სილვედერმა აეროზოლი 50მლ

სილვედერმა 10 მგ/მლ კანის სპრეი, სუსპენზია

შემადგენლობა

აქტიური ნივთიერება: ვერცხლის სულფადიაზინი.

1 მლ შეიცავს 10 მგ ვერცხლის სულფადიაზინს.
დამხმარე კომპონენტები: იზოპროპილის მირისტატი, კოლოიდური სილიციუმის დიოქსიდი, ლავანდის ესენცია, აბსოლუტური ეთანოლი და ნორფლურანი (HFA-134a).

გამოყენება

პრეპარატი შეიცავს ვერცხლის სულფადიაზინს, რომელიც  სულფანილამიდების ჯგუფის ანტიმიკრობული  (ინფექციების სამკურნალო) საშუალებაა.

პრეპარატი ნაჩვენებია ინფექციების სამკურნალოდ და პრევენციისთვის მეორე და მესამე ხარისხის დამწვრობისას, აგრეთვე ვარიკოზული წყლულების და ნაწოლების სამკურნალოდ.

უკუჩვენება

- ვერცხლის სულფადიაზინის, სულფანილამიდების ან ამ პრეპარატის სხვა ინგრედიენტების მიმართ ჰიპერმგრძნობელობა.

-- დიდი ზომის დაზიანება;

-  ახალშობილები, ნაადრევად დაბადებულ ბავშვები, ორსულობის ბოლო დღეები, ლაქტაციის პერიოდი.

გაფრთხილება და სიფრთხილის ზომები

სილვედერმას გამოყენებამდე აცნობეთ ექიმს ან ფარმაცევტს.

განსაკუთრებული ყურადღებაა საჭირო შემდეგ შემთხვევებში::

- ღვიძლის ან თირკმელის დაავადებები, უნდა მოერიდოთ პრეპარატის გამოყენებას დიდი ზომის დაზიანებებზე, ღია ჭრილობებზე და განსაკუთრებით წყლულებზე.
- სისხლში თეთრი უჯრედების ნაკლებობის შემთხვევაში რეკომენდებულია საკონტროლო ანალიზი.

- ფერმენტ გლუკოზა-6-ფოსფატ დეჰიდროგენაზას დეფიციტისას.

 - პრეპარატით დამუშავებული ადგილი უნდა მოარიდოთ მზის პირდაპირ სხივებს, რათა თავიდან აიცილოთ კანის შეფერილობის შეცვლა აგრეთვე კანზე რუხი შეფერილობის გაჩენა.

სილვედერმას გამოყენება სხვა წამლებთან ერთად

გააფრთხილეთ ექიმი ან ფარმაცევტი თუ იღებთ, უახლოეს წარსულში იღებდით ან შესაძლოა მიიღოთ სხვა პრეპარატები, მათ შორის რეცეპტის გარეშე მისაღები პრეპარატები.

ორსულობა და ლაქტაცია

ამ პრეპარატის გამოყენებამდე საჭიროა მიმართოთ ექიმს ან ფარმაცევტს კონსულტაციისთვის.

სილვედერმა არ გამოიყენება ფეხმძიმობის ბოლო დღეებსა და ლაქტაციის პერიოდში.

ავტომობილის მართვა და მექანიზმების გამოყენება

ნაკლებად შესაძლებელია, რომ სილვადერმამ გამოიწვიოს რაიმე გვერდითი ეფექტი საჭესთან და სხვა მექანიზმების მართვისას.

სილვედერმა შეიცავს სპირტს

ეს პროდუქტი მთლიან მოცულობაში 29.84% ეთანოლს შეიცავს, რომელიც 235.76 მგ/მლ-ს ექვივალენტურია, რამაც შეიძლება დაზიანებულ კანზე წვის შეგრძნება გამოიწვიოს.

გამოყენების წესი

პრეპარატი ყოველთვის გამოიყენეთ ექიმის ან ფარმაცევტის მითითების შესაბამისად. ნებისმიერი ეჭვის შემთხვევაში  მიმართეთ ექიმს ან ფარმაცევტს.

პრეპარატი შეიწოვება ზედაპირულად კანის მეშვეობით.

გამოყენების ინსტრუქციები:

1. - შეანჯღრიეთ კონტეინერი ყოველი გამოყენების წინ.

2. - დაისხურეთ პრეპარატი ჭრილობის ადგილას ერთხელ, ორჯერ ან რამდენიმეჯერ დღეში, ექიმის მითითების შესაბამისად.

დოზის გადაჭარბება

დოზის გადაჭარბების ან შემთხვევითი გადაყლაპვის შემთხვევაში დაუკავშირდით ექიმს და მიუთითეთ პრეპარატი, მიღებული ან გამოყენებული პრეპარატის ოდენობა.

