ვიზუსოლი 5მგ/მლ 5მლ თვ/წვ

ვიზუსოლი

სამკურნალო საშუალების დასახელება  

ვიზუსოლი 5 მგ/მლ, თვალის წვეთები.

ხარისხობრივი და რაოდენობრივი შემადგენლობა

ზოგადი აღწერილობა

მოქმედი ნივთიერება - ლოტეპრედნოლის ეტაბონატი.

ხარისხობრივი და რაოდენობრივი შემადგენლობა

პრეპარატის თითოეული მლ შეიცავს 5 მგ ლოტეპრედნოლის ეტაბონატს.

დამხმარე ნივთიერებები:

ბენზალკონიუმის ქლორიდი - 0,1 მგ/მლ,

გლიცერინი 85%,

პოვიდონი K-30,

ტილოქსაპოლი,

დინატრიუმის ედეტატი,

ქლორწყალბადმჟავა და/ან ნატრიუმის ჰიდროქსიდი (pH-ის კორექტირებისთვის),

საინექციო წყალი.

წამლის ფორმა

თვალის წვეთები.

თეთრი ან თითქმის თეთრი ფერის სუსპენზია.

კლინიკური მონაცემები

გამოყენების ჩვენებები

პოსტოპერაციული ანთების მკურნალობა თვალზე ოპერაციული ჩარევების შემდეგ.

დოზირების რეჟიმი და გამოყენების წესი

დოზირების რეჟიმი:

მოზრდილები, ხანდაზმული პაციენტების ჩათვლით

ნაოპერაციებ თვალ(ებ)ში ჩაიწვეთება 1-2 წვეთი პრეპარატი დღეში 4-ჯერ. მკურნალობა უნდა დაიწყოს ოპერაციის შემდეგ 24 საათში და გაგრძელდეს ოპერაციის შემდგომ პერიოდში. მკურნალობის ხანგრძლივობა არ უნდა აღემატებოდეს 2 კვირას.

ბავშვები და მოზარდები

ბავშვებსა და მოზარდებში პრეპარატი უკუნაჩვენებია.

გამოყენების წესი

ადგილობრივად, ინსტალაცია თვალში.

გამოყენებამდე შეანჯღრიეთ!

საწვეთურის თავის შეხება მოარიდეთ ნებისმიერ ზედაპირს, ვინაიდან ამან შეიძლება გამოიწვიოს სუსპენზიის დაბინძურება. პაციენტი გაფრთხილებული უნდა იქნას იმის თაობაზე, რომ ყოველი გამოყენების შემდეგ ფლაკონი კარგად დახუროს.

უკუჩვენებები

პრეპარატი უკუნაჩვენებია ჰიპერმგრძნობელობისას პრეპარატის აქტიური ნივთიერების ან შემადგენლობაში ჩამოთვლილი ნებისმიერი კომპონენტის, ასევე სხვა კორტიკოსტეროიდების მიმართ.

ლოტეპრედნოლის ეტაბონატი ასევე უკუნაჩვენებია რქოვანასა და კონიუნქტივის უმეტესი დაავადების დროს, ეპითელიური ჰერპესული კერატიტის (დენდრიტული კერატიტის), ვაქცინური დაავადების (vaccinia) და ჩუტყვავილას დროს, ასევე თვალების მიკობაქტერიული ინფექციების, თვალების სოკოვანი დაავადებების, თვალების არანამკურნალები მწვავე ჩირქიანი ინფექციების (კორტიკოსტეროიდებმა შესაძლოა შენიღბოს და დაამძიმოს ინფექციური დაავადებების კლინიკური სიმპტომები), უცნობი ეთიოლოგიის წითელი თვალის სინდრომის, ამებიაზის დროს.

