არტიგო 20+40მგ #60ტ

არტიგო

შემადგენლობა

აქტიური ნივთიერებები: ცინარიზინი 20 მგ და დიმენჰიდრინატი 40 მგ.

სხვა ინგრედიენტები: მიკროკრისტალური ცელულოზა, ნატრიუმის კროსკარმელოზა, სილიციუმი კოლოიდური უწყლო, მაგნიუმის სტეარატი, ტალკი, პოლივინილის სპირტი, ტიტანის დიოქსიდი (E171), მაკროგოლი 4000.

გამოყენება

არტიგო შეიცავს ორ აქტიურ ინგრედიენტს – ცინარიზინს და დიმენჰიდრინატს. ეს ნივთიერებები  სხვადასხვა  მედიკამენტების ჯგუფს მიეკუთვნება. ცინარიზინი  კალციუმის ანტაგონისტია, დიმენჰიდრინატი - ანტიჰისტამინური საშუალება.

ორივე ნივთიერება აქვეითებს თავბრუსხვევის (თავბრუსხვევის ან „ტრიალის“ შეგრძნებას) და გულისრევის სიმპტომებს. ორივე ნივთიერების ერთდროულად გამოყენება უფრო ეფექტურია, ვიდრე მათი ცალ-ცალკე გამოყენება.

არტიგო გამოიყენება მოზრდილებში სხვადასხვა წარმოშობის თავბრუსხვევის სიმპტომების სამკურნალოდ. თავბრუსხვევას შეიძლება ჰქონდეს რამდენიმე განსხვავებული მიზეზი. არტიგოს მიღება დაგეხმარებათ თავბრუსხვევით გამოწვეული სირთულეებისას ყოველდღიური საქმიანობის შესრულებაში.

უკუჩვენებები

არ მიიღოთ არტიგო თუ

-         ხართ ალერგიული ცინარიზინის, დიმენჰიდრინატის ან დიფენჰიდრამინის ან ამ პრეპარატის რომელიმე სხვა ინგრედიენტის მიმართ (ჩამოთვლილი შემადგენლობაში);

-         ხართ 18 წლამდე ასაკის;

-         გაქვთ ალერგია ნებისმიერ სხვა ანტიჰისტამინურ საშუალებაზე (როგორიცაა ასტემიზოლი, ქლორფენირამინი და ტერფენადინი, რომლებიც გამოიყენება როგორც ანტიალერგიული საშუალებები). არ მიიღოთ ეს პრეპარატი ექიმის რჩევის გარეშე;

-         გაქვთ დახურულკუთხოვანი გლაუკომა (თვალის დაავადების სპეციფიკური ტიპი);

-         გაქვთ ეპილეფსია,;

-         გაქვთ თავის ტვინში წნევის მომატება (მაგ. სიმსივნის გამო);

-         ბოროტად მოიხმართ ალკოჰოლს;

-         გაქვთ პროსტატის პრობლემები, რაც იწვევს შარდის შეკავებას;

-         გაქვთ ღვიძლის ან თირკმელების ფუნქციის დარღვევა.

გაფრთხილებები და სიფრთხილის ზომები

არტიგოს მიღებამდე გაესაუბრეთ თქვენს ექიმს ან ფარმაცევტს, თუ გაქვთ:

- დაბალი ან მაღალი წნევა,

- თვალის მომატებული წნევა,

- ნაწლავის გაუვალობა,

- გადიდებული წინამდებარე ჯირკვალი,

- ჰიპერაქტიური ფარისებრი ჯირკვალი,

- გულის მძიმე დაავადება,

- პარკინსონის დაავადება.

არტიგოს მიღებამ შეიძლება გააუარესოს აღნიშნული მდგომარეობები. არტიგო შეიძლება მაინც იყოს თქვენთვის შესაფერისი, მაგრამ თქვენს ექიმს შეიძლება დასჭირდეს ამ ფაქტორების გათვალისწინება.

სხვა მედიკამენტები და არტიგო

აცნობეთ თქვენს ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა მედიკამენტები.

არტიგომ შეიძლება გამოიწვიოს ურთიერთქმედება სხვა მედიკამენტებთან, რომლებსაც იღებთ.

არტიგომ შეიძლება გამოიწვიოს დაღლილობა ან ძილიანობა ქვემოთ ჩამოთვლილ მედიკამენტებთან ერთად მიღებისას:

-         ბარბიტურატები (პრეპარატები, რომლებიც ხშირად მიიღება დასამშვიდებლად);

-         ოპიოიდები (ძლიერი ტკივილგამაყუჩებელი საშუალებები, როგორიცაა მორფინი);

-         სედაციური საშუალებები (დეპრესიისა და შფოთვის სამკურნალოდ გამოყენებული პრეარატი);

არტიგომ შეიძლება გააძლიეროს შემდეგი მედიკამენტების ეფექტი:

-         ტრიციკლური ანტიდეპრესანტები (გამოიყენება დეპრესიისა და შფოთვის სამკურნალოდ),

-         ატროპინი (კუნთების მოსადუნებელი საშუალება, ხშირად გამოიყენება ოფთალმოლოგიური გამოკვლევების დროს),

-         ეფედრინი (შეიძლება გამოყენებულ იქნას ზოგიერთი კიბოს სამკურნალოდ),

-         პრეპარატები, რომლებიც მიიღება არტერიული წნევის შესამცირებლად.

