დერმოლი 5მგ+5მგ/გ 20გ მალამო

დერმოლი

კრემი 0.5% + 0.5%

 მალამო 0.5% + 0.5%

შემადგენლობა

აქტიური ინგრედიენტები: პრედნიზოლონი, ნეომიცინის სულფატი.

დამხმარე ნივთიერებები:

კრემი: ცეტილის სპირტი, თეთრი რბილი პარაფინი, თხევადი პარაფინი, პოლისორბატი 60, სორბიტან მონოსტეარატი, მეთილის ჰიდროქსიბენზოატი, პროპილ ჰიდროქსიბენზოატი, პროპილენ გლიკოლი, ნატრიუმის მეტაბისულფიტი, დინატრიუმის ფოსფატი, დემინერალიზებული წყალი.

მალამო: თეთრი რბილი პარაფინი, თხევადი პარაფინი.

გამოყენება

პრეპარატი შეიცავს აქტიურ ინგრედიენტებს პრედნიზოლონს და ნეომიცინს (სულფატი).

პრეპარატის შემადგენლობაში აქტიური კომპონენტი პრედნიზოლონი  კორტიკოსტეროიდია, რომელსაც ახასიათებს ადგილობრივი ანთების საწინააღმდეგო, ქავილის საწინააღმდეგო და ვაზოკონსტრიქციული მოქმედება.

მეორე აქტიური ნივთიერება ნეომიცინი  ანტიბიოტიკია, რომელიც გამოიყენება კანის ინფექციების ადგილობრივად სამკურნალოდ.

ჩვენებები

დერმოლი გამოიყენება ალერგიული დერმატოზის თერაპიული მკურნალობისთვის.

უკუჩვენებები

დერმოლი არ გამოიყენება შემდეგ შემთხვევებში:

-         პრედნიზოლონის, ნეომიცინის ან პროდუქტის სხვა ინგრედიენტების მიმართ ალერგია;

-         ადგილობრივად გამოსაყენებული კორტიკოსტეროიდული ფარმაცევტული პროდუქტები არ გამოიყენება კანის დაუდგენელი მდგომარეობის ან დერმატოზის შემთხვევაში;

-         გამოყენება თავიდან უნდა იქნას აცილებული აკნეს, პერიორალური დერმატიტის, წყლულების და ასევე დამწვრობების დროს, რადგან მათი მოქმედება აფერხებს შეხორცებას.

დერმოლის გამოყენება ასევე უკუნაჩვენებია შემდეგ შემთხვევებში:

-         ორსულობის დროს, განსაკუთრებით პირველ თვეებში (გარდა ადისონის დაავადების დროს ჩანაცვლებითი თერაპიისა და თირკმელზედა ჯირკვლის თანდაყოლილი ჰიპერპლაზიის შემთხვევისა);

-         თირკმლის მძიმე დაავადების მქონე პაციენტებში (ნეფროზის გარდა);

-         ფსიქოზის ან ფსიქოზისადმი მიდრეკილების მქონე პაციენტებში;

-         აქტიური ტუბერკულოზის მქონე პაციენტებში (გარდა განსაკუთრებული შემთხვევებისა);

-         ინფექციური დაავადებების მქონე პაციენტებში (გარდა განსაკუთრებული შემთხვევებისა);

-         ემორაგიისადმი მიდრეკილ პაციენტებში (გარდა განსაკუთრებული შემთხვევებისა).

-         გარდა ამისა, არსებობს ოფთალმოლოგიური უკუჩვენებები და ვაქცინაციის ჩატარებისას თავიდან უნდა იქნას აცილებული კორტიკოსტეროიდების გამოყენება;

-         კორტიკოსტეროიდები უკუნაჩვენებია მარტივი ჰერპესის არსებობისას;

-         კორტიკოსტეროიდმა შესაძლოა გამოიწვიოს კატარაქტა და თვალშიგა წნევის მომატება (იშვიათ შემთხვევებში შეიძლება აღინიშნებოდეს თავის ტვინის ფსევდოსიმსივნური სიმპტომი)

-         და ბოლოს, კორტიკოსტეროიდები უკუნაჩვენებია პაციენტებში, რომლებსაც აქვთ კუჭ-თორმეტგოჯა ნაწლავის წყლული, სისტემური მიკოზი, გულის დაავადება ან ჰიპერტენზია გულის შეგუბებითი უკმარისობით, ოსტეოპოროზი და შაქრიანი დიაბეტი.