განსაკუთრებული მითითებები და სიფრთხილის ზომები გამოყენებისას

კორტიკოსტეროიდების ხანგრძლივად გამოყენებამ შეიძლება გამოიწვიოს გლაუკომის ან ოფთალმოჰიპერტენზიის განვითარება მხედველობის ნერვის დაზიანებით, მხედველობის სიმახვილის გაუარესებით და მხედველობის არეს დეფექტებით, ასევე უკანა სუბკაფსულარული კატარაქტის განვითარება. სტეროიდების გამოყენება ფრთხილად უნდა მოხდეს გლაუკომის დროს.

მხედველობის დარღვევები შეიძლება წარმოიქმნას კორტიკოსტეროიდების სისტემური და ადგილობრივი გამოყენებისას. თუ პაციენტს გამოუვლინდა ისეთი სიმპტომები, როგორიც არის მხედველობის დაბინდვა ან მხედველობის სხვა დარღვევები, აუცილებელია, მიმართოს ოფთალმოლოგს ამ მდგომარეობის შესაძლო მიზეზების გამოსავლენად. ეს შესაძლოა იყოს კატარაქტის, გლაუკომის ან ისეთი იშვიათი დაავადების სიმპტომები, როგორიც არის ცენტრალური სეროზული რეტინოპათია, რომელთა შესახებ  შეტყობინებები დაფიქსირებულია სისტემური და ადგილობრივი კორტიკოსტეროიდების გამოყენების შემდეგ.

კორტიკოსტეროიდების ხანგრძლივად გამოყენებამ შეიძლება დათრგუნოს ორგანიზმის იმუნური რეაქცია და, ამით გაზარდოს თვალების მეორადი ინფექციის განვითარების რისკი. ცნობილია, რომ ადგილობრივი სტეროიდების გამოყენებამ იმ დაავადებების დროს, რომლებსაც ახლავს რქოვანას ან სკლერის გათხელება, შეიძლება გამოიწვიოს მათი პერფორაცია. თვალების მწვავე ჩირქიანი დაავადებებისას სტეროიდების გამოყენებამ შესაძლოა შენიღბოს ან გააძლიეროს ინფექციის ნიშნები.

ადგილობრივი სტეროიდების ხანგრძლივად გამოყენებისას შესაძლებელია რქოვანას სოკოვანი ინფექციების განვითარება. სოკოვანი ინვაზია უნდა განიხილებოდეს რქოვანას მდგრადი დაწყლულების ნებისმიერ შემთხვევაში, თუ გამოიყენებოდა ან გამოიყენება სტეროიდები. საჭიროებისას უნდა დაითესოს სოკოების გამოსავლენად.

როგორც წესი, კატარაქტის მოცილების ოპერაციის შემდეგ პაციენტებმა არ უნდა ატარონ კონტაქტური ლინზები, იმ შემთხვევების გარდა, როდესაც კონტაქტური ლინზების ტარება ნაჩვენებია სამედიცინო ჩვენებებით.

თუ მკურნალობის ორი დღის შემდეგ არ აღინიშნება დაავადების ნიშნების და სიმპტომების გაუმჯობესება, პაციენტი ხელახლა უნდა იქნას გამოკვლეული.

10 დღის და მეტის განმავლობაში პრეპარატის გამოყენებისას აუცილებელია თვალშიდა წნევის კონტროლი.

ბენზალკონიუმის ქლორიდი

პრეპარატიშეიცავს კონსერვანტს ბენზალკონიუმის ქლორიდს, რომელიც შეიძლება აბსორბირდეს რბილი კონტაქტური ლინზებით და გამოიწვიოს მათი ფერის შეცვლა. პრეპარატის გამოყენებამდე კონტაქტური ლინზები უნდა მოიხსნათ და ისევ გაიკეთოთ არანაკლებ 15 წუთში ინსტალაციის შემდეგ.

ბენზალკონიუმის ქლორიდს ასევე შეუძლია გამოიწვიოს თვალების გაღიზიანება და თვალების სიმშრალის სიმპტომები, იმოქმედოს საცრემლე ფირფიტაზე და რქოვანას ზედაპირზე.  სიფრთხილეა საჭირო პრეპარატის გამოყენებისას პაციენტებში თვალების სიმშრალით ან რქოვანას დაზიანებით.

