ბიქსტონიმი ქსილო1მგ/მლ10მლ ცხ/სპრ

ბიქსტონიმი ქსილო  1 მგ/მლ ცხვირის სპრეი

შემადგენლობა

აქტიური ნივთიერება: ქსილომეტაზოლინის ჰიდროქლორიდი. ცხვირის სპრეის ხსნარის  ერთი მილილიტრი შეიცავს 1 მგ ქსილომეტაზოლინის ჰიდროქლორიდს.

სხვა კომპონენტები: ბენზალკონიუმის ქლორიდი, კალიუმის დიჰიდროფოსფატი, დინატრიუმის ფოსფატის დოდეკაჰიდრატი, სორბიტოლი, დინატრიუმის ედეტატი, ნატრიუმის ქლორიდი, გაწმენდილი წყალი. 

გამოყენება

ბიქსტონიმი ქსილო არის ცხვირის  დეკონგესანტი, რომელიც სწრაფად ხსნის  ცხვირის გაჭედვას და აადვილებს სუნთქვას.

ბიქსტონიმი ქსილო გამოიყენება მოზრდილებში და 10 წელზე უფროსი ასაკის ბავშვებში ცხვირის ლორწოვანი გარსის შეშუპებისას ვაზომოტორული რინიტისა და ალერგიული რინიტის დროს. მისი გამოყენება ასევე შეიძლება ყურის ინფექციების სამკურნალოდ ნაზოფარინქსის ლორწოვანი გარსის შეშუპებისას, ცხვირის გამოკვლევის ჩასატარებლად ექიმის დანიშნულებით.

უკუჩვენებები

ბიქსტონიმი ქსილო არ გამოიყენება შემდეგ შემთხვევებში:

–         ალერგია (ჰიპერმგრძნობიარობა) ქსილომეტაზოლინის ან რომელიმე სხვა ინგრედიენტის მიმართ (ჩამოთვლილი შემადგენლობაში);

–         ცხვირის ლორწოვანი გარსის მშრალი ქრონიკული ანთება, რომელსაც არ ახლავს სეკრეცია (rhinitis sicca);

–         ცერებრალური ინსულტის ისტორია ან ალფა-სიმპატომიმეტური აქტივობასთან დაკავშირებული ცერებრალური ინსულტის განვითარების რისკ-ფაქტორები, როგორიცაა მკურნალობა ვაზოკონსტრიქტორებით, კრუნჩხვების ისტორია,  ურეთროპროსტატული დაავადებები შარდის შეკავებით, სიმპათომიმეტიკების პირდაპირი მოქმედება;

–         ცოტა ხნის წინანდელი ნეიროქირურგიული ჩარევა (ტრანსსფენოიდული ჰიპოფიზექტომია ან  ქირურგიული ჩარევის შემდეგ ტვინის გარსის ექსპოზიცია);

–         10  წლამდე ასაკის ბავშვებში.

გაფრთხილებები და სიფრთხილის ზომები

პრეპარატის გამოყენებამდე რჩევისათვის მიმართეთ ექიმს, თუ პაციენტის მდგომარეობა მიეკუთვნება რომელიმე ქვემოთ ჩამოთვლილაგანს:

–         დეპრესიის სამკურნალო პრეპარატებით - მონოამინოქსიდაზას ინჰიბიტორებით (MAO ინჰიბიტორები) ან სხვა პრეპარატებით მკურნალობა, რომლებმაც შეიძლება გამოიწვიოს  წნევის მომატება;

–         მომატებული თვალშიდა წნევა, განსაკუთრებით ვიწროკუთხოვანი გლაუკომა;

–         თირკმელზედა ჯირკვლის სიმსივნე (ფეოქრომოციტომა);

–         გადიდებული პროსტატის ჯირკვალი (პროსტატის ადენომა/პროსტატის კეთილთვისებიანი ჰიპერტროფია);

–         გულ-სისხლძარღვთა მძიმე დაავადება (მაგ. გახანგრძლივებული QT სინდრომი, გულის კორონარული დაავადება, მაღალი წნევა);

–         მეტაბოლური დარღვევები (მაგ. ჰიპერთირეოზი, შაქრიანი დიაბეტი).

