ცერეტონი NEW 400მგ #14კაფს

ცერეტონი®-NEW

სავაჭრო დასახელება: ცერეტონი®- NEW.

საერთაშორისო არაპატენტირებული დასახელება:ქოლინის  ალფოსცერატი.

წამლის ფორმა:კაფსულები

შემადგენლობა

1 კაფსულა შეიცავს:

აქტიური ნივთიერება: ქოლინის ალფოსცერატი  100% ნივთიერებაზე გადაანგარიშებით- 400 მგ;

დამხმარე ნივთიერებები: გლიცეროლი - 50 მგ, გასუფთავებული წყალი  - შემცველობის მასის მიღებამდე 590 მგ;

კაფსულის შემადგენლობა: ჟელატინი, სორბიტოლი, გლიცეროლი, მეთილპარაჰიდროქსიბენზოატი, პროპილპარაგიდროქსიბენზოატი, ტიტანის დიოქსიდი (E171), რკინის საღებავი ოქსიდი ყვითელი (E172), გასუფთავებული წყალი.

აღწერა

ოვალური ფორმისჟელატინისკაფსულები, ყვითელი ფერის  ან ყვითელი ღია-ყავისფერი ელფერით. კაფსულების შემცველობა - ზეთოვანი, გამჭვირვალე, უფერული ან ოდნავ შეფერილი სითხე.

ფარმაკოთერაპიული ჯგუფი:ნოოტროპული საშუალება.

ათქ კოდი:N07AX02

ფარმაკოლოგიური თვისებები

ფარმაკოდინამიკა

ნოოტროპული საშუალებაა, წარმოადგენს ცენტრალურ ქოლინოსტიმულატორს, რომლის შემადგენლობაში შედის 40,5% მეტაბოლურად დაცული ქოლინი. მეტაბოლური დაცვა ხელს უწყობს ქოლინის გამოყოფას თავის ტვინში. უზრუნველყოფს აცეტილქოლინისა და ფოსფატიდილქოლინის მოქმედებას ნეირონულ მემბრანებში, აუმჯობესებს სისხლის ნაკადს და აძლიერებს მეტაბოლურ პროცესებს ცენტრალურ ნერვულ სისტემაში, ააქტიურებს რეტიკულურ ფორმაციას. ზრდის სისხლის ნაკადის წრფივ სიჩქარეს ტვინის ტრავმული დაზიანების მხარეს, ხელს უწყობს ტვინის სპონტანური ბიოელექტრული აქტივობის სივრცულ-დროითი მახასიათებლების ნორმალიზაციას, კეროვანი ნევროლოგიური სიმპტომების რეგრესს და გონების აღდგენას;  დადებით გავლენას ახდენს თავის ტვინის სისხლძარღვოვანი დაავადებების მქონე პაციენტის შემეცნებით და ქცევით რეაქციებზე (დისცირკულაციური ენცეფალოპათიით და ტვინის სისხლის მიმოქცევის დარღვევის ნარჩენი მოვლენებით).  პროფილაქტიკურ და მაკორექტირებელ მოქმედებას ახდენს ინვოლუციური ფსიქო-ორგანული სინდრომის პათოგენეზურ ფაქტორებზე, ცვლის ნეირონული მემბრანის ფოსფოლიპიდურ შემადგენლობას: მონაწილეობს ფოსფატიდილქოლინის სინთეზში (მემბრანული ფოსფალიპიდის), აუმჯობესებს ნეირონული მემბრანის პლასტიურობას. ფიზიოლოგიურ პირობებში ასტიმულირებს აცეტილქოლინის დოზადამოკიდებულ გამოყოფას, აუმჯობესებს სინაფსურ გადაცემას, რეცეპტორების ფუნქციას. გავლენას არ ახდენს რეპროდუქციულ ციკლზე და არ გააჩნია ტერატოგენური, მუტაგენური მოქმედება.

ფარმაკოკინეტიკა

აბსორბციის მაჩვენებელი - 88 %-ია, ადვილად გადის ჰემატოენცეფალურ ბარიერს (პერორალური მიღებისას ტვინში კონცენტრაცია  სისხლის პლაზმაში მიღწეულის 45 %-ია). პრეპარატის 85% ექსკრეტირდება ნახშირბადის დიოქსიდის სახით, დანარჩენი რაოდენობა (15 %) გამოიყოფა თირკმლებისაა და ნაწლავების გზით.