პრეპარატის ხანგრძლივი გამოყენებისას პაციენტები უნდა იმყოფებოდნენ მეთვალყურეობის ქვეშ.

ურთიერთქმედება სხვა სამკურნალო პრეპარატებთან და ურთიერთქმედების სხვა სახეობები

ვინაიდან ადგილობრივი გამოყენების შემდეგ ლოტეპრედნოლის ეტაბონატი პლაზმაში არ ვლინდება, მოსალოდნელია, რომ პრეპარატი არ ახდენს ზეგავლენას სისტემური გამოყენების სამკურნალო საშუალებების ფარმაკოკინეტიკაზე. თუმცა, სისტემურ ანტიქოლინერგულ საშუალებებთან კომბინირებისას შეიძლება გაიზარდოს თვალშიდა წნევის მომატების რისკი.

ერთად გამოყენებისას ლოტეპრედნოლის ეტაბონატმა შესაძლოა გამოიწვიოს გლაუკომის საწინააღმდეგო პრეპარატების ჰიპოტენზიური ეფექტის შემცირება.

ლოტეპრედნოლის ეტაბონატის ციკლოპლეგიკებთან ერთად გამოყენებისას შეიძლება გაიზარდოს თვალშიდა წნევის მომატების რისკი.

CYP3A ინჰიბიტორებით, კობიცისტატის შემცველი პრეპარატების ჩათვლით, თანმხლებმა თერაპიამ შეიძლება გაზარდოს კორტიკოსტეროიდების სისტემური გვერდითი ეფექტების განვითარების რისკი. მათი ერთად გამოყენება არ შეიძლება, მწვავე აუცილებლობის შემთხვევების გარდა, როდესაც პრეპარატის გამოყენების სარგებელი აღემატება პოტენციურ რისკს; ამ დროს აუცილებელია პაციენტების მდგომარეობის კონტროლი კორტიკოსტეროიდების სისტემური გვერდითი ეფექტების შესაძლო განვითარების გამო.

ფერტილობა, ორსულობა და ლაქტაცია

ორსულობა

ორსულ ქალებში ლოტეპრედნოლის ეტაბონატის გამოყენების კვლევები არ ჩატარებულა. კლინიკამდელი კვლევები მოწმობს ლოტეპრედნოლის ეტაბონატის რეპროდუქციული ტოქსიკურობის შესახებ. პოტენციური რისკი ადამიანისთვის უცნობია. ორსულობის დროს პრეპარატის გამოყენება რეკომენდებული არ არის, უკიდურესი აუცილებლობის შემთხვევების გარდა.

ლაქტაცია

უცნობია გამოიყოფა თუ არა ლოტეპრედნოლის ეტაბონატი დედის რძეში. კლინიკამდელ კვლევებში ლოტეპრედნოლის ეტაბონატის ცხოველების დედის რძეში ექსკრეცია შესწავლილი არ არის. ლაქტაციის პერიოდში პრეპარატის გამოყენება რეკომენდებული არ არის.

ფერტილობა

ლოტეპრედნოლის ეტაბონატის ფერტილობაზე ზემოქმედების კლინიკური მონაცემები არ არსებობს.

ზეგავლენა სატრანსპორტო საშუალებების მართვისა და მექანიზმებთან მუშაობის უნარზე

სატრანსპორტო საშუალებების მართვისა და მექანიზმებთან მუშაობის უნარზე ლოტეპრედნოლის ეტაბონატის ზეგავლენის კვლევები არ ჩატარებულა. პაციენტებისთვის, რომლებსაც ინსტალაციის შემდეგ დროებით ეკარგებათ მხედველობის სიმახვილე, რეკომენდებული არ არის ჩაწვეთებისთანავე მანქანის ტარება ან რთულ ტექნიკასთან, დაზგებთან ან რაიმე რთულ მოწყობილობებთან მუშაობა, რომლებიც საჭიროებს მხედველობის სიმახვილეს.

