ადემტა 400მგ #20ტ

ადემტა

სავაჭრო დასახელება

ადემტა, Ademta.

საერთაშორისო არაპატენტირებული დასახელება

ადემეთიონინი, Ademetionine.

სამკურნალწამლო ფორმა

ნაწლავში ხსნადი გარსით დაფარული ტაბლეტები.

აღწერილობა

ოვალური, ორივე მხრიდან ამოზნექილი, ნაწლავში ხსნადი გარსით დაფარული, ნარინჯისფერ-ვარდისფერი ფერის ტაბლეტები.

შემადგენლობა

ნაწლავში ხსნადი გარსით დაფარული ტაბლეტი შეიცავს

აქტიური ნივთიერება:  ადემეთიონინი 400 მგ (ადემეთიონინ 1,4-ბუტანდისულფონატის ფორმით).

დამხმარე ნივთიერებები: მიკროკრისტალური ცელულოზა, ნატრიუმის სახამებელგლიკოლატი, კოლოიდური უწყლო სილიციუმის დიოქსიდი, მაგნიუმის სტეარატი.

გარსის შემადგენლობა: რკინის ყვითელი ოქსიდი, რკინის წითელი ოქსიდი, მეტაკრილის მჟავისა და ეთილის აკრილატის კოპოლიმერი (1:1), მაკროგოლ 6000, პოლისორბატ 80, სიმეთიკონი, ნატრიუმის ჰიდროქსიდი, ტალკი.

პრეპარატის ათქ კოდი: A16AA02.

ფარმაკოთერაპიული ჯგუფი

საჭმლის მომნელებელ სისტემაზე და მეტაბოლიზმზე მოქმედი საშუალებები. საჭმლის მომნელებელ სისტემაზე და მეტაბოლიზმზე მოქმედი სხვა პრეპარატები. ამინომჟავები და მათი წარმოებულები.

ფარმაკოლოგიური თვისებები

ფარმაკოდინამიკა

ადემეთიონინი (S-ადენოზილ-L-მეთიონინი) –  ამინომჟავაა, რომელიც გვხვდება ორგანიზმის პრაქტიკულად ყველა ქსოვილში და სითხეში. ადამიანის და ცხოველების ორგანიზმში ადემეთიონინი მონაწილეობს საკვანძო ბიოლოგიურ პროცესებში, ძირითადად, კოფერმენტის და მეთილის ჯგუფის დონორის სახით (ტრანსმეთილირების რეაქცია). ტრანსმეთილირების პროცესი მნიშვნელოვან როლს ასრულებს უჯრედის მემბრანის ფოსფოლიპიდების ორმაგი ფენის ფორმირებაში, რაც უჯრედის მემბრანის პლასტიკურობას უზრუნველყოფს. ადემეთიონინს შეუძლია ჰემატოენცეფალური ბარიერის გადაკვეთა; ცენტრალურ ნერვულ სისტემაში ადემეთიონინით განპირობებული ტრანსმეთილირების პროცესი ძირითად როლს ასრულებს ნეიროტრანსმიტერების, მათ შორის კატექოლამინების (დოფამინი, ნორადრენალინი, ადრენალინი), სეროტონინის, მელატონინის და ჰისტამინის ფორმირებაში.

ადემეთიონინი ასევე არის გოგირდის შემცველი ნაერთების (ცისტეინი, ტაურინი, გლუტათიონი, კოფერმენტი A და ა.შ.) წინამორბედი, რომლებიც წარმოიქმნება ტრანსსულფურიზაციის პროცესში. ღვიძლში ყველაზე აქტიური ანტიოქსიდანტი გლუტათიონი, მნიშვნელოვან როლს ასრულებს ღვიძლში დეტოქსიკაციის პროცესებში. ალკოჰოლის მოხმარებასთან და სხვა მიზეზებთან დაკავშირებული ღვიძლის დაავადებების მქონე პაციენტებში ადემეთიონინის გამოყენების დროს, გლუტათიონის შემცველობა ღვიძლში იმატებს. ფოლიუმის მჟავა და ვიტამინი B₁₂ მნიშვნელოვან როლს ასრულებს ორგანიზმში ადემეთიონინის მედეტაბოლიზმში და მარაგების შევსებაში.

