შეინახეთ.

შეინახეთ <25⁰ C ოთახის ტემპერატურაზე, შეფუთვაში, ნესტისგან დაცულ ადგილას.

გამოიყენეთ გამოყენების ბოლო ვადის შესაბამისად.

ბლისტერზე ანდა შეფუთვაზე მითითებული გამოყენების ბოლო ვადის შემდეგ             კო-დიოვანი არ გამოიყენოთ.

თუ, პროდუქტზე  და /ანდა შეფუთვაზე დაზიანებას შეამჩნევთ, კო-დიოვანი არ გამოიყენოთ.

ვადა გასული  ანდა  გამოუყენებელი წამლები ნაგავში არ ჩააგდოთ, გარემოს დაცვისა და ურბანიზაციის სამინისტროს მიერ განსაზღვრულ შემკრებ სისტემას ჩააბარეთ.

ლიცენზიის მფლობელი:ს.ს. ნოვარტის საღლიქ გიდა ვე თარიმ ურუნლერი სან ვე თიჯ

ქავაქჯიქი/ბეიქოზი/სტამბული

წარმოების ადგილი: ს.ს. ნოვარტის საღლიქ გიდა ვე თარიმ ურუნლერი სან ვე თიჯ

ფენდიქი/სტამბული