ბიქსტონიმი ქსილოს განმეორებითი და/ან გახანგრძლივებული მიღების შემთხვევაში, არსებობს ტაქიფილაქსიისა და იატროგენული რინიტის (ქრონიკული შეშუპება და ცხვირის ლორწოვანის ატროფია) განვითარების რისკი.

ბიქსტონიმი ქსილოს განმეორებითი და/ან გახანგრძლივებული მიღების შემთხვევაში, არსებობს ქსილომეტაზოლინის სისტემური შეწოვის რისკი იმ რაოდენობით, რამაც შეიძლება  სისტემური გვერდითი რეაქციები გამოიწვიოს.

სხვა მედიკამენტები და ბიქსტონიმი ქსილო

აცნობეთ თქვენს ექიმს ან ფარმაცევტს, თუ იყენებთ, ცოტა ხნის წინ იყენებდით ან შეიძლება გამოიყენოთ სხვა პრეპარატები.

ბიქსტონიმი ქსილოს  ერთდროულმა გამოყენებამ მონოამინ-ოქსიდაზას ინჰიბიტორებთან (MAO ინჰიბიტორებთან) ან ტრიციკლურ ანტიდეპრესანტებთან ან ტეტრაციკლურ ანტიდეპრესანტებთან, შეიძლება გამოიწვიოს  არტერიული წნევის მომატება (ქსილომეტაზოლინის მიერ გამოწვეული გულ-სისხლძარღვთა ეფექტების გამო).

არ არის რეკომენდებული სიმპათომიმეტიკების შემცველი ცხვირის სხვა პრეპარატების ერთდროული მიღება.

ორსულობა, ძუძუთი კვება და ნაყოფიერება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ თქვენს ექიმს ან ფარმაცევტს.

არ გამოიყენოთ ბიქსტონიმი ქსილო ორსულობის ან ლაქტაციის პერიოდში, ან თუ ხართ რეპროდუქციული ასაკის და არ იყენებთ კონტრაცეფციას.

ავტომობილის და მექანიზმების მართვა

ბიქსტონიმი ქსილოს ხანგრძლივი გამოყენების ან მაღალი დოზების გამოყენების შემთხვევაში, არ მართოთ ავტომობილი და მექანიზმები, რადგან გამორიცხული არ არის აქტიური ნივთიერების სისტემური შეწოვა და შესაძლო გავლენა მანქანისა და მექანიზმების მართვის უნარზე.

ბიქსტონიმი ქსილო შეიცავს ბენზალკონიუმის ქლორიდს

ის იწვევს გაღიზიანებას. შესაძლოა გამოიწვიოს კანის მხრივ გვერდითი რექაციები.

ბიქსტონიმი ქსილო შეიცავს სორბიტოლს  

თუ  ექიმმა გაგაფრთხილათ, რომ ზოგიერთი კატეგორიის ნახშირწყლების მიმართ აუტანლობა  გაქვთ, ამ პრეპარატის გამოყენებამდე რჩევისათვის მიმართეთ ექიმს.

გამოყენების წესი

ეს პრეპარატი ყოველთვის გამოიყენეთ ექიმის ან ფარმაცევტის რეკომენდაციის ზუსტი დაცვით. თუ დარწმუნებული არ ხართ, მიმართეთ თქვენს ექიმს ან ფარმაცევტს.

10 წელზე ზემოთ მოზარდები და მოზრდილები

1-2 შესხურება თითოეულ ნესტოში, საჭიროების მიხედვით, მაგრამ არა უმეტეს 3-ჯერ დღეში.

რეკომენდებულზე მაღალი დოზების გამოყენება არ შეიძლება.

10 წლამდე ასაკის ბავშვები

ბიქსტონიმი ქსილო 1 მგ/მლ ცხვირის სპრეი ხსნარი უკუნაჩვენებია 10 წლამდე ასაკის ბავშვებში.

2-დან 10 წლამდე ასაკის ბავშვებისთვის რეკომენდებულია ქსილომეტაზოლინის ჰიდროქლორიდის სხვა კონცენტრაცია, როგორიცაა ბიქსტონიმი ქსილო  0.5 მგ/მლ ცხვირის სპრეი, ხსნარი.

ხანდაზმულები

ბიქსტონიმი ქსილო ინიშნება  იმავე დოზებით,  როგორც მოზრდილებში.