ფარმაკოკინეტიკა

შეწოვა

ადემეთიონინის ტაბლეტის ფორმით (400-1000 მგ) პერორალურად ერთჯერადად მიღების დროს, სისხლის პლაზმაში სამკურნალო საშუალების მაქსიმალური კონცენტრაცია მიიღწევა 3-5 საათის შემდეგ და დამოკიდებულია დოზაზე (დიაპაზონი 0,5-1 მგ/ლ). ამის შემდეგ, სისხლის პლაზმაში ადემეთიონინის კონცენტრაცია მცირდება და 24 საათის განმავლობაში უბრუნდება საწყის დონეს. საკვების მიღებებს შორის პრეპარატის პერორალურად მიღების დროს, ადემეთიონინის ბიოშეღწევადობა იზრდება.

განაწილება

სამკურნალო საშუალების 100 მგ და 500 მგ დოზებით მიღების დროს, ადემეთიონინის განაწილების მოცულობამ შეადგინა შესაბამისად, 0,41 ლ/კგ და 0,44 ლ/კგ. სისხლის პლაზმის ცილებთან ადემეთიონინის შეკავშირების ხარისხი არის უმნიშვნელო და შეადგენს 5%-ს და ნაკლებს.

მეტაბოლიზმი

ადემეთიონინის სინთეზის, უტილიზაციისა და რესინთეზის რეაქციებს ეწოდება ადემეთიონინის ციკლი. ამ ციკლის პირველ ეტაპზე ადემეთიონინი გამოიყენება სუბსტრატის სახით და ადემეთიონინ-დამოკიდებული მეთილაზას მოქმედებით მისგან წარმოიქმნება S-ადენოზილჰომოცისტეინი. ამის შემდეგ, S-ადენოზილჰომოცისტეინ-ჰიდროლაზას მოქმედებით S-ადენოზილჰომოცისტეინი ჰიდროლიზდება ჰომოცისტეინამდე და ადენოზინამდე. შემდეგ, 5-მეთილტეტრაჰიდროფოლატიდან მეთილის ჯგუფის გადატანის შედეგად ჰომოცისტეინი ისევ მეთიონინად გარდაიქმნება. ამის შემდეგ, მეთიონინისაგან წარმოიქმნება ადემეთიონინი და ციკლი მთავრდება.

გამოყოფა

კვლევებში, რომლებშიც იყენებდნენ რადიოაქტიური ნიშნულით (მეთილ¹⁴С)  მონიშნულ ადემეთიონინს, ჯანმრთელ მოხალისეებში პერორალურად მიღების დროს შარდთან ერთად 48 საათის შემდეგ გამოიყოფოდა სამკურნალო საშუალების შეყვანილი დოზის 15,5 ± 1,5%, 72 საათის განმავლობაში კუჭ-ნაწლავის ტრაქტის საშუალებით გამოიყოფოდა სამკურნალო საშუალების შეყვანილი დოზის 23,5 ± 3,5%. სამკურნალო საშუალების შეყვანილი დოზის დაახლოებით 60% რჩებოდა ორგანიზმში (ინკორპორირებული ფორმა).

გამოყენების ჩვენებები

–         ღვიძლშიდა ქოლესტაზი მოზრდილებში, მათ შორის სხვადასხვა ეტიოლოგიის ქრონიკული ჰეპატიტის და ღვიძლის ციროზის მქონე პაციენტებში;

–         ღვიძლშიდა ქოლესტაზი ქალებში ორსულობის პერიოდში;

–         დეპრესიული სინდრომები.

გამოყენების წესი და დოზები

დოზირება

მკურნალობის დაწყება შეიძლება პირდაპირ ადემეთიონინის პერორალური მიღებით (ადემტანაწლავში ხსნადი გარსით დაფარული ტაბლეტები). მკურნალობის დაწყება ასევე შეიძლება ადემეთიონინის პარენტერალური შეყვანით (ადემტა ლიოფილიზებული ფხვნილი საინექციო ხსნარის მოსამზადებლად), შემდგეგ კი სამკურნალო საშუალების პერორალურ მიღებაზე გადასვლა (ადემტა ნაწლავში ხსნადი გარსით დაფარული ტაბლეტები).