ამინოგლიკოზიდებმა (ანტიბიოტიკების ჯგუფი) შეიძლება დააზიანოს შიდა ყური. არტიგოს გამოყენებისას, ასეთი დაზიანება შეიძლება შეუმჩნეველი იყოს.

არტიგო არ უნდა მიიღოთ მედიკამენტებთან ერთად, რომლებიც გამოიყენება არარეგულარული გულის რითმის სამკურნალოდ (ანტიარითმული პრეპარატები).

არტიგომ ასევე შეიძლება შეცვალოს კანის რეაქციები ალერგენებზე კანის ტესტების დროს.

არტიგო საკვებთან და სასმელთან ერთად

არტიგომ შეიძლება გამოიწვიოს საჭმლის მონელების დარღვევა, რაც შეიძლება შემცირდეს ტაბლეტების ჭამის შემდეგ მიღებით. არ დალიოთ ალკოჰოლი არტიგოს მიღებისას, რადგან ამან შეიძლება გამოიწვიოს დაღლილობა და ძილიანობა.

ორსულობა, ძუძუთი კვება და ნაყოფიერება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

არ უნდა გამოიყენოთ არტიგო ორსულობის ან ძუძუთი კვების დროს, ან თუ გაქვთ ეჭვი, რომ ორსულად ხართ.

ავტომობილის და მექანიზმების მართვა

არტიგომ შეიძლება გამოიწვიოს ძილიანობა. ასეთ შემთხვევაში, არ მართოთ ავტომობილი და მექანიზმები.

ეს პრეპარატი შეიცავს 1 მმოლზე ნაკლებ (23 მგ) ნატრიუმს რეკომენდებული დოზის ერთეულზე, რაც შეადგენს 3 ტაბლეტს დღეში. ეს ნიშნავს, რომ ეს პრეპარატი პრაქტიკულად „არ შეიცავს ნატრიუმს“.

მიღების წესი

ეს პრეპარატი ყოველთვის მიიღეთ ზუსტად ისე, როგორც ექიმმა გითხრათ. თუ არ ხართ დარწმუნებული, მიმართეთ ექიმს ან ფარმაცევტს.

რეკომენდებული დოზა

რეკომენდებული დოზაა 1 ტაბლეტი 3-ჯერ დღეში, მცირე რაოდენობის სითხის მიყოლებით, ჭამის შემდეგ. ტაბლეტი უნდა გადაიყლაპოს მთლიანად დაღეჭვის გარეშე.

ჩვეულებრივ, არტიგო გამოიყენება 4 კვირის განმავლობაში. არტიგოს უფრო ხანგრძლივი მიღების საჭიროებას განსაზღვრავს ექიმი.

ჭარბი დოზირება

თუ შემთხვევით მიიღეთ მეტი ტაბლეტი ან თუ ბავშვი გადაყლაპავს ტაბლეტებს, დაუყოვნებლივ მიმართეთ ექიმს.

არტიგოს ძალიან ბევრი ტაბლეტის მიღებისას შეიძლება განვითარდეს ძლიერი დაღლილობა, თავბრუსხვევა და კრუნჩხვები. შეიძლება აღინიშნოს გუგების გაფართოება და შარდვის გაძნელება. შეიძლება განვითარდეს პირის სიმშრალე, სახის სიწითლე, გახშირებული გულისცემა, ცხელება, ოფლიანობა და თავის ტკივილი.

თუ მიიღებთ დიდი რაოდენობით არტიგოს, შეიძლება განვითარდეს: ეპილეფსიური კრუნჩხვები, ჰალუცინაციები, მაღალი არტერიული წნევა, ტრემორის შეგრძნება, აგზნება და სუნთქვის გაძნელება. შეიძლება აღინიშნოს კომა.

დოზის გამოტოვება

თუ დაგავიწყდათ არტიგოს ტაბლეტის მიღება, გამოტოვეთ ეს დოზა. არტიგოს შემდეგი ტაბლეტი უნდა მიიღოთ ჩვეულებრივ დროს. არ მიიღოთ ორმაგი დოზა გამოტოვებული დოზის ასანაზღაურებლად.

მკურნალობის შეწყვეტა

არ შეწყვიტოთ არტიგოს მიღება ექიმის რეკომენდაციის გარეშე. ნაადრევი შეწყვეტის შემთხვევაში თავბრუსხვევის სიმპტომები (თავბრუსხვევა და „ტრიალი“) შეიძლება კვლავ დაბრუნდეს.

თუ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

გვერდითი ეფექტები

ყველა მედიკამენტის მსგავსად, ამ პრეპარატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება.

ხშირი გვერდითი ეფექტები (ვითარდება 10-დან 1-მდე პაციენტში): ლეთარგია, პირის სიმშრალე, თავის ტკივილი და კუჭის ტკივილი. ეს რეაქციები, როგორც წესი, მსუბუქია და ქრება რამდენიმე დღეში, არტიგოს მიღების გაგრძელების შემთხვევაშიც.