არასასურველი რეაქციები

ოფთალმოლოგიური სტეროიდების გამოყენებასთან დაკავშირებული არასასურველი რეაქციები მოიცავს თვალშიდა წნევის მომატებას სტეროიდომგრძნობიარე პაციენტებში (რაც შეიძლება დაკავშირებული იყოს მხედველობის ნერვის დაზიანებასთან, მხედველობის სიმახვილის დარღვევასთან და მხედველობის არეს დეფექტებთან), უკანა სუბკაფსულარული კატარაქტის განვითარებას, პათოგენებით გამოწვეულ თვალის მეორად ინფექციას,  როგორიც არის მარტივი ჰერპესის ვირუსი, თვალის კაკლის პერფორაციას რქოვანას ან სკლერის გათხელების ადგილზე.

ქვევით ჩამოთვლილი არასასურველი რეაქციები აღინიშნებოდა ლოტეპრედნოლის ეტაბონატის თვალის წვეთების კლინიკური კვლევების მიმდინარეობისას.

გვერდითი ეფექტების სიხშირე კლასიფიცირდება შემდეგნაირად: ძალიან ხშირი (≥1/10), ხშირი (≥1/100-დან <1/10-მდე), არახშირი (≥1/1000-დან <1/100-მდე), იშვიათი (≥1/ 10000-დან < 1/1000-მდე), ძალიან იშვიათი (<1/10000), სიხშირე უცნობია (შეუძლებელია შეფასდეს არსებული მონაცემების მიხედვით).

დარღვევები მხედველობის ორგანოს მხრივ:

ხშირი - წვა ინსტალაციისას, დარღვევები რქოვანას მხრივ, გამონადენი თვალებიდან, თვალების სიმშრალე, დისკომფორტი თვალებში, ცრემლდენა, თვალში უცხო სხეულის შეგრძნება, ქავილი, კონიუნქტივის ჰიპერემია;

არახშირი – მხედველობის დარღვევა, ქემოზი, კერატოკონიუნქტივიტი, კონიუნქტივიტი (კერტები), ირიტი, თვალების ტკივილი და გაღიზიანება, სინათლის შიში, უვეიტი;

სიხშირე უცნობია – არამახვილი მხედველობა.

ზოგიერთი ეს მოვლენა თვალების გამოკვლეული დაავადების ძირითადი სიმპტომების მსგავსი იყო.

ინფექციები და ინვაზიები:

არახშირი – ფარინგიტი; იშვიათი – საშარდე გზების ინფექციები, ურეთრიტი.

კეთილთვისებიანი, ავთვისებიანი და დაუზუსტებელი ახალწარმონაქმნები (კისტების და პოლიპების ჩათვლით):

იშვიათი – სარძევე ჯირკვლის ახალწარმონაქმნები.

ფსიქიკური დარღვევები:

იშვიათი – ნევროზულობა.

დარღვევები ნერვული სისტემის მხრივ:

ხშირი – თავის ტკივილი; იშვიათი – შაკიკი, გემოს დარღვევა, თავბრუსხვევა, პარესთეზია.

დარღვევები სმენის ორგანოს და ლაბირინთის მხრივ:

იშვაითი – შუილი ყურებში.

დარღვევები სასუნთქი სისტემის, გულმკერდის ორგანოებისა და შუასაყრის მხრივ:

არახშირი – რინიტი; იშვიათი – ხველა.

კუჭ-ნაწლავის დარღვევები:

იშვაითი – დიარეა, ღებინება, გულისრევა.

დარღვევები კანისა და კანქვეშა ქსოვილების მხრივ:

იშვიათი – სახის შეშუპება, ჭინჭრის ციება, გამონაყარი, კანის საფარის სიმშრალე, ეგზემა.

დარღვევები კუნთების, ჩონჩხის და შემაერთებელი ქსოვილის მხრივ:

იშვიათი – კრუნჩხვები.

ზოგადი აშლილობები და დარღვევები შეყვანის ადგილას:

არახშირი – ასთენია; იშვიათი –ტკივილი მკერდში, კანკალი, ცხელება და ტკივილი.

