ნეომისტინი 0.01%100მლ საწ.გამფ

 ნეომისტინი / Neomistin^®

სავაჭრო დასახელება: ნეომისტინი

საერთაშორისო არაპატენტირებული დასახელება:                                                                                               

ბენზილდიმეთილ[3-(მირისტოილამინო)პროპილ] ამონიუმის ქლორიდის მონოჰიდრატი

Benzyldimethyl [3-(myristoylamino) propyl ] ammonium chloride monohydrate

კლინიკურ-ფარმაკოლოგიური ჯგუფი: ანტისეპტიკური საშუალება

ათქ (ATC) კოდი: [D08AJ]

წამლის ფორმა: ხსნარი ადგილობრივი გამოყენებისათვის

აღწერილობა: უფერო, გამჭვირვალე სითხე, ქაფდება შენჯღრევისას

შემადგენლობა:

100 მლ შეიცავს:

აქტიური ნივთიერება: ბენზილდიმეთილ[3-(მირისტოილამინო)პროპილ] ამონიუმის ქლორიდის მონოჰიდრატი (უწყლო ნივთიერებაზე გადაანგარიშებით) – 0,01გ

დამხმარე ნივთიერება: გამოხდილი წყალი– 100 მილილიტრამდე.

ფარმაკოლოგიური თვისებები:

ფარმაკოდინამიკა:

ნეომისტინს ახასიათებს ანტიმიკრობული მოქმედების ფართო სპექტრი.

პრეპარატს გააჩნია მკვეთრად გამოხატული ბაქტერიოციდული მოქმედება და გამოიყენება როგორც გრამ-დადებითი (Staphylococcus spp., Streptococcus spp., Streptococcus  pneumonia და სხვა), ისე გრამ-უარყოფითი (Pseudomonas aeruginosa, Escherichia coli, Klebsiella spp. და  სხვა), აერობული და ანაერობული, სპოროგენული და არასპოროგენული ბაქტერიების წინააღმდეგ. ის ეფექტურია როგორც სუფთა კულტურების ისე მიკრობული  ასოციაციებისა და ანტიბიოტიკმულტი რეზისტენტული ჰოსპიტალური შტამების მიმართ.

პრეპარატი მეტად ეფექტურია გრამ-დადებითი მიკრობების მიმართ (სტაფილოკოკი, სტრეპტოკოკი და ა. შ.)  
ნეომისტინი გამოიყენება სქესობრივი გზით გადამდები დაავადებების: ტრიქომონიაზი, ქლამიდია, გენიტალური ჰერპესი, გონორეა, სიფილისი, გენიტალური კანდიდოზი (Chlamydia spp., Treponema spp., Trichomonas vaginalis, Neisseria gonorrhoeae და სხვა), მკურნალობასა და პრევენციაში.

ზოგადად ახასიათებს ფუნგიციდური (სოკოს საწინააღმდეგო) მოქმედება კერძოდ ზემოქმედებს: ასკომიცეტებზე Aspergillus და Penicillium, საფუარის (Rhodotorula rubra, Torulopsis glabrata და ა.შ.) და საფუარისებურ სოკოებზე (Candida albicans, Candida tropicalis, Candida krusei, Pitiosporum orbiculare (Malassezia furfur) და ა.შ.), დერმაფიტებზე (Trichophyton rubrum, Trichophyton mentagrophytes, Trichophyton verrucosum, Trichophyton schoenleini, Trichophyton violacent, Epidermophyton Kaufman-Wolf, Epidermophyton floccosum, Microsporum gypseum, Microsporum canis და ა.შ.), ასევე სხვა პათოგენურ სოკოებზე, როგორც სუფთა კულტურების, ასევე მიკრობული ასოციაციების, მათ შორის, ქიმიოთერაპიისადმი მდგრადი სოკოვანი კულტურების მიმართ.
ახასიათებს ანტივირუსული თვისებები, აქტიურია რთულ ვირუსებთან მიმართებაში (გრიპი, ჰერპესი, წითელა, პაროტიტი, ადენოვირუსები და სხვა).

ეფექტურად იცავს ჭრილობებს და დამწვრობებს   ინფიცირებისაგან. ააქტიურებს რეგენერაციის პროცესს. ასტიმულირებს დაცვით რეაქციებს გამოყენების ადგილზე, ფაგოციტების შთანმთქმელი და გადამამუშავებელი ფუნქციის აქტივაციის წყალობით, ხელს უწყობს მონოციტური-მაკროფაგული სისტემის აქტიურობას. აქვს გამოხატული ჰიპეროსმოლარული აქტივობა, რის შედეგადაც ახდენს ჭრილობის პერიფოკალური ანთების კუპირებას, შთანთქავს ჩირქოვან ექსუდატს, ხელს უწყობს მშრალი ფუფხის ფორმირებას. არ აზიანებს კანის სიცოცხლისუნარიან უჯრედებს და გრანულაციას, არ თრგუნავს ეპითელიზაციას.