საწყისი თერაპია

ადემეთიონინის რეკომენდებული დოზა არის 10-25 მგ/კგ სხეულის მასაზე დღე-ღამეში. სამკურნალო საშუალების საწყისი დოზა არის 800 მგ დღე-ღამეში (2 ტაბლეტი), საერთო სადღეღამისო დოზა არ უნდა აღემატებოდეს 1600 მგ-ს (4 ტაბლეტი).

შემანარჩუნებელი თერაპია

ადემეთიონინის რეკომენდებული სადღეღამისო დოზა არის 800-1600 მგ (2-4 ტაბლეტი).

პაციენტების განსაკუთრებული ჯგუფები

ხანდაზმული ასაკის პაციენტები

ხანდაზმული ასაკის და ახალგაზრდა პაციენტებში სამკურნალო საშუალებით თერაპიაზე პახუხებს შორის განსხვავებების შეფასება შეუძლებელია (კლინიკურ კვლევებში 65 წლის და უფროსი ასაკის პაციენტების არასაკმარისმა რაოდენობამ მიიღო მონაწილეობა). კლინიკური გამოყენების გამოცდილების შესახებ ამ მომენტისათვის არსებული მონაცემების თანახმად, ხანდაზმული ასაკის პაციენტებში პრეპარატით თერაპიაზე პასუხი არ განსხვავდება ახალგაზრდა პაციენტებისაგან.

ხანდაზმული ასაკის პაციენტებში დოზის შერჩევის დროს აუცილებელია სიფრთხილის დაცვა. ამ კატეგორიის პაციენტებში მკურნალობა უნდა დაიწყოს პრეპარატის მინიმალური რეკომენდებული დოზის გამოყენებით, ასევე მხედველობაში უნდა იქნას მიღებული ღვიძლის, თირკმელების ან გულის ფუნქციების დარღვევის შემთხვევების მაღალი სიხშირე, თანმხლები დაავადებების არსებობა და სხვა სამკურნალო საშუალებების ერთდროული გამოყენება.

ბავშვები

პრეპარატის ბავშვებში გამოყენების ეფექტურობა და უსაფრთხოება დადგენილი არ არის.

გამოყენების წესი

ტაბლეტები მიიღება პერორალურად, უნდა მოხდეს მათი მთლიანად გადაყლაპვა, დაღეჭვის გარეშე.

ტაბლეტები დაფარულია სპეციალური საფარით, რომელიც იხსნება მხოლოდ ნაწლავში, ამიტომ, ადემეთიონინის გამონთავისუფლება ხდება თორმეტგოჯა ნაწლავში. სამკურნალო საშუალების შეწოვის გასაზრდელად და სრული თერაპიული ეფექტის მისაღწევად, ტაბლეტების მიღება უნდა მოხდეს საკვების მიღებებს შორის.

ბლისტერიდან ტაბლეტების გამოღება უნდა მოხდეს უშუალოდ გამოყენების წინ. არ უნდა მოხდეს ტაბლეტების მიღება თუ ისინი არის ნარინჯისფერ-ვარდისფერი ფერისაგან განსხვავებული ფერის (ბლისტერზე ნახვრეტების არსებობის გამო).

პრეპარატის სადღეღამისო დოზა შეიძლება დაიყოს 2-3 მიღებად.

თერაპიის ხანგრძლივობა დამოკიდებულია დაავადების მიმდინარეობის სიმძიმეზე და განისაზღვრება მკურნალი ექიმის მიერ ინდივიდუალურად.

უკუჩვენებები

–         ჰიპერმგრძნობელობა პრეპარატის აქტიური ნივთიერების ან რომელიმე დამხმარე ნივთიერების მიმართ;

–         გენეტიკური დარღვევები, რომლებიც გავლენას ახდენს მეთიონინის ციკლზე და/ან ასოცირდება ჰომოცისტინურიასთან და/ან ჰიპერჰომოცისტეინემიასთან (მაგალითად, ცისტათიონინ-β-სინთეტაზას დეფიციტი, B₁₂ ვიტამინის მეტაბოლიზმის დარღვევა).