დოზის გამოტოვება

არ გამოიყენოთ ორმაგი დოზა დავიწყებული დოზის კომპენსირებისათვის.

პრეპარატის გამოყენების შესახებ დამატებითი კითხვების შემთხვევაში დაუკავშირდით ექიმს ან ფარმაცევტს.

გვერდითი მოვლენები

სხვა პრეპარატების მსგავსად, ამ მედიკამენტსაც შესაძლოა გააჩნდეს

 გვერდითი მოვლენები, თუმცა არა ყველა პაციენტში.

ძალიან იშვიათი გვერდითი ეფექტები: (შესაძლოა გამოვლინდეს 10, 000-დან 1-მდე პაციენტში):

- შესაძლოა განვითარდეს სიცოცხლისათვის საშიში კანის რეაქციები (სტივენს ჯონსონის სინდრომი, ტოქსიკური ეპიდერმული ნეკროლიზი).

უცნობი სიხშირის გვერდითი ეფექტები (არსებული მონაცემებით შეფასება არ არის შესაძლებელი).  თუ აღგენიშნათ რომელიმე ქვემოთ აღნიშნული რეაქცია, მიმართეთ ექიმს დაუყოვნებლივ:

 -  ალერგიული რეაქციები;
 - კანის რეაქციები, როგორიცაა წვის შეგრძნება ან ტკივილი;
 - კანის ფერის შეცვლა/განაცრისფრება გამოყენების ადგილას მზის სხივების ზემოქმედების შედეგად;

- სისხლში თეთრი უჯრედების შემცირება (ლეიკოპენია);
- ოსმოლარობის მომატება შრატში.

კანის სერიოზული რეაქციების განვითარების ყველაზე მაღალი რისკის პერიოდია მკურნალობის პირველი რამდენიმე კვირა.

პრეპარატის გამოყენებისას, სტივენს ჯონსონის სინდრომის ან ტოქსიკური ეპიდერმული ნეკროზის განვითარების შემთხვევაში, მისი გამოყენება უნდა შეწყდეს.

გამონაყარის ან კანის სიმპტომების განვითარების შემთხვევაში, პრეპარატის გამოყენება უნდა შეწყდეს, პრეპარატის გამოყენების შესახებ, დაუყოვნებლივ აცნობეთ  ექიმს.

გვერდითი მოვლენების შესახებ ანგარიში

რომელიმე გვერდითი მოვლენის გამოვლენის შემთხვევაში, მიმართეთ ექიმს ან ფარმაცევტს. მათ შორის ისეთი შესაძლო გვერდითი მოვლენის შესახებ, რომელიც მითითებული არ არის  გამოყენების მოცემულ ინსტრუქციაში. ასევე შეგიძლიათ გვერდითი მოვლენების შესახებ განაცხადოთ ესპანეთის ადამიანის სამედიცინო პროდუქტების ფარმაკოზედამხედველობის სისტემის მეშვეობით: https://www.notificaram.es. გვერდითი მოვლენების შესახებ ინფორმირებით თქვენ შეგიძლიათ ამ პრეპარატის უსაფრთხოების შესახებ მეტი ინფორმაციის მიწოდებაში დახმარება.

შენახვის პირობები

შეინახეთ ბავშვებისთვის მიუწვდიმელ ადგილას;

კონტეინერზე მითითებული ვარგისობის ვადის გასვლის შემდეგ პრეპარატი არ გამოიყენოთ. ვადა განისაზღვრება მითითებული თვის ბოლო დღით.

შეინახეთ არაუმეტეს 30⁰C-ზე. შეინახეთ ორიგინალ შეფუთვაში სინათლისა და ჭარბი სიცხისგან დაცვის მიზნით. არ გაყინოთ.

პრეპარატის გამოყენება არ შეიძლება ღია ცეცხლთან, ანთებულ სიგარეტთან და გარკვეულ მოწყობილობებთან ( მაგ თმის საშრობი ფენი) სიახლოვეს, რადგან შეიცავ სპირტს.

კონტეინერი არ გახვრიტოთ ან დაწვათ, იმ შემთხვევაშიც კი თუ ის სრულიად ცარიელია. აალებადია.

არ გადააგდოთ მედიკამენტები ჩამდინარე წყლებში ან საყოფაცხოვრებო ნარჩენებში.

გამოშვების ფორმა და აღწერილობა

ალუმინის კონტეინერი დალუქული მთლიანი სარქველით, რომელშიც მოთავსებულია 50 მლ სუსპენდირებული წამლის სუბსტანცია.   
მფლობელი და წარმოებაზე პასუხისმგებელი
შპს ლაბორატორია ალდო უნიონ (Laboratorio ALDO UNION S.L.)

ბარონესა დე მალდას ქუჩა 73
08950 ესპლუგას დე ლობრეგატი
ბარსელონა, ესპანეთი.