ფარმაკოკინეტიკა:

ნეომისტინს ადგილობრივი გამოყენებისას არ აქვს კანსა და ლორწოვან გარსში შეწოვის თვისება.

ჩვენებები:

ქირურგია, ტრავმატოლოგია: დაჩირქებების და ჩირქოვანი ჭრილობების პროფილაქტიკა. საყრდენ-მამოძრავებელი  აპარატის ჩირქოვან-ანთებითი პროცესების მკურნალობა.
მეანობა-გინეკოლოგია: მშობიარობის შემდგომი ტრავმების, შორისისა და საშოს დაჩირქებების, მშობიარობის შემდგომი  ინფექციების, ანთებითი დაავადებების პროფილაქტიკა და მკურნალობა (ვულვოვაგინიტი, ენდომეტრიტი).
კომბუსტოლოგია:  II და III ხარისხის ზედაპირული და ღრმა დამწვრობის დროს, დამწვრობის ჭრილობების დერმატოპლასტიკისთვის მომზადება.

დერმატოლოგია, ვენეროლოგია: პიოდერმიის და დერმატომიკოზის, კანისა და ლორწოვანის კანდიდომიკოზის, ტერფის მიკოზის პროფილაქტიკა და მკურნალობა.
სქესობრივი გზით გადამდები დაავადებების ინდივიდუალური პროფილაქტიკა (სიფილისი, გონორეა, ქლამიდიოზი, ტრიქომონიაზი, გენიტალიური ჰერპესი, გენიტალიური კანდიდოზი და სხვა).

უროლოგია: სპეციფიური (გონორეა, ტრიქომინოზი, ქლამიდიოზი) და არასპეციფიური ბუნების მწვავე და ქრონიკული ურეთრიტების კომპლექსური მკურნალობა.
სტომატოლოგია: პირის ღრუს ინფექციურ-ანთებითი დაავადებების მკურნალობა და პროფილაქტიკა: სტომატიტების, გინგივიტების, პარადონტიტების, პერიოდონტიტების. მოსახსნელი პროთეზების ჰიგიენური დამუშავება.
ოტორინოლარინგოლოგია: მწვავე და ქრონიკული ოტიტების, ჰაიმორიტების, ტონზილიტების, ლარინგიტების, ფარინგიტების კომპლექსური მკურნალობა.
ბავშვებში: 3 წლიდან 14 წლამდე ასაკში გამოიყენება მწვავე ფარინგიტის და/ან ქრონიკული ტონზილიტის გამწვავების კომპლექსური მკურნალობისას.

გამოყენების წესები და დოზირება:

პრეპარატი  მზადაა  გამოყენებისთვის.

100 მლ. ფლაკონი ღილაკიანი გასაფრქვევით (Microsprayer) და უროლოგიური საცმით. მოსახერხებელი და კომპაქტური, როგორც შინაური აფთიაქისთვის, ასევე სამოგზაუროდ. 

ქირურგია, ტრავმატოლოგია, კომბუსტოლოგია: პროფილაქტიკური და სამკურნალო მიზნით პრეპარატს ასხურებენ ჭრილობის ან დამწვრობის ზედაპირს. ჭრილობებს და ფისტულებს ადებენ პრეპარატში დასველებულ მარლის ტამპონებს და აფიქსირებენ. პროცედურა ტარდება დღე-ღამეში 2-3-ჯერ  3-5 დღის განმავლობაში. მაღალეფექტურია ჭრილობების და ღრმულების აქტიური დრენირების მეთოდი დღე ღამეში 1 ლიტრამდე პრეპარატის გამოყენებით.

მეანობა, გინეკოლოგია:
მშობიარობის შემდგომი ინფექციების პროფილაქტიკის მიზნით გამოიყენება მშობიარობამდე საშოს სავლების სახით (5-7 დღე), მშობიარობისას საშოს ყოველი გამოკვლევის შემდეგ და მშობიარობის შემდგომ პერიოდში 50 მლ. პრეპარატით გაჟღენთილი ტამპონების სახით, 2 სთ ექსპოზიციით 5 დღის განმავლობაში.

საკეისრო კვეთის  შემთხვევაში საშო მუშავდება უშუალოდ ოპერაციის წინ, ხოლო ოპერაციის დროს საშვილოსნოს ღრუ და ჭრილობა, ხოლო შემდგომ პერიოდში გამოიყენება 50 მლ პრეპარატით გაჟღენთილი საშოს სამკურნალო ტამპონების სახით, 2 სთ  ექსპოზიციით 7 დღის განმავლობაში. ანთებითი დაავადებების მკურნალობა ტარდება 2 კვირიანი კურსით პრეპარატით გაჟღენთილი საშოს ტამპონების, ასევე პრეპარატის სამკურნალო ელექტროფორეზის სახით.