არასასურველი რეაქციები

ბოროტად გამოყენების ან წამალდამოკიდებულების შემთხვევების შესახებ შეტყობინებები არ ყოფილა. ადემეთიონინის გამოყენების დროს იშვიათ შემთხვევებში, ძირითადად სამკურნალო საშუალების მიმართ მომატებული მგრძნობელობის მქონე პაციენტებში, შეიძლება აღინიშნებოდეს ძილისა და სიფხიზლის ცირკადული რიტმის დარღვევები.

ზოგიერთ პაციენტში სამკურნალო საშუალების მიღების დროს დაფიქსირდა გულძმარვა და სიმძიმის შეგრძნება ეპიგასტრიუმის არეში (უნდა მოხდეს pH გარემოს მნიშვნელობის გათვალისწინება, რომელიც შენარჩუნებულია ტაბლეტებში აქტიური ნივთიერების სტაბილურობის შენარჩუნების მიზნით).

შეტყობინებები იყო დეპრესიული სინდრომის მქონე პაციენტებში სუიციდური ფიქრების/სუიციდის მცდელობების შემთხვევების შესახებ.

კლინიკურ კვლევებში პაციენტებს ყველაზე ხშირად აღენიშნებოდათ სამკურნალო საშუალების გამოყენებასთან დაკავშირებული ისეთი არასასურველი რეაქციები, როგორებიცაა თავის ტკივილი, დიარეა და გულისრევა.

არასასურველი რეაქციები, რომლებიც აღინიშნებოდა კლინიკურ კვლევებში და სპონტანურ შეტყობინებებში, ჩამოთვლილია ქვემოთ MedDRA-ს სისტემურ-ორგანოთა კლასის შესაბამისად. არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥1/10); ხშირად (≥1/100, მაგრამ <1/10); არახშირად (≥1/1000, მაგრამ <1/100); იშვიათად (≥1/10000, მაგრამ <1/1000); ძალიან იშვიათად (<1/10000), სიხშირე უცნობია (არსებული მონაცემებით შეფასება შეუძლებელია).

კუჭ-ნაწლავის ტრაქტის მხრივ:

ხშირად – მუცლის ტკივილი, დიარეა, გულისრევა; არახშირად – პირის სიმშრალე, დისპეფსია, მეტეორიზმი, კუჭ-ნაწლავის ტკივილი, კუჭ-ნაწლავის ფუნქციის დარღვევა, კუჭ-ნაწლავიდან სისხლდენა, ღებინება, ეზოფაგიტი; იშვიათად – მუცლის შებერილობა.

ზოგადი დარღვევები და დარღვევები შეყვანის ადგილას:

ხშირად – ასთენია; არახშირად – შეშუპება, სხეულის ტემპერატურის მომატება, შემცივნება*; იშვიათად – ზოგადი სისუსტე.

იმუნური სისტემის მხრივ:

არახშირად – ჰიპერმგრძნობელობა*, ანაფილაქსოიდური რეაქციები* ან ანაფილაქსიური რეაქციები (კერძოდ, კანის საფარის ჰიპერემია, ქოშინი, ბრონქოსპაზმი, ზურგის ტკივილი, დისკომფორტი გულმკერდის არეში, არტერიული წნევის (არტერიული ჰიპოტენზია, არტერიული ჰიპერტენზია) ან გულის შეკუმშვათა სიხშირის ცვლილებები (ტაქიკარდია, ბრადიკარდია))*

ინფექციური და პარაზიტული დაავადებები:

არახშირად – საშარდე გზების ინფექციები.

ჩონჩხ-კუნთოვანი და შემაერთებელი ქსოვილის მხრივ: არახშირად – ართრალგია, კუნთების სპაზმები.

ნერვული სისტემის მხრივ:

ხშირად – თავის ტკივილი; არახშირად – თავბრუსხვევა, პარესთეზიები, დისგევზია*.

ფსიქიკის დარღვევები:

ხშირად – შფოთვითი აშლილობა, უძილობა; არახშირად – აჟიტაცია, ცნობიერების არევა.

სასუნთქი სისტემის, გულმკერდის და შუასაყარის ორგანოების მხრივ:

არახშირად – ხორხის შეშუპება*.

კანის და კანქვეშა ქსოვილების მხრივ:

ხშირად ქავილი; არახშირად – მომატებული ოფლიანობა, ანგიონევროზული შეშუპება*, კანის ალერგიული რეაქციები (მაგალითად, გამონაყარი, ჭინჭრის ციება, ერითემა)*.