გაფრთხილებები და სიფრთხილის ზომები

დერმოლის მიღებამდე გაესაუბრეთ ექიმს ან ფარმაცევტს.

მშრალი საფენის გამოყენებისას კანი უნდა გაიწმინდოს ჯვარედინი დაბინძურების თავიდან ასაცილებლად.

ადგილობრივი კორტიკოსტეროიდები არ გამოყენება სამ კვირაზე მეტი ხნის განმავლობაში დერმატოლოგის მიერ ხელახალი გამოკვლევის გარეშე.

არანაკლებ 10-15 დღის განმეორებითი გამოყენების შემდეგ შეიძლება აღინიშნოს კორტიკოსტეროიდების (განსაკუთრებით ფტორირებული კორტიკოსტეროიდების) ეფექტურობის დროებითი შემცირება ან დაკარგვა, რაც აღდგება მკურნალობის შეწყვეტის შემდეგ რამდენიმე დღის ან კვირის განმავლობაში.

არასასურველი ეფექტების გამო, რომლებიც შეიძლება განვითარდეს შესაძლო შეწოვის გამო, საჭიროა  სიფრთხილე პრეპარატის  კანის დიდ ზედაპირზე ან ხანგრძლივი დროის განმავლობაში გამოყენებისას, განსაკუთრებით ბავშვებში და პაციენტებში თირკმლის მძიმე დაავადებით, ჰემორაგიისადმი განწყობით და გარდაუვალი ვაქცინაციის შემთხვევაში.

ზოგადად, უნდა შეირჩეს  ნაკლებად ძლიერი ისეთი კორტიკოსტეროიდი, რომელიც ჩაითვლება ეფექტურად კონკრეტული ჩვენებისთვის, და პასუხის არსებობის შემთხვევაში, უნდა დაინიშნოს სხვა მსგავსი ან უფრო ძლიერი კორტიკოსტეროიდი.

პრეპარატმა შეიძლება გამოიწვიოს კატარაქტა და გლაუკომა, თუ გამოიყენება დიდი ხნის განმავლობაში ხდება თვალების სიახლოვეს.

ქუთუთოებზე ადგილობრივად გამოყენების შემთხვევაში, საჭიროა სიფრთხილე, რათა თავიდან იქნას აცილებული პრეპარატის თვალებთან შეხება.

ბავშვები და მოზარდები

თავიდან უნდა იქნას აცილებული ამ პრეპარატის ხანგრძლივი გამოყენება ბავშვებში.

ბავშვები უფრო მგრძნობიარენი არიან ადგილობრივი კორტიკოსტეროიდების გამოყენების შედეგად სისტემური გვერდითი ეფექტებისადმი, რადგან მათ შეუძლიათ უფრო მეტი პრეპარატის შთანთქმა სხეულის წონასთან მიმართებაში კანის ზედაპირის უფრო დიდ ფართობზე გამოყენების გამო.

სხვა პრეპარატები და დერმოლი

გაესაუბრეთ ექიმს ან ფარმაცევტს, თუ იღებთ, ცოტა ხნის წინ მიიღეთ ან შესაძლოა მიიღოთ სხვა პრეპარატები.

კორტიკოსტეროიდების ფენიტოინთან, ფენობარბიტალთან, ეფედრინთან და რიფამპიცინთან ერთდროულმა გამოყენებამ შეიძლება შეამციროს კორტიკოსტეროიდების ეფექტურობა.  ალკოჰოლის და ანთების საწინააღმდეგო არასტეროიდული  საშუალებებთან ერთად მიღებით ძლიერდება მათი ულცეროგენული ეფექტი.