ვენეროლოგია:
ვენერიული დაავადებების პროფილაქტიკის მიზნით პრეპარატი ეფექტურია თუ ის გამოიყენება სქესობრივი აქტიდან არა უგვიანეს 2 საათზე მეტის. ფლაკონის შიგთავსი ურეთრალური აპლიკატორის მეშვეობით შეიყვანება შარდსადენ მილში 2-3 წუთით: მამაკაცებში (2-3 მლ), ქალებში (1-2 მლ) და საშოში (5-10მლ). დამუშავდეს ბოქვენის, სასქესო ორგანოების, ბარძაყების შიდა მხარეს კანი. პროცედურების შემდეგ რეკომენდებულია შარდვისგან თავის შეკავება 2 საათის მანძილზე.

უროლოგია:
ურეთრიტების და ურეთროპროსტატიტების კომპლექსური მკურნალობისას ატარებენ ურეთრაში  2-3 მლ პრეპარატის შესხურების გზით, დღეში 1-2- ჯერ, მკურნალობის კურსი 10 დღე.

ოტორინოლარინგოლოგია:
ჩირქოვანი ჰაიმორიტისას  პუნქციის დროს ჰაიმორის წიაღი  გამოირეცხება პრეპარატის საკმარისი რაოდენობით.
ტონზილიტები, ფარინგიტები და ლარინგიტები იკურნება ყელში მრავალჯერადი გამოვლებით ან საცმი-საფრქვეველით შესხურებით, 3-4-ჯერადი დაჭერით, 3-4-ჯერ დღეში. პრეპატარის რაოდენობა ერთ გამოვლებაზე 10-15მლ.

ბავშვებში მწვავე ფარინგიტის ან/და გამწვავებული ქრონიკული ტონზილიტის დროს ხორციელდება ყელში შესხურება საცმი-საფრქვეველის დახმარებით. ბავშვები 3-6 წლის ასაკში: საცმი-საფრქვეველის თავზე ერთჯერადი დაჭერით (3-5 მლ  ერთ შესხურებაზე), 3-4-ჯერ დღეში; ბავშვები 7-14  წლის ასაკში: საცმი-საფრქვეველის თავზე ორჯერადი დაჭერით (10-15 მლ  ერთ შესხურებაზე), 3-4-ჯერ დღეში. თერაპიის ხანგრძლივობა შეადგენს 4-დან 10 დღეს რემისიის დადგომამდე. სტომატოლოგია: სტომატიტების, გინგივიტების, პაროდონტიტების დროს რეკომენდებულია პირის ღრუს გამოვლება 10-15მლ   პრეპარატით, 3-4-ჯერ დღეში.

უკუჩვენებები:  

ინდივიდუალური ჰიპერმგრძნობელობა პრეპარატის მიმართ.

გვერდითი მოვლენები:
ცალკეულ შემთხვევებში დატანის ადგილას შეიძლება გამოიწვიოს მსუბუქი წვის შეგრძნება, რომელიც თავისთავად გაივლის 15-20 წამში და არ მოითხოვს პრეპარატის გამოყენების შეწყვეტას.   ალერგიული რეაქციები.

სხვა სამკურნალო საშუალებებთან ურთიერთქმედება:
ანტიბიოტიკებთან ერთდროული გამოყენებისას აღინიშნება მათი ბაქტერიების საწინააღმდეგო და სოკოს საწინააღმდეგო ზემოქმედების გაძლიერება.

გამოშვების ფორმა:
ხსნარი ადგილობრივი გამოყენებისთვის 0,01%.
პოლიეთილენის ფლაკონი  100 მლ 

სახრახნიანი, ღილაკიანი გასაფრქვევით (Microsprayer)

ყოველი  100 მლ, ფლაკონი უროლოგიურ საცმთან კომპლექტში და გამოყენების ინსტრუქციასთან ერთად მოთავსებულია მუყაოს კოლოფში.
შენახვის პირობები:  ინახება არაუმეტეს 25°C ტემპერატურაზე. ინახება ბავშვებისათვის მიუწვდომელ ადგილას.

ვარგისიანობის ვადა:
3 წელი.  ვარგისიანობის ვადის ამოწურვის შემდეგ  არ გამოიყენება.

მწარმოებელი: შპს „ბიოტეკსი“  შპს „ჰეშტერრა ფტ“ - ს დაკვეთით

გაცემის რეჟიმი: III ჯგუფი (ურეცეპტოდ)