ღვიძლის და სანაღვლე გზების მხრივ:

იშვიათად – ღვიძლის კოლიკა; სიხშირე უცნობია – ღვიძლის ციროზი.

სისხლძარღვების მხრივ:

არახშირად – ალები, არტერიული ჰიპოტენზია, ფლებიტი.

გულის მხრივ:

სიხშირე უცნობია – გულ-სისხლძარღვთა დარღვევები.

*არასასურველი რეაქციები, რომლებიც აღინიშნებოდა სპონტანურ შეტყობინებებში (არ არის რეგისტრირებული კლინიკურ კვლევებში) და მიეკუთვნება კატეგორიას "არახშირად".

შეტყობინება საეჭვო არასასურველი რეაქციების შესახებ

სამკურნალო საშუალების რეგისტრაციის შემდეგ, მნიშვნელოვანია შეტყობინება საეჭვო არასასურველი რეაქციების შესახებ. სამკურნალო საშუალების მიმართ სერიოზული არასასურველი რეაქციის განვითარების ან ისეთი ახალი არასასურველი რეაქციის განვითარების შემთხვევაში, რომელიც ამ პუნქტში აღწერილი არ არის, გთხოვთ, ინფორმაცია მიაწოდოთ ეროვნული ფარმაკოზედამხედველობის სისტემის შესაბამისად.

განსაკუთრებული მითითებები

პრეციროზული მდგომარეობის ან ჰიპერამონიემიით ღვიძლის ციროზის მქონე   პაციენტებში ადემეთიონინის პერორალურად მიღებისას, უნდა მოხდეს სისხლში ამიაკის დონის კონტროლი.

B₁₂ ვიტამინის და ფოლიუმის მჟავას დეფიციტის დროს სისხლის პლაზმაში ადემეთიონინის კონცენტრაცია შეიძლება შემცირდეს, ამიტომ, რისკის ქვეშ მყოფ პაციენტებში, მათ შორის ანემიის, ღვიძლის დაავადების მქონე პაციენტებში, ორსულობის დროს ან სხვა დაავადებებთან ან დიეტასთან (მაგალითად, ვეგეტარიანელები) დაკავშირებული B₁₂ ვიტამინის და ფოლიუმის მჟავას დეფიციტის განვითარების პოტენციური რისკის მქონე პაციენტებში, უნდა მოხდეს სისხლის პლაზმაში ვიტამინების დონეების რეგულარული მონიტორინგი. დეფიციტის დადგენის შემთხვევაში, ადემეთიონინის გამოყენების დაწყებამდე ან ადემეთიონინით თერაპიასთან ერთად რეკომენდებულია B₁₂ ვიტამინით და/ან ფოლიუმის მჟავით მკურნალობა.

რეკომენდებული არ არის სამკურნალო საშუალების გამოყენება ბიპოლარული აშლილობის მქონე პაციენტებში. პაციენტებში, რომლებიც იტარებდნენ ადემეთიონინით თერაპიას, დაფიქსირდა დეპრესიიდან ჰიპომანიაზე და მანიაზე გადასვლის შემთხვევები.

იყო შეტყობინება სეროტონინის სინდრომის განვითარების ერთი შემთხვევის შესახებ  პაციენტში, რომელიც ადემეთიონინს იღებდა კლომიპრამინთან კომბინაციაში. საჭიროა სიფრთხილის დაცვა ადემეთიონინის გამოყენებისას სეროტონინის უკუმიტაცების სელექციურ ინჰიბიტორებთან (სუმსი), ტრიციკლურ ანტიდეპრესანტებთან (როგორიც არის კლომიპრამინი), ტრიპტოფანის შემცველ, მათ შორის მცენარეული წარმოშობის პრეპარატებთან ერთად; სავარაუდოდ, ამ დროს არსებობს წამლისმიერი ურთიერთქმედების პოტენციური რისკი.