მიღების ხანგრძლივობა

ბიქსტონიმი ქსილო არ უნდა იქნას გამოყენებული 5 დღეზე მეტი ხნის განმავლობაში, თუ ექიმი სხვაგვარად არ გირჩევთ.

გამოყენების  მეთოდი

გამოყენების წინ ფლაკონს მოხსენით დამცავი თავსახური. პირველი  გამოყენებისას, სწორი დოზების  უზრუნველსაყოფად, სპრეის ტუმბოზე 2-3-ჯერ დაჭერით გააფრქვიეთ ჰაერში. ამგვარად, ტუმბო მზად იქნება გამოსაყენებლად.

ცხვირის სპრეის გამოყენებამდე ცხვირი  ნაზად გამოირეცხეთ.

დამცავი თავსახურის მოხსნის შემდეგ, სპრეის გამფრქვევი მოათავსეთ  ნესტოში და ტუმბოზე ერთხელ დაჭერით ნაზად ჩაისუნთქეთ ცხვირით.

შესხურებისას ბოთლი უნდა იყოს ვერტიკალურ მდგომარეობაში, ტუმბო ზემოთ აწეული.

პროდუქტი არ გამოიყენება ჰორიზონტალურ მდგომარეობაში ან ქვედა მიმართულებით.

გამოყენების შემდეგ ფლაკონს დაახურეთ დამცავი თავსახური.

ჰიგიენური მიზეზებისა და ინფექციების თავიდან აცილების მიზნით, თითოეული  პულვერიზატორიანი ბოთლი გამოიყენება მხოლოდ ინდივიდუალური მოხმარებისათვის.

ბოლო დოზის მიღება რეკომენდებულია ძილის წინ.

თუ იყენებთ იმაზე მეტ ბიქსტონიმი ქსილოს ვიდრე საჭიროა

თუ    რეკომენდებულზე მაღალი დოზა გამოიყენეთ  ან შემთხვევით გადაყლაპეთ ხსნარი, დაუყოვნებლივ მიმართეთ ექიმს ან მიმართეთ საავადმყოფოს. ასეთ შემთხვევებში შეიძლება განვითარდეს შემდეგი სიმპტომები: გუგის გაფართოება (მიდრიაზი), გულისრევა, ღებინება, ტუჩების ლურჯი შეფერილობა (ციანოზი), ცხელება, კრუნჩხვები, გულ-სისხლძარღვთა დარღვევები (ტაქიკარდია/ბრადიკარდია, სხვა არითმიები, კოლაფსი, გულის გაჩერება, არტერიული წნევის მომატება), სუნთქვის დარღვევები (ფილტვის შეშუპება, ქოშინი და ა.შ.), ფსიქიკური დარღვევები, ძილიანობა, სხეულის ტემპერატურის დაქვეითება, გულისცემის გაიშვიათება, არტერიული წნევის დაქვეითება, სუნთქვის გაჩერება და კომა.

თუ დაგავიწყდათ ბიქსტონიმი ქსილოს  გამოყენება

არ მიიღოთ ორმაგი დოზა გამოტოვებული დოზის კომპენსირების მიზნით.

თუ შეწყვეტთ ბიქსტონიმი ქსილოს  გამოყენებას

განმეორებითი და/ან გახანგრძლივებული, და/ან მაღალი დოზებით მიღების შემთხვევაში, ბიქსტონიმი ქსილოს  შეწყვეტის შემდეგ შეიძლება განვითარდეს შეგუბებითი უკუგების სინდრომი (რეაქტიული ჰიპერემია).

ამ მედიკამენტის გამოყენებასთან დაკავშირებით დამატებითი შეკითხვების შემთხვევაში, მიმართეთ თქვენს ექიმს ან ფარმაცევტს.

შესაძლო გვერდითი ეფექტები

ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი რეაქციები, თუმცა ისინი ყველას არ აღენიშნება.

გვერდითი რეაქციები კლასიფიცირდება შემდეგი სიხშირის მიხედვით: ძალიან ხშირი (რაც აღენიშნება 10-დან 1 პაციენტზე მეტს), ხშირი (რაც აღენიშნება 10-დან 1 პაციენტზე ნაკლებს), არახშირი (რომელიც მოქმედებს 100-დან 1-ზე ნაკლებ პაციენტში), იშვიათი (რომელიც უვითარდება 1000 პაციენტში 1-ზე ნაკლებს), ძალიან იშვიათად (რაც აღენიშნება 1-ზე ნაკლებ პაციენტს 10000-დან), უცნობი სიხშირით (რაც არ შეიძლება შეფასდეს არსებული მონაცემებით).

–          ჰიპერმგრძნობელობის მქონე პაციენტებში: ადგილობრივი ზომიერი და გარდამავალი გაღიზიანება (ცხვირის ლორწოვანი გარსის წვის ან სიმშრალის შეგრძნება).

ძალიან იშვიათი გვერდითი ეფექტები

–         შეგუბებითი უკუგების სინდრომი (რეაქტიული ჰიპერემია) მკურნალობის შეწყვეტის შემდეგ;

–         ხანგრძლივმა მკურნალობამ, ქსილომეტაზოლინის ხშირმა და/ან მაღალმა დოზებმა შეიძლება გამოიწვიოს გაღიზიანება (ცხვირის ლორწოვანი გარსის წვა ან სიმშრალე), ასევე რეაქტიული შეშუპება წამლით გამოწვეული რინიტით. ეს ეფექტი შეიძლება გაქრეს მკურნალობის დაწყებიდან მხოლოდ 5 დღის შემდეგ. თუ მიღება გაგრძელდა, შეიძლება განვითარდეს:

– ცხვირის ლორწოვანი გარსის ქრონიკული დაზიანება ქერქის გამოყოფით;

– თავის ტკივილი;

– უძილობა;

–ასთენია;

– მხედველობის დარღვევები;

– არანორმალური გულისცემა;

– სწრაფი გულისცემა;

– მაღალი  არტერიული წნევა.

გვერდითი მოვლენები უცნობი სიხშირით

- გულისრევა.

გვერდითი ეფექტების შესახებ შეტყობინება

რომელიმე გვერდითი ეფექტის გამოვლენის შემთხვევაში, მიმართეთ თქვენს ექიმს ან ფარმაცევტს. ეს მოიცავს ნებისმიერ გვერდით ეფექტს, მათ შორის იმ მოვლენებს, რომელიც არ არის აღნიშნული ამ ინსტრუქციაში. არასასურველი რეაქციების შესახებ ასევე შეგიძლიათ  პირდაპირ შეატყობინოთ ეროვნული შეტყობინების სისტემის მეშვეობით, რომლის მონაცემები გამოქვეყნებულია ეროვნული მედიკამენტებისა და სამედიცინო მოწყობილობების სააგენტოს ვებგვერდზე http://www.anm.ro/.

გვერდითი ეფექტების შეტყობინებით, თქვენ შეგიძლიათ დაეხმაროთ დამატებითი ინფორმაციის მოწოდებას ამ წამლის უსაფრთხოების შესახებ.

შენახვის წესი

 შეინახეთ ბავშვებისთვის მიუწვდომელ ადგილას.

არ გამოიყენოთ ეს პრეპარატი შეფუთვაზე მითითებული ვარგისობის ვადის გასვლის შემდეგ, „ვადის გასვლის თარიღის“ შემდეგ. ვარგისობის ვადა არის შესაბამისი თვის ბოლო დღე.

შეინახეთ 25°C-ზე დაბალ ტემპერატურაზე ორიგინალ შეფუთვაში.

გამოიყენეთ ბოთლის პირველი გახსნიდან მაქსიმუმ 30 დღის განმავლობაში.

არ გადაყაროთ პრეპარატები კანალიზაციაში ან საყოფაცხოვრებო ნაგავში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

ბიქსტონიმი ქსილოს  გარეგნული აღწერა და შეფუთვა

ბიქსტონიმი ქსილო არის გამჭვირვალე, უფერო და უსუნო ხსნარი, ხილული ნაწილაკების გარეშე.

მუყაოს კოლოფში მოთავსებულია ქარვისფერი ერთი შუშის ბოთლი სპრეი ტუმბოთი, რომელიც შეიცავს 10 მლ ცხვირის სპრეის ხსნარს.

სავაჭრო ნებართვის მფლობელი და მწარმოებელი

BIOFARM S.A.

99 Logofătul Tăutu Street, მე-3 რაიონი, ბუქარესტი, რუმინეთი

ტელეფონი: +4 021 30.10.600

ფაქსი: +4 021 30.10.605

ელ.ფოსტა : [email protected]