სხვა დარღვევები:

იშვიათი – სხეულის წონის მომატება.

ზოგადად, კონტროლირებად რანდომიზირებულ კლინიკურ კვლევებში (ხანგრძლივობით 28 დღე და მეტი) თვალშიდა წნევის მნიშვნელოვნად მომატების (≥10 მმ ვწყ.სვ.) სიხშირე პაციენტებში, რომლებიც იღებდნენ ლოტეპრედნოლის ეტაბონატს, შეადგენდა 2% (15/901), პაციენტებში, რომლებიც იღებდნენ 1% პრედნიზოლონის აცეტატს – 7% (11/164), პაციენტებში, რომლებიც იღებდნენ პლაცებოს – 0,5% (3/583).

შეტყობინება საეჭვო არასასურველი რეაქციების შესახებ

მნიშვნელოვანია ინფორმაციის მიწოდება საეჭვო არასასურველი რეაქციების შესახებ სამკურნალო პრეპარატის რეგისტრაციის შემდეგ,  სამკურნალო პრეპერატის „სარგებელი-რისკის“ თანაფარდობის მუდმივი მონიტორინგის უზრუნველყოფის მიზნით.  მედიცინის მუშაკებს ეძლევათ რეკომენდაცია შეატყობინონ ნებისმიერი საეჭვო არასასურველი რეაქციების შესახებ ევრაზიის ეკონომიკური კავშირის წევრი ქვეყნების არასასურველი რეაქციების მოხსენების ეროვნული სისტემების მეშვეობით.

სომხეთის რესპუბლიკა

დსს "ლიქვორი"

0089, ერევანი, კოჩინიანის ქ. 7/9

ტელ.: (374 93) 47 74 68; (374 15) 37 88 03

ელ. ფოსტა: [email protected]

ჭარბი დოზირება

ჭარბი დოზირების შემთხვევების შესახებ შეტყობინებები არ არის. თვალში ადგილობრივი გამოყენებისას ჭარბი დოზა ნაკლებად სავარაუდოა.

ფარმაკოლოგიური თვისებები

ფარმაკოდინამიკური თვისებები

ფარმაკოთერაპიული ჯგუფი: კორტიკოსტეროიდები.

ათქ კოდი: S01BA14

მოქმედების მექანიზმი

კორტიკოსტეროიდები თრგუნავენ ანთებით რეაქციას ქსოვილებში მექანიკური, ქიმიური ან იმუნური დაზიანების პასუხად. სტეროიდების მოქმედების მექანიზმი ბოლომდე შესწავლილი არ არის.

ფარმაკოდინამიკური ეფექტები

ლოტეპრედნოლის ეტაბონატი ძლიერი ანთების საწინააღმდეგო მოქმედების მქონე ოფთალმოლოგიური კორტიკოსტეროიდების ახალ კლასს მიეკუთვნება. ძლიერ ანთების საწინააღმდეგო მოქმედებასთან ერთად, რომელიც შეედრება ოფთალმოლოგიაში გამოსაყენებელი ყველაზე ძლიერმოქმედი სტეროიდების მოქმედებას, ლოტეპრედნოლის ეტაბონატი უმნიშვნელო მოქმედებას ახდენს თვალშიდა წნევაზე. ცხოველებზე ჩატარებულ კვლევებში ნაჩვენებია იყო, რომ ლოტეპრედნოლის ეტაბონატის მსგავსება გლუკოკორტიკოიდულ რეცეპტორებთან 4,3-ჯერ აღემატება დექსამეტაზონისას. სტეროიდების ეს ახალი კლასი ბიოაქტიური მოლეკულებისგან შედგება, რომელთა "in vivo" პირობებში არატოქსიკურ ნივთიერებებად გარდაქმნის წინასწარმეტყველება შეიძლება მათი ქიმიური შემადგენლობის და ორგანიზმში ფერმენტაციული გზების შესახებ ცოდნის საფუძველზე. კორტიენის მჟავა ჰიდროკორტიზონის არააქტიური მეტაბოლიტია, კორტიენის მჟავის ანალოგებს ასევე არ გააჩნიათ კორტიკოსტეროიდული აქტივობა. ლოტეპრედნოლის ეტაბონატი ამ ანალოგებიდან ერთ-ერთის, კორტიენის მჟავის ეტაბონატის ეთერული წარმოებულია.