იშვიათი გვერდითი ეფექტები (ვითარდება 100-დან 1-მდე პაციენტში): ოფლიანობა, წამოხურება, საჭმლის მონელების დარღვევა, გულისრევა, დიარეა, ნერვიულობა, კრუნჩხვები, ყურადღების გაფანტვა, ტინიტუსი (ხმაური ყურში), პარესთეზია (ხელების ან ფეხების არეში ჩხვლეტა), კრუნჩხვები (კანკალი).

იშვიათი გვერდითი ეფექტები (ვითარდება 1000-დან 1-მდე პაციენტში): მხედველობის დარღვევა, ალერგიული რეაქციები (მაგ. კანის რეაქციები), სინათლის მიმართ მგრძნობელობა და შარდვის გაძნელება.

ძალიან იშვიათი გვერდითი ეფექტები (ვითარდება 10,000-დან 1-ზე ნაკლებ პაციენტში): სისხლის თეთრი უჯრედების და თრომბოციტების რაოდენობის შესაძლო დაქვეითება. სისხლის წითელი უჯრედები შეიძლება მკვეთრად შემცირდეს, რაც იწვევს სისუსტეს, სისხლჩაქცევებს ან ინფექციების განვითარების ალბათობის ზრდას. ცხელებით ინფიცირებისა და ზოგადი ჯანმრთელობის სერიოზული გაუარესების შემთხვევაში, გთხოვთ, მიმართოთ ექიმს და აცნობოთ პრეპარატის შესახებ, რომელსაც იღებთ.

სხვა შესაძლო რეაქციები (სიხშირის შეფასება შეუძლებელია არსებული მონაცემებით), რომლებიც შეიძლება განვითარდეს ამ ტიპის მედიკამენტების გამოყენებისას: წონის მომატება, ყაბზობა, მოჭერა გულმკერდის არეში, სიყვითლე (კანის ან თვალების სკლერის სიყვითლე, გამოწვეული ღვიძლის ან სისხლის პრობლემებით), დახურულკუთხოვანი  გლაუკომის გაუარესება (თვალის დაავადება თვალშიდა წნევის მომატებით), უკონტროლო მოძრაობები, პარადოქსული აგზნებადობა ან შფოთვა (განსაკუთრებით ბავშვებში), კანის მძიმე რეაქციები.

გვერდითი ეფექტების შეტყობინება

თუ განვითარდა რაიმე გვერდითი მოვლენა, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, რომელიც ზემოთ არ არის ჩამოთვლილი.  გვერდითი ეფექტების შესახებ ასევე შეგიძლიათ შეატყობინოთ პირდაპირ სამკურნალო პროდუქტების, სამედიცინო ხელსაწყოებისა და ბიოციდური პროდუქტების რეგისტრაციის ოფისის სამკურნალო პროდუქტებზე გვერდითი რეაქციების მონიტორინგის დეპარტამენტს

Al. Jerozolimskie 181C

02-222 ვარშავა

ტელეფონი: + 48 22 49 21 301

ფაქსი: + 48 22 49 21 309

ელ-ფოსტა: [email protected]

გვერდითი ეფექტების შესახებ ინფორმაცია შეიძლება ასევე მიეწოდოს სავაჭრო ნებართვის მფლობელს.

გვერდითი ეფექტების შეტყობინებით თქვენ შეგიძლიათ ხელი შეუწყოთ ამ მედიკამენტის უსაფრთხოების შესახებ მეტი ინფორმაციის მოწოდებას.

შენახვის წესი

პრეპარატი არ საჭიროებს შენახვის განსაკუთრებულ პირობებს.

შეინახეთ  ბავშვებისთვის მიუწვდომელ ადგილას.

არ გამოიყენოთ ეს პრეპარატი კოლოფზე მითითებული ვარგისობის ვადის გასვლის შემდეგ.

ვარგისობის ვადა ეხება მითითებული თვის ბოლო დღეს.

არ გადაყაროთ პრეპარატები კანალიზაციაში ან საყოფაცხოვრებო ნაგავში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

არტიგოს გარეგნული აღწერა და შეფუთვის შიგთავსი

თეთრი, მრგვალი ორმხრივამოზნექილი, აპკიანი გარსით დაფარული ტაბლეტები დიამეტრით 7,9-დან 8,3 მმ-მდე.

ტაბლეტები შეფუთულია პვქ/პვდქ/ალ ბლისტერებში, მოთავსებულია მუყაოს კოლოფში.

შეფუთვა 10, 20, 30, 50, 60 ან 100 აპკიანი გარსით დაფარული ტაბლეტი.

შეიძლება ყველა ზომის შეფუთვა არ იყოს გაყიდვაში.

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით.

სავაჭრო ნებართვის მფლობელი და მწარმოებელი

Biofarm Sp. z o.o.

ვალბრჟისკას ქ., 13

60-198 პოზნანი,

ტელ.: + 48 61 51 500.