დეპრესიის მკურნალობის დროს ადემეთიონინის გამოყენების ეფექტურობა შეფასდა  ხანმოკლე კლინიკურ კვლევებში, რომლებიც გრძელდებოდა 3-6 კვირა. არ არსებობს მონაცემები უფრო მეტი ხნის განმავლობაში დეპრესიის თერაპიისას ადემეთიონინის გამოყენების ეფექტურობის შესახებ. დეპრესიის მკურნალობის მრავალი მეთოდი არსებობს, ამიტომ, ოპტიმალური თერაპიის შესარჩევად პაციენტებმა კონსულტაცია უნდა გაიარონ ექიმთან. უნდა მოხდეს პაციენტების ინფორმირება ექიმთან კონსულტაციის აუცილებლობის შესახებ, თუ ადემეთიონინით მკურნალობის დროს დაავადების სიმპტომების სიმძიმე არ მცირდება ან აღინიშნება დაავადების სიმპტომების გამწვავება.

დეპრესიის მქონე პაციენტებში არსებობს სუიციდის ან სუიციდის მცდელობების მომატებული რისკი, ამიტომ, ასეთი პაციენტები უნდა იმყოფებოდნენ საგულდაგულო დაკვირვების ქვეშ და დეპრესიის სიმპტომების მკურნალობის ეფექტურობის მონიტორინგის მიზნით, ადემეთიონინით თერაპიის დროს აუცილებელია მათთვის ფსიქიატრიული დახმარების გაწევა.

ადემეთიონინის გამოყენების დროს პაციენტებში აღინიშებოდა გარდამავალი შფოთვის ან შფოთვითი აშლილობის გამწვავების შემთხვევები, ასეთი შემთხვევების უმეტესობაში, აუცილებელი არ გახდა სამკურნალო საშუალებით თერაპიის შეწყვეტა (ზოგიერთ შემთხვევაში, შფოთვა ქრებოდა დოზის შემცირების ან მკურნალობის შეწყვეტის დროს).

გავლენა ლაბორატორიული კვლევების შედეგებზე

იმუნოფერმენტული ანალიზის მეთოდით სისხლის პლაზმაში ჰომოცისტეინის კონცენტრაციის განსაზღვრის დროს, ადემეთიონინმა შეიძლება გავლენა მოახდინოს ლაბორატორიული კვლევების შედეგებზე, ამავდროულად, აღინიშნება ამ მაჩვენებლის მცდარი მაღალი მნიშვნელობები. ამიტომ, პაციენტებში, რომლებსაც უტარდებათ ადემეთიონინით თერაპია, სისხლის პლაზმაში ჰომოცისტეინის კონცენტრაციის განსასაზღვრად იმუნოლოგიური ანალიზის მეთოდების გამოყენება რეკომენდებული არ არის.

თირკმლის უკმარისობა

თირკმლის უკმარისობის მქონე პაციენტებში ადემეთიონინის გამოყენების შესახებ კლინიკური მონაცემები შეზღუდულია, ამიტომ ამ კატეგორიის პაციენტებში სამკურნალო საშუალების გამოყენების დროს რეკომენდებულია სიფრთხილის დაცვა.

ღვიძლის უკმარისობა

ჯანმრთელ მოხალისეებში და ღვიძლის ქრონიკული დაავადებების მქონე პაციენტებში ადემეთიონინის ფარმაკოკინეტიკური პარამეტრები ერთმანეთის მსგავსი იყო.

სუიციდი/სუიციდური აზრები

დეპრესიის დროს, სუიციდური აზრების, თვითდაზიანების და სუიციდის (სუიციდის მცდელობები) რისკი იზრდება. ეს რისკი ნარჩუნდება სტაბილური რემისიის მიღწევის მომენტამდე. რადგან მკურნალობის პირველი რამდენიმე კვირის ან უფრო მეტი ხნის განმავლობაში პაციენტებს შეიძლება არ აღენიშნოთ მდგომარეობის გაუმჯობესება, უნდა მოხდეს პაციენტებზე საგულდაგულო დაკვირვების უზრუნველყოფა, სანამ მათი მდგომარეობა არ გაუმჯობესდება.

სუიციდური ქცევის რისკი ასევე შეიძლება გაიზარდოს სხვა ფსიქიკური აშლილობების შემთხვევაში, რომელთა დროსაც გამოიყენება ადემეთიონინი. გარდა ამისა, ეს დარღვევები შეიძლება დაკავშირებული იყოს დიდ დეპრესიულ აშლილობასთან. ამიტომ, სხვა ფსიქიკური აშლილობების მქონე პაციენტებში ადემეთიონინის გამოყენების დროს, უნდა მოხდეს იგივე სიფრთხილის ზომების დაცვა, რაც დიდი დეპრესიული აშლილობის მქონე პაციენტებში.