კალიუმის გამომყოფი დიურეზული საშუალებების ერთდროულმა გამოყენებამ შეიძლება გამოიწვიოს მძიმე ჰიპოკალიემია, ხოლო დიგიტალისთან ერთდროულმა გამოყენებამ შეიძლება გაზარდოს დიგიტალისის ტოქსიკურობის შესაძლებლობა (ასოცირებული ჰიპოკალიემიასთან).

გლუკოკორტიკოიდი  ამცირებს ან აძლიერებს კუმარინის წარმოებულების ანტიკოაგულანტების მოქმედებას.

ორსულობა, ძუძუთი კვება და ნაყოფიერება

თუ ხართ ორსულად ან ძუძუთი კვებავთ, ფიქრობთ, რომ შესაძლოა იყოთ ორსულად ან გეგმავთ ბავშვის გაჩენას, ამ პრეპარატის მიღებამდე რჩევისთვის მიმართეთ ექიმს ან ფარმაცევტს.

ორსულობა

ორსულობის დროს დერმოლის გამოყენება თავიდან უნდა იქნას აცილებული. ორსულობის დროს ადგილობრივი კორტიკოსტეროიდების მიღება შესაძლებელია მხოლოდ იმ შემთხვევაში, თუ მოსალოდნელი სარგებელი აღემატება ნაყოფისთვის შესაძლო რისკს. ასეთ შემთხვევებში, მათი გამოყენება არ უნდა მოხდეს დიდი რაოდენობით ან დიდი ხნის განმავლობაში.

ძუძუთი კვება

თავიდან უნდა იქნას აცილებული დერმოლის გამოყენება ძუძუთი კვების დროს. ძუძუთი კვების დროს კორტიკოსტეროიდის გამოყენების აუცილებლობის შემთხვევაში, პრეპარატის რაოდენობა და მკურნალობის ხანგრძლივობა მინიმუმამდე უნდა შეიზღუდოს.

ავტომობილის და მექანიზმების მართვა

ცნობილი არ არის ავტომობილის მართვისა და მექანიზმებთან მუშაობის უნარზე დერმოლის ზემოქმედების შესახებ.

დერმოლი კრემი შეიცავს ცეტილის სპირტს, რომელმაც შეიძლება გამოიწვიოს კანის ადგილობრივი რეაქციები (მაგ. კონტაქტური დერმატიტი), მეთილ ჰიდროქსიბენზოატს და პროპილ ჰიდროქსიბენზოატს, რომლებმაც შეიძლება გამოიწვიოს ალერგიული რეაქციები (შესაძლოა დაგვიანებული) და პროპილენ გლიკოლს, რამაც შეიძლება გამოიწვიოს კანის გაღიზიანება.

გამოყენების წესი

პრეპარატი ყოველთვის გამოიყენეთ ზუსტად ისე, როგორც ექიმმა ან ფარმაცევტმა გირჩიათ. თუ არ ხართ დარწმუნებული,  გაესაუბრეთ ექიმს ან ფარმაცევტს.

მოზრდილები: დაზიანებული უბნის გაწმენდის შემდეგ წაისვით მცირე რაოდენობით კრემი ან მალამო 2-3-ჯერ დღეში დერმატოზის ხასიათიდან გამომდინარე.

ბავშვები: ისევე როგორც მოზრდილებში.

მოხუცები: ისევე როგორც მოზრდილებში.

ჭარბი დოზირება

ტოქსიკური რეაქციების სამართავად საჭიროა სიმპტომური მკურნალობა.

დოზის გამოტოვება

თუ დაგავიწყდათ პრეპარატის გამოყენება რეკომენდაციის მიხედვით, გამოიყენეთ კრემი/მალამო რაც შეიძლება მალე. შემდეგ  გააგრძელეთ მკურნალობა ექიმის მითითებების მიხედვით.

გვერდითი ეფექტები

ყველა პრეპარატის მსგავსად, ამ პრეპარატმაც შეიძლება გამოიწვიოს გვერდითი ეფექტები, თუმცა არა ყველა ადამიანში.