ჩვენებები

- ქალა-ტვინის მძიმე ტრავმისა და იშემიური ინსულტის აღდგენითი პერიოდი, ჰემორაგიული ინსულტის აღდგენითი პერიოდი, რომლებიც მიმდინარეობს კეროვანი ნახევარსფერული სიმპტომატიკით ან თავის ტვინის ღეროს დაზიანების სიმპტომებით;

- ფსიქო-ორგანული სიმპტომი თავის ტვინის დეგენერაციული და ინვოლუციური ცვლილებების ფონზე;

-კოგნიტიური აშლილობები (აზროვნების ფუნქციის, მეხსიერების დარღვევები, გონების არევა, დეზორიენტაცია, მოტივაციის, ინიციატივის და ყურადღების კონცენტრაციის უნარის დაქვეითება), მათ შორის, დემენციისას და ენცეფალოპათიისას;

- ხანდაზმულობის ფსევდომელანქოლია.

გამოყენების წესი და დოზირების რეჟიმი

ქალა-ტვინის ტრავმის, იშემიური ან ჰემორაგიული ინსულტის აღდგენით პერიოდში ცერეტონი®-NEW ინიშნება 800მგ დილას და 400მგ დღისით 6 თვის განმავლობაში.

ქრონიკული ცერებროვასკულური უკმარისობისას და დემენციის სინდრომებისას ცერეტონი®-NEW ინიშნება 400მგ (1 კაფსულა) 3-ჯერ დღე-ღამეში, უპირატესად ჭამის შემდეგ, 3-6 თვის განმავლობაში.

გვერდითი მოქმედება

შესაძლებელია გულისრევა (როგორც დოფამინერგული აქტივაციის შედეგი). არ საჭიროებს შეწყვეტას, საკმარისია პრეპარატის დოზის დროებითი შემცირება.

ალერგიული რეაქციები.

უკუჩვენებები

- მომატებული მგრძნობელობა პრეპარატის მიმართ;

- ჰემორაგიული ინსულტის მწვავე სტადია;

- ბავშვთა და მოზარდთა ასაკი 18 წლამდე (მონაცემთა არარსებობასთან დაკავშირებით);

- ორსულობა და ლაქტაციის პერიოდი.

დოზის გადაჭარბება

სიმპტომები: შეიძლება აღინიშნოს გულისრევა.

მკურნალობა: სიმპტომური თერაპია.

განსაკუთრებული მითითებები

ცერეტონი®-NEW გავლენას არ ახდენს  ფსიქომოტორული რეაქციების სიჩქარეზე.

ურთიერთქმედება სხვა სამკურნალო საშუალებებთან

სხვა პრეპარატებთან მნიშვნელოვანი სახის ურთიერთქმედება გამოვლენილი არ არის.

შენახვის პირობები

ინახება მშრალ, სინათლისგან დაცულ ადგილას არაუმეტეს 25⁰C ტემპერატურაზე.

შეინახეთ ბავშვებისათვის მიუწვდომელ ადგილას.

ვარგისობის ვადა

3 წელი.

არ გამოიყენოთ შეფუთვაზე მითითებული ვარგისობის ვადის გასვლის შემდეგ.

გაცემის პირობები

ფარმაცევტული პროდუქტის ჯგუფი II, გაიცემა ფორმა N3 რეცეპტით.                                            

გამოშვების ფორმა

კაფსულები 400მგ.

14 კაფსულა ალუმინის ფოლგის ან პოლივინილქლორიდის აპკის კონტურულ უჯრედოვან შეფუთვაში.

მუყაოს კოლოფში მოთავსებულია 1 კონტურული უჯრედოვანი შეფუთვა გამოყენების ინსტრუქციასთან ერთად.

მწარმოებელი

დსს სწს „ევროპა-ბიოფარმი“                   

400078, რუსეთი, ქ. ვოლგოგრადი, მე-2 გორნაიას ქ., 4

ან

შპს „ალტრაიფი“

634034, რუსეთი, ქ. ტომსკი, ნახიმოვის ქ., ს.8/2

რეგისტრაციის მოწმობის მფლობელი: დსს „ფარმფირმა „სოტექს“, რუსეთი

პროდუქციის ხარისხის თაობაზე მომხმარებლისგან საქართველოს ტერიტორიაზე პრეტენზიების მიმღები ორგანიზაციის მისამართი

შპს „New Pharma New Pharma“

საქართველო, ქ. თბილისი, გლდანი, მე-8 მიკრორაიონი, სახლი 12 ბინა 15

ტელ/ფაქსი: +995 (32) 272 64 65