კლინიკური ეფექტურობა და უსაფრთხოება

პლაცებო-კონტროლირებადმა კვლევებმა აჩვენეს, რომ თვალის წინა მონაკვეთის მკურნალობისას ლოტეპრედნოლის ეტაბონატი უფრო ეფექტურია, ვიდრე პლაცებო. კორტიკოსტეროიდებმა შესაძლოა გამოიწვიოს თვალშიდა წნევის მომატება სტეროიდმგრძნობიარე პაციენტებში.

მცირე კვლევაში ნაჩვენებია, რომ ლოტეპრედნოლის ეტაბონატით თერაპიისას თვალშიდა წნევის ასაწევად საჭიროა ბევრად უფრო მეტი დრო, ვიდრე პრედნიზოლონის აცეტატით მკურნალობისას. თვალშიდა წნევის ≥10 მმ ვწყ.სვ. საერთო გაზრდის სიხშირე უფრო დაბალი იყო პაციენტების ჯგუფში, რომლებიც იღებდნენ ლოტეპრედნოლის ეტაბონატს. ბევრ პაციენტში, რომლებიც იღებდნენ ლოტეპრედნოლის ეტაბონატს, თვალშიდა წნევის მაქსიმალური მომატება არ აღწევდა დონეებს, რომლებიც აღენიშნებოდათ, პაციენტებს, რომლებიც იღებდნენ პრედნიზოლონის აცეტატს. კლინიკურ კვლევებში პაციენტთა საერთო რაოდენობიდან თვალშიდა წნევის მომატება ≥10 მმ ვწყ.სვ. აღენიშნა პაციენტთა მხოლოდ 2%-ს. პაციენტთა ნაწილს მნიშვნელოვნად მაღალი თვალშიდა წნევით პრეპარატის მოხსნის შემდეგ თვალშიდა წნევის დონე სწრაფად დაურეგულირდა.

ბავშვები და მოზარდები

ბავშვებსა და მოზარდებში პრეპარატის გამოყენების შესახებ მონაცემები არ არსებობს.

ფარმაკოკინეტიკური თვისებები

თვალის წვეთების ლოტეპრედნოლის ეტაბონატის პერორალური და ადგილობრივი გამოყენებისას თვალში, ჯანმრთელ მოხალისეებში, მოქმედი ნივთიერება და მისი ძირითადი მეტაბოლიტი გამოვლინდა სისხლის პლაზმაში დაბალი კონცენტრაციებით ან კონცენტრაციებში, რომლებიც არ ექვემდებარება რაოდენობრივ განსაზღვრას.

ბიოშეღწევადობის კვლევის შედეგებმა ჯანმრთელ მოხალისეებში თვალის წვეთების 0,5% ლოტეპრედნოლის ეტაბონატის შეყვანით 1 წვეთი თითოეულ თვალში 8-ჯერ დღეში 2 კვირის განმავლობაში ან 4-ჯერ დღეში 42 დღის განმავლობაში აჩვენა, რომ პლაზმაში ლოტეპრედნოლის ეტაბონატის და მისი ძირითადი არააქტიური მეტაბოლიტის კონცენტრაციები იყო რაოდენობრივი განსაზღვრის ზღვარზე დაბალი (1 ნგ/მლ) სინჯების აღების ყველა დროის წერტილში. ამავე კვლევაში იზომებოდა ჰიდროკორტიზონის კონცენტრაცია პლაზმაში; თირკმელზედა ჯირკვლების ქერქის დათრგუნვის ნიშნები არ დაფიქსდა, ჰიდროკორტიზონის გაზომილი ყველა დონე ნორმის ფარგლებში იყო. აქედან გამომდინარე, შეიძლება იმის ვარაუდი, რომ ლოტეპრედნოლის ეტაბონატს შეზღუდული სისტემური შეწოვა გააჩნია.