დამხმარე ნივთიერებები

პრეპარატიშეიცავს 1 მმოლზე ნაკლებ (23 მგ) ნატრიუმს ერთ ტაბლეტში, ე.ი. პრაქტიკულად „არ შეიცავს ნატრიუმს“.

გავლენა ავტოტრანსპორტის და მექანიზმების მართვის უნარზე

ადემეთიონინის გამოყენების დროს ზოგიერთ პაციენტს აღენიშნა თავბრუსხვევა. მსგავს სიტუაციაში, პაციენტმა არ უნდა მართოს ავტომობილი და მექანიზმები, სანამ სრულად არ გაქრება სიმპტომები, რომლებმაც შეიძლება გავლენა მოახდინოს ზემოხსენებული საქმიანობების შესრულების უნარზე.

გამოყენება ორსულობის და ლაქტაციის დროს

ორსულობა

ქალებში ორსულობის III ტრიმესტრში ადემეთიონინის გამოყენების დროს გვერდითი რეაქციები არ აღინიშნებოდა. ქალებში ორსულობის I და II ტრიმესტრში სამკურნალო საშუალების გამოყენება უნდა მოხდეს მხოლოდ მას შემდეგ, რაც ექიმი საგულდაგულოდ შეაფასებს თანაფარდობას – ორსული ქალისათვის სარგებელი/ ნაყოფისათვის რისკი.

ლაქტაცია

ქალებში ძუძუთი კვების პერიოდში ადემეთიონინის გამოყენება უნდა მოხდეს მხოლოდ იმ შემთხვევებში, როდესაც ქალისთვის მოსალოდნელი სარგებელი აღემატება ბავშვისთვის პოტენციურ რისკს.

ურთიერთქმედება სხვა სამკურნალო საშუალებებთან

ერთ პაციენტს, რომელიც ადემეთიონინს იღებდა კლომიპრამინთან ერთად, აღენიშნა სეროტონინის სინდრომის განვითარების შემთხვევა. ამიტომ სეროტონინის უკუმიტაცების სელექციურ ინჰიბიტორებთან, ტრიციკლურ ანტიდეპრესანტებთან (როგორიც არის კლომიპრამინი), ტრიპტოფანის შემცველ, მათ შორის მცენარეული წარმოშობის პრეპარატებთან ერთად ადემეთიონინის კომბინირებული გამოყენებისას,  რეკომენდებულია სიფრთხილის დაცვა; სავარაუდოდ, ამ დროს არსებობს წამლისმიერი ურთიერთქმედების პოტენციური რისკი.

დოზის გადაჭარბება

სამკურნალო საშუალების დოზის გადაჭარბების შემთხვევაში, აუცილებელია ექიმი დაუკავშირდეს რეგიონალურ ტოქსიკოლოგიურ ცენტრს, ასეთ სიტუაციებში, უნდა მოხდეს პაციენტის მდგომარეობის კონტროლი და დამხმარე თერაპიის ჩატარება.

გამოშვების ფორმა

ნაწლავში ხსნადი გარსით დაფარული ტაბლეტები.

10 ტაბლეტი ბლისტერში.

2 ბლისტერი სამედიცინო გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები

შეინახეთ არაუმეტეს 25°C ტემპერატურაზე.

შეინახეთ ბავშვებისათვის მიუწვდომელ ადგილას!

ვარგისობის ვადა

3 წელი წარმოების თარიღიდან.

არ გამოიყენოთ ვარგისობის ვადის გასვლის შემდეგ.

აფთიაქიდან გაცემის პირობები

გაიცემა რეცეპტის გარეშე.

მწარმოებელი

„ვორლდ მედიცინ ილაჩ სან. ვე ტიჟ. ა.შ.“, თუქეთი

(15 თემუზ მაჰ. ჯამი იოლუ ჯად. №50 გიუნეშლი ბაგჯილარ/სტამბოლი)

"World Medicine İlaç San. ve Tic. A.Ş.", Turkey

(15 Temmuz Mah. Cami Yolu Cad. No: 50 Güneşli Bağcılar / İstanbul).