ხანგრძლივი გამოყენების შემდეგ ზოგადი

ბუნებრივი გლუკოკორტიკოიდების მსგავსად, სინთეზური წარმოებულები ეკვივალენტური დოზებით იწვევენ ერთი და იგივე ხარისხის არასასურველ ეფექტებს. ამრიგად, ძირითადად, ხანგრძლივმა გამოყენებამ შეიძლება გამოიწვიოს მნიშვნელოვანი არასასურველი ეფექტები, რომელთაგან ყველაზე მნიშვნელოვანია შემდეგი:

ჰიპოთალამურ-ჰიპოფიზურ-თირკმელზედა ღერძის დათრგუნვა, შრატში კორტიზოლის დონის დაქვეითება, კუშინგის სინდრომი, ჰიპერგლიკემია და გლიკოზურია, ნატრიუმის და წყლის შეკავება, ჰიპოკალიემია, ჰირსუტიზმის სინდრომი და აკნე, ქირურგიული ჭრილობის და დაზიანებების დაგვიანებული შეხორცება, ჰიპერტენზია, აზოტის და კალციუმის უარყოფითი ბალანსი ოსტეოპოროზით, პეპტიური წყლული, ფსიქოზური გამოვლინებები, თვალშიდა წნევის მომატება და გლაუკომა, კატარაქტა, მგრძნობელობა ინფექციების მიმართ და მიკრობული ანთებების გავრცელება, ბავშვებში ზრდის ტემპის დაქვეითება, კეთილთვისებიანი ინტრაკრანიალური ჰიპერტენზია, შაქრიანი დიაბეტის დერეგულაცია, მწვავე ქირურგიული მუცლის შენიღბვა (ჩუმი პერიტონიტი პუნქციის შემთხვევაში).

არასასურველი ეფექტების შეტყობინება

რაიმე გვერდით ეფექტის შემჩნევის შემთხვევაში, მიმართეთ ექიმს, ფარმაცევტს ან მედდას. ეს მოიცავს ნებისმიერ შესაძლო გვერდით ეფექტს, რომელიც ზემოთ არ არის ჩამოთვლილი. გვერდითი ეფექტების შესახებ ასევე შეგიძლიათ შეატყობინოთ უშუალოდ მედიკამენტების ეროვნული ორგანიზაციის მეშვეობით (284, Mesogeion Avenue, GR-15562 Cholargos, Athens, ტელ: + 30 21 32040380/337, ფაქსი: + 30 21 06549585, ვებ-გვერდი: http://www. eof.gr).

გვერდითი ეფექტების შეტყობინებით თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

შენახვის წესი

პრეპარატი ბავშვებისთვის მიუწვდომელ ადგილას.

არ გამოიყენოთ პრეპარატი ვარგისობის ვადის გასვლის შემდეგ, რომელიც მითითებულია გარე და შიდა შეფუთვაზე „EXP“-ის შემდეგ. ვარგისობის ვადა ეხება მითითებული თვის ბოლო დღეს.

არ გადაყაროთ პრეპარატები ჩამდინარე წყალში ან ნარჩენებში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაცვას.

შეფუთვის შიგთავსი და სხვა ინფორმაცია

- ყუთი, რომელიც შეიცავს 20 გ ალუმინის ტუბს თეთრი კ და კრემით და შეფუთვის ფურცელს.

- ყუთი, რომელიც შეიცავს 20 გ ალუმინის ტუბს გამჭვირვალე მალამოთი და შეფუთვის ფურცელს.

დერმოლის გარეგნული აღწერა და შეფუთვის შიგთავსი

კრემი: თეთრი კრემი 20გ ალუმინის ტუბში.

მალამო: გამჭვირვალე მალამო 20გ ალუმინის ტუბში.

სავაჭრო ნებართვის მფლობელი და მწარმოებელი

ADELCO – CHROMATOURGIA ATHINON, E. COLOCOTRONIS BROTHERS S.A.

37, Pireos str., 183 46 Moschato - ათენი, საბერძნეთი.

ტელ: 2104819311-4, ფაქსი: 2104816790

ADELCO

ADELCO - CHROMATOURGIA ATHINON, E. COLOCOTRONIS BROTHERS S.A.

37, PIREOS STR. - 183 46 MOSCHATO - ათენი

ტელ.: 210 4819311 - 4 ფაქსი: 210 4816790.