კლინიკამდელი უსაფრთხოების მონაცემები

ქრონიკული ტოქსიკურობის და გენოტოქსიკურობის შესწავლის სტანდარტული კვლევების საფუძველზე მიღებულმა კლინიკამდელმა მონაცემებმა განსაკუთრებული საფრთხე ადამინისთვის არ გამოავლინა.

რეპროდუქციული ტოქსიკურობის კვლევებში აღინიშნა ემბრიოტოქსიკური და ტერატოგენული მოქმედება (ოსიფიცირების შენელება, მენინგოცელე, მარცხენა საძილე არტერიის ანომალიები და კიდურების გაღუნვა) ბოცვრებში ლოტეპრედნოლის ეტაბონატის პერორალურად შეყვანის შემდეგ დოზებით, რომლებიც 35-ჯერ აღემატებოდა მაქსიმალურ სადღეღამისო კლინიკურ დოზას, და ვირთაგვებში (სხეულის წონის დაკლება, ოსიფიცირების შენელება, მხარ-თავის ღერძის არქონა, სასის ნაპრალი, ჭიპის თიაქარი) პერორალური დოზების დროს, რომლებიც 60-ჯერზე უფრო მეტად აღემატებოდა მაქსიმალურ სადღეღამისო კლინიკურ დოზას.

ბოცვრების თვალში ადგილობრივი შეყვანისას აღინიშნა თვალების მსუბუქი გაღიზიანება როგორც ერთჯერადი, ასევე მრავლობითი შეყვანის შემდეგ.

ფარმაცევტული თვისებები

შეუთავსებლობა

შეუთავსებლობის კვლევები არ ჩატარებულა. სამკურნალო პრეპარატის სხვა სამკურნალო საშუალებებთან შერევა არ შეიძლება.

ვარგისობის ვადა (შენახვის ვადა)

2 წელი. პრეპარატი გამოიყენება შეფუთვაზე მითითებულ თარიღამდე. გახსნის შემდეგ ფლაკონის შიგთავსი გამოიყენება 4 კვირის განმავლობაში.

სიფრთხილის განსაკუთრებული ზომები

ინახება არაუმეტეს 25⁰C ტემპერატურაზე. არ გაყინოთ. შეინახეთ ბავშვებისათვის მიუწვდომელ ადგილას.

პირველადი შეფუთვის ხასიათი და შიგთავსი

5 მლ პრეპარატი მსპე-ის სტერილური თავსახურით ჰერმეტულად დახურულ დსპე-ის სტერილური საწვეთურით აღჭურვილ დსპე-ის სტერილურ ფლაკონში.

თითოეული ფლაკონი სამედიცინო გამოყენების ინსტრუქციასთან (ფურცელ-ჩანართი) ერთად მოთავსებულია მუყაოს კოლოფში.

სიფრთხილის განსაკუთრებული ზომები გამოყენებული სამკურნალო პრეპარატის ან სამკურნალო პრეპარატის გამოყენების შემდეგ მიღებული ნარჩენების განადგურებისას და სხვა მანიპულაციები პრეპარატთან

         განსაკუთრებული მოთხოვნები არ არსებობს.

სარეგისტრაციო მოწმობის მფლობელი

დსს "ლიქვორი", სომხეთი,

0089ერევანი, კოჩინიანის 7/9

ტელ : +37460 37 88 00

E-mail: [email protected]

 სარეგისტრაციო მოწმობის მფლობელის წარმომადგენელი კავშირის ტერიტორიაზე

მომხმარებელთა პრეტენზიები უნდა გაიგზავნოს მისამართზე:

დსს "ლიქვორი", სომხეთი,

0089ერევანი, კოჩინიანის 7/9

ტელ : +37460 37 88 00

E-